<![CDATA[
AÑO CIV, TOMO II, SAN LUIS POTOSÍ, S.L.P.
LUNES 20 DE DICIEMBRE DE 2021
EDICIÓN EXTRAORDINARIA
PUBLICACIÓN ELECTRÓNICA
33 PÁGINAS
Poder Legislativo del Estado
Decreto 0227.- Se expide la Ley de Asistencia Social para el Estado y Municipios de San Luis
Potosí.
Legislativo del Estado
Decreto T247.-….
AN PODER LEGISLATICO TI PULIK BICHOW
JOSE RICARDO GALLARDO CARNONA, TS’ALE’ CONSTITUCIONAL TI ESTADO LIBRE Y SOBERADO DE
SAN LUIS POTOSI, KI IN TSO’OBNA’CHIK AN K’WAJILÓM: ABAL AN EYALCHIK TI CONGRESO TI PULIK
BICHOW IN OLNAL:
OLNADHTALÁB 0227
AN SEXAGESIMA TERCER LEGISLATURA CONSTITUCIONAL DEL ESTADO LIBRE Y SOBERANO DE SAN
LUIS POTOSIO; IN OLNAL:
JALE’ TU T’AJAB
AN ASISTENCIA SOCIAL TI LABTÓM IN KWA’AL IN UCHBIL ABAL KI IN T’AJA’ I JALK’UDHTALÁB ANI KI
IN ALWA’MEDHA’ AN XE’ETSINTALÁB ABAL AN ATIKLAB, ANTSANA’ EJTÍL KI IN BELETNANCHI’ IN
PUWELTAL, IN TSALAPIL ANI TI K’WAJÍL TAM AXE’CHIK IN YEJENCHAL, IN KWA’AL I T’EPINTALÁB O
JILAME’ MATÍN UCHBÍL TI ATIKLÁB, AN EYAL TI PULIK BICHOW IN KWA’AL IN UCHBÍL KI IN
BELETNANCHI’ IN UCHBÍL TI ATIKLAB ANI KA ALWA’ XE’ETSIN.
IN “UCHBÍL AN ATIKLAB” PEL JUN I TSALAB ABAL AN ALWA’ XE’ETSINTALÁB ABAL AN ATIKLÁBCHIK
ANI ABATNADH KAL AN TSALAB XI TI PILCHIK I BICHOW ABAL AN UCHBIL AN ATIKLAB ANI PUNUDH
ABAL KA EJETNA’, KE BELETNA’ ANI KA PIDHAN JAWA’ XI INYEJENCHAL, AXÉ XI TSALAB IN LE’ ABAL
KA AYNA’ BA’ AN LEGISLACION, PROGRAMAS, PLANES ANI PROCESOS XI IN LUBAL ABAL KA
BELETNANCHAT IN XE’ETSINTAL AN KWAJILÓM, KAL AXÉ XI TSU’UXTALÁB IN EJTOWAL KA AYNA’ XI
ULUDH TI CONSTITUCION TI K’A’AL ARTICULO, JAWA’ IN ULAL:
TI ESTADOS UNIDOS MEXICANOS TAL YANEL AN ATIKLAB IN KWA’AL IN AY ABAL KI IN AYNA’ IN
UCHBÍL TI ATIKLAB XI T’AJADH TI KWENTAJ BA’ AXÉ XI CONSTITUCION ANI TI TRATADOS
INTERNACIONALES JUTA’ TI AJIDH AN BICHOW LABTÓM, ANTS’ANA’ EJTÍL KA AYNACHAT AN
BELETNADHTALÁB, JAWA’ YAB U EJTOWÁB KA TIXKANCHAT O KA WE’MEDHA’, EXPIDH
JANT’ODHA’ TI ULUDH TI CONSTITUCION”
ANI JAYE’, AN DECLARACION UNIVERSAL DE LOS DERECHOS HUMANOS IN ULAL:
“ARTICULO 1 TAL YANEL AN ATIKLABCHIK U WA’TSINAL WALK’ADH ANI JUNUNÚL IN ALWA’ ANI IN
UCHBÍL ANI, KAL IN KWET TSALAPÍL, ABAL KA EJETNAXIN JUNCHIK KAL XI K’EAT I ATIKLAB.
ARTICULO 2 TAL YANEL AN ATIKLAB IN KWA’AL IN UCHBÍL ANI WALKADHTALÁB JANTÓDHA’ TI
ULUDH BA’ AXÉ XI DECLARACIÓN, YAB T’AJADH TI KWENTAJ MÁX PIL I RAZA, COLOR, SEXO,
KAWÍNTAL, RELIGION, OPINIÓN POLIÍTICA O PIL I TSALAP, IN BICHOWÍL, POSICIÓN ECONOMICA,
JU’TA’ TI WA’TSINENÉK O PIL IN XE’ETSINTAL. IBAJ JAYE NE’ETS KA T’AJCHIN TI KWENTAJ IN
XE’ETSINTÁL POLITICA, JURIDICA O INTERNACIONAL TI PULIK BICHOW JU’TA’ TI AJIDH AN ATIKLAB,
MÁX AXÉ TAL TI JUN I BICHOW XI IN KWA’AL IN KW’ET ABATNOM, O ANTSANA’ EJTÍL XI IN TABALÍL
XILCHAMÉ KAL JITA’ KA BELETNA’, O YAB IN EJTOWAL KI IN KW’ET ABATNA’ IN TSABALÍL.
ARTICULO 22 TAL YANEL AN ATIKLAB, XI AJIDH BA’ JUN I KWENCHALÁB, IN KWA’AL IN UCHBÍL KA
BELETNANCHAT IN XE’ETSINTAL, ANI KI IN BATSU’UW, BA’ IN LUBAXTAL AN PULIK BICHOW ANI AN
TOLMIXTALÁB INTERNACIONAL, XI IN KWA’AL AN ORGANIZACIÓN ANI AN TOLMIXTALÁB XI IN
KWA’AL AN PULIK BICHOW, AN ALWA’TALÁB KAL AN UCHBILTALÁB KAL AN ATADHTALÁB TUMÍN,
KWAJILÓM ANI TSALAPÍL, XI YEJENTAL ABAL ALWA’ ANI WALKADH KA XE’ETSIN.”
TI IN KWENTALÓM AN PACTO INTERNACIONAL KAL IN UCHBÍL AN ATADHTALÁB TUMÍN, KWAJILÓN
ANI TSALAPÍL, IN OLNAL:
“ARTICULO 3 AN BICHOWCHIK XI AJIDH BA’ AXÉ XI PACTO IN BATSU’UWALCHIK KI IN BELETNACHI’
AN INIKCHIK ANI AN MIMLÁBCHIK ABAL JUNINI’ IN EJTOWAL KI IN BATSU’UCHIK IN UCHBÍL KAL AN
ATADHTALÁB TUMÍN, KWAJILÓM ANI TSALAPÍL XI ULUDH BA’ AXÉ XI PACTO”.
TAL YANEL AN ABATNADH ÚW XI BIJIDH, PEL IN TUJTAL ABAL AN ASISTENCIA SOCIAL, KA K’WAJÍL
ABATNADH JANT’ODHA’ TI ULUDH PEL IN UCHBÍL AN ATIKLAB.
BA’ AXÉ XI TSALAP, TI AJIDH K’ICHÁJ A 19 ANI 20 A JULIO TI TAMÚB 2017, AN COMISION NACIOLNL
DE LOS DERECHOS HUMANOS ANI AN COMISION ESTATAL DE LOS DERECHOS HUMANOS DE SAN
LUIS POTOSI, IN TEJWAMEDHA ABAL YAB LUBADH AN DECRETO LEGISLATIVO 0667, XI IN BINACHIK
TI TAM AN SEXAGESIMA PRIMERA LEGISLATURA DEL CONGRESO DEL ESTADO, XI DHUCHAN TI
PERIODICO OFICIAL XI IN ABATNAL AXÉ XI PULIK BICHOE TI MARTES 20 A JUNIO TI TAMÚB 2017,
TAM TI DHUCHAN AN LEY DE ASISTENCIA SOCIAL ABAL AN PULIK BICHOW ANI AN BICHOWCHIK TI
SAN LUIS POTOSI, JUTA’ AN EYALCHIK TI TAM IN ULUWCHIK, ABAL YAB T’AJAN TI KWENTAJ AN
TSALAP XI PUNUDH TI CONVENCION SOBRE LOS DRECHOS DE LAS PERSONAS CON DISCAPACIDAD
OK’OK’OL XI K’WAJAT TI ARTICULO 3° XI DHUCHADH ANTS’E’:
“ARTICULO 3
OK’OX TSALAP
AN OK’OX TSALAP XI IN OLNAL AXÉ XI CONVENCIÓN PEL:
A) AN EJETNAXTALÁB ABAL AN ALWA’ XE’ETSINTALÁN, AN KW’ET ABATNADHATALÁB,
ANTS’ANA’ EJETIL KI IN KW’ET AYNA’ IN TSALAPÍL, ANI AN ATIKLAB KI IN KW’ET BELETNA’
IN BA’;
B) YAB KA POJKA’
C) KA TOLMIXÍN ANI KA WALKAN KA ALWA’ XE’ETSIN ANI KA K’WAJÍY;
D) KA EJETNANCHAT IN ÉY ANI KA BATSU’UWAT AN ATIKLAB KAL I DISCAPACIDAD EJTÍL XI
PILCHIK I K’WAJILÓM;
E) KI IN KO’OY JUNINÍ’ IN AY;
F) KA T’AJAN TI KWENTAJ
G) JUNINÍ’ IN ÉY AN INIK ANI AN MIMLÁB”
ABAL KI IN LUBA’ XI KONCHIN TI TAM AN CONGRESO DEL ESTATO, TI K’ICHÁJ 20 A ABRIL DI TAMÚB
2020, AN SUPREMA CORTE DE JUSTICIA DE LA NACION IN ABATNA’ ABAL YAB LUBADH AN TSALAP
XI TI 80/2017 ANI 81/2017, ANI IN OLNA’ AXÉ XI TSALAP:
“K’A’AL. LUBADH ANI CHUBAX XI ULUDH ABAL YAB LUBADH AN TSALAP.
TSABCHÍL. IN OLNAL ABAL YAB BATSU’UDH AN LEY DE ASISTENCIA SOCIAL ABAL AN PULIK
BICHOW ANI BICHOWCHIK TI SAN LUIS POTOSI, XI BATSU’UDH TI DECRETO 0661, XI DHUCHAN TI
PERIODICO OFICIAL TI PULIK BICHOW XI BIJIDH, TI 20 A JUNIO TI TAMÚB 2017, BATSU’UDH JAYE’
XI PUNUDH TI PEJACH VI BA’ AXÉ XI TSALAP ANI, IN XI JUNÁL, AN DECRETOS 0609 ANI 0611,
DHUCHADH JAYE’ TI 5 ANI TI 10 A MARZO TI TAMÚB 2020, JANT’ODHA’ TI ULUDH TI PEJACH VII.
OXCHÍL. TAL YANEL AN TSALAP XI YAB BATSU’UDH ANI OLNADH BA’ AXÉ XI ABATNOM NE’ETS KI IN
KO’OY I ÁY TAM KA WAT’EY 180 I K’ICHÁJ KA DHUCHAN TI DIARIO OFICIAL DE LA FEDERACIÓN, ANI
KI IN AYNA’ AN TSALAB XI ULUDH TI PEJÁCH VII.
TSE’CHÍL. KA DHUCHAN AXÉ XI BATSK’UXTALÁB TI DIARIO OFICIAL DE LA FEDERACION, TI
PERIODICO OFICIAL “PLAN DE SAN LUIS”, ANTS’ANA’ EJTÍL TI SEMANARIO JUDICIAAL DE LA
FEDERACION ANI TI GACETA”
KAL XI DHUCHADH MA TE’ I EJTOWAL KI T’AJA’ TI KWENTAJ ABAL AN MAXIMO TRIBUNAL DE LA
NACION, BA’ AN TOK’TSIYTALÁB TSACHIL ANI JANT’ODHA’ TI DHUCHADH TI PEJÁCH VI, IN
BATSU’UWÁL ABAL YAB IN KWA’AL IN ALWA’ AN DECRETO 0661, XI DHUCHADH TI PERIODICO
OFICIAL TI PULIK BICHOW, TI 20 A JUNIO TI TAMÚB 2012, JU’TA’ IN OLNAL AN LEY DE ASISTENCIA
SOCIAL ABAL AN PULIK BICHOW ANI AN BICHOWCHIK TI SAN LUIS POTOSI, JANT’ODHA’ TI ULUDH
TI PEJÁCH VI BA’ AXÉ XI BATSU’UDHATALÁB ANI, XI IN AYNÁL AN LEGISLATIVOS 0609 ANI 0611,
DHUCHAD JAYE’ TI PERIODICO OFICIAL, TI 5 ANI TI 19 A MARZO TI TAMÚB 2020, KOM AXÉ T’AJAN
ANI YAB KONOWIYATCHIK AN ATIKLAB KAL I DISCAPACIDAD, JANT’ODHA’ TI ULUDH TI ARTICULO
4.3 TI CONVENCION SOBRE LOS DERECHOS DE LAS PERSONAS CON DISCPACIDAD.
JAXTAM, AN SESION ORDINARIA TI K’ICHÁJ 8 A ABRIL XI TAMÚB XI ÁYNADH, ABNA’ TI COMISIONES
XI TI SALUD Y ASISTENCIA SOCIAL; DERECHOS HUMANOS, IGUALDAD Y GENERO; ANI PUNTOS
CONSTITIONALES, AN INICIATIVA XI AJIDH TI 6444 JAWA’ XI IN NIXÁL ABAL KA DHUCHAN AN LEY DE
ASISTENCIA SOCIAL ABAL AN PULIK BICHOW ANI AN BICHOWCHIK TI SAN LUIS POTOSI, XI
TEJWAMWDHA’ KAL TI TAM AN EYAL DIPUTADO MARTIN JUÁREZ CÓRDOVA ANI AN ATIKLAB
CECICLIA DE LOS ÁNGELES GONZÁLEZ GORDOA.
KAL AXÉ XI TSALAP ANI KAL AN TOK’TSIXTALÁB XI ULUDH OK’OX, AN HONORABLE CONGRESO DEL
ESTADO KAL AN K’IJ TI 21 A OCTUBRE TI TAMÚB XI ÁYNADH, TI SESION ORDINARIA I BATSU’UW AN
PROYECTO DE RESOLUCIÓN, JUNKUDH KAL AN “CONVOCATORIA PARA LA CONSULTA PUBLICA
DIRIGIDA A LAS PERSONAS CON DISCAPACIDAD, RESPECTO DE LA INICIATICA QUE PROPONE
EXPEDIR LA LEY DE ASISTENCIA SOCIAL PARA EL ESTADO Y MUNICIPIOS DE SAN LUIS POTOSI”,
DHUCHADH TI 29 A OCTUBRE TI TAMÚB XI ÁYANADH, XI DHUCHAN TI PERIODICO OFICIAL DEL
ESTADO “PLAN DE SAN LUIS”, XI T’AJAN JANT’IDHA’ TI ULUDH TI REFORMA CONSTITUCIONAL XI TI
TAMÚB 2011 JU’TA’ IN ULAL ABAL TI ESTADOS UNIDOS MECIANOS AN ATIKLABCHIK IN EJTOWAL KI
BATSU’UW IN UCHBÍL JANT’ODHA’ TI ULUDH BA’ AN CONSTITUCION ANI AN TRATADOS
INTERNACIONALES JU’TA’ TI AJIDH AN BICHOW LABTÓM, EJTÍL AN CONVENCIÓN DE LOS DERECHOS
DE LAS PERSONAS CON DISCAPACIDAD (CDPD) XI BATSU’UDH TI CONSTITUCION, ANI KWA’AL KA
ÁYNA’ JANT’ODHA’ TI DHUCHADH.
XI DHUCHADH BA’ AXÉ XI ABATNOM ÚW JÁTS XI K’WAJAT TI PEJÁCH 3 TI ARTICULO 4° TI CDPD,
JU’TA’ IN OLNAL, ABAL KA TS’EJKA’ ANI KA T’AJAN AN LEJISLACIÓN ANI AN POLITICAS XI IN TOMNÁL,
AN BICHOWCHIK KWA’AL KI IN T’AJACHIK I “KONOWIXTALÁB” ANI KWA’AL KA TOLMIXÍN TALYANEL
AN ATIKLAB KAL I DISCAPACIDAD, ANI JAYE’ AN TSIKAXCHIK ANI AN KWITOLCHIK KAL I DISCPACIDAD,
BA’ AN ORGANIZACIONES XI U BELETNAB, KWA’AL JAYE0 KA TOLMIXÍN AN SOCIEDAD CIVIL XI IN
TOLMIYÁL AN ATIKLAB KAL I DISCAPACIDAD, ABAL KI IN JALK’UY AN TSALAP ABAL KA PUNUWAT I
POLITICAS PUBLICAS XI KI IN BINA’ I ALWATALÁB, AL PUWELTALÁB ANI AN BATSU’ULTALÁB KAL AN
ATIKLAB KAL I DISCAPACIDAD, KI IN JILA’ AN TSALAP ABAL EXPIDH NE’ETS KA IN TOLMIY, ILALIY ANI
KI IN BINA’ I ASISTENCIA SOCIAL, KAL AN TSALAP, JU’TA’ KI IN T’AJCHI’ TI KWENTAJ JU’TA’ U
XE’ETSINAL ANI U YEJEL AN ATIKLAB ANI AXÉ YAB IN WALKAL ABAL KA ALWA’ KWAJIY.
KAL AXÉ XI TSALAP, AN CONGRESO DEL ESTADO, TI JUN I T’AJNEL XI YAB WAT’ENÉK, IN T’AJA’ AN
KONOWIXTALÁB ABAL AN ATIKLAB KAL I DISCAPACIDAD, XI T’AJAN TI ÍTS’ A NOVIEMBRE TI TAMÚB
XI ÁYNADH, JU’TA’ TOLMIXINCHIK 3,308 KAL I TSALAP ANI I KÁW, ANI ABAL KI IN ÁYNA’ A
LUBADHTALÁB ABAL AN OLNAXTALÁB, AXÉ BUK’WAT ABAL TALYANEL AN ATIKLAB ANI TALYANEL
AN 58 BICHOWCHIK XI AJIDH TI PULIK BICHOW, JU’TA’ BATSU’UWAT AXÉCHIK XI KÁW:
AN TOLMIXTALÁB XI BATSU’UWAT KAL AN KONOWIXTALÁB XI PEJÁCH KAL IN ÉY AN ATIKLABCHIK,
IN ELACHIK AN TOLMIXTALAB TI JUN IN YANEL TI 50.97% I INIKCHIK ANI 46.83% I MIMLÁB,
ANTS’ANA’ JAYE’, TSU’UTAT IN YANEL AN ATIKLAB KAL PILCHIK I DISCAPACIDAD XI ULUDH TI
CONVENCION DE LOS DERECHOS DE LAS PERSONAS CON DISCAPACIDAD ANI JÁTS XI TE’ U OLNAB:
1. ATIKLAB KAL I DISCAPACIDAD TI IN INIKTÁL
2. ATIKLAB KAL I DISCAPACIDAD TI IN TSU’UXTÁL KAL WE’, KAL WE’ I JOK’SELTALÁB O XI
JOK’TSE’
3. ATIKLAB KAL I DISCAPACIDAD TI IN OTS’OXTÁL, XI TS’INÉJ O KAL I HIPOACUSIA.
4. ATIKLAB KAL I DISCAPACIDAD TI IN TSALAPÍL, PSICOSOCIAL O KAL I AUTISMO.
5. ATIKLAB KAL I DISCAPACIDAD ABAL TI EXOBÁL.
AN DISCAPACIDAD XI LEJ WA’ATS TI PULIK BICHOW JÁTS AXI YAB IN EJTOWAL TI BELÁL IN YANEL PEL
40.24% XI TOLMIXÍN KAL AN KONOWIXTALÁB.
TAM TI T’AJAN AN AJUMTALÁB KAL AN KÁW ANI AN TSALAB XI JUNKUN KAL AN KONOWIXTALÁB XI
ULUDH, IN T’AJACHIK TI KWENTÁJ ABAL AN ATIKLABCHIK WELTÁJ IN KONIAL AXÉ XI
YEJENCHIXTALÁB, JÁXTAM TI TSALPADH ABAL KA OLNA’ AN TOLMIXTALÁB EJTÍL IN JUNTAL AN
KONOWIXTALÁB JÁTS XI TE NE’ETS KA OLNA’ JUNKUDH KAL IN AJUMTAL.
TOLMIXTALÁB KAL I K’APNÉL ANI I TUMÍN 32.19%
ILALIXTALÁB 6.32%
PAT’AL ABAL KA TOLMIYAT KA OTS’OXÍN 2.39%
ANDADERA, KWAYÁB, MULETAS, SILLA DE RUEDAS 1.69%
T’AJNÉL ABAL KA K’IJIDHBE’ 4.66%
ATÁJ 0.73%
BELÁL PAT’AL 2.93%
BIJIDHTALÁB 1.90%
PAT’AL ABAL KA TOLMIYAT TI TSU’UX 0.60%
ILALIX, ILÁL ANI TERAPIAS 11.58%
T’OJLÁB 7.22%
EXOBINTALÁB 3.48%
JU’TA’ TI ULUDH ABAL AN K’APNÉL ANI AN TUMÍN JÁTS XI LEJ YEJENTÁL, ANI IN WALKAL ABAL AN
KWENTALÓM KAL AN ASISTENCIA SOCIAL TI PULIK BICHOW, KI IN T’AJA’ TI KWENTAJ JANT’ODHA’ KI
IN BINA’ AN TOLMIXTALÁB KAL AN K’APÚTS.
IN JUNKUWÁL JAYE’, AN KONOWIXTALÁB KAL AN ILALIX, ILAL ANI TERAPIAS KAL IN AJUMTÁL
11.50%, XI IN TOLMIYAL AN TSALPA ABAL AN ILALIXTALÁB 6.32% JAWA’ IN TAMKUYAL IN AJUMTÁL
TI 17.9% JAWA’ XI PEL IN TSABCHÍL YEJENCHIXTALÁB XI ULUWAT.
ANI JAYE’ ULWAT AN YEJENCHIXTALÁB ABAL KI EJTOW KA T’OJONCHIK KAL 7.22% I KWAJILÓM XI
AJYIAT TOLMIXIN, JÁTS IN OXCHÍL XI NE’ETS KA T’AJAN TI KWENTAJ.
AXÉ XI KÁWCHIK PEL IN TOLMIXTÁL ABAL KA T’AJAN I POLITICA PUBLICA JANT’ODHA’ TI YEJENTÁL
KOM ULUDH KAL AN KWAJILÓM XI IN TOMNÁL.
KWA’AL JAYE’ KA ULUWAT ABAL AN ATIKLABCHIK XI IN TOK’TSIY AXÉ XI KONOWIXTALÁB IN KWA’AL
IN AJUMTAL TI 18 ANI 30 I TAMÚB KAL 18.61%, TI 31 MA TI 40 I TAMÚB KAL 13.59% ANI 60 I TAMÚB
KAL 14.19%, JAWA’ IN OLNAL ABAL AN TOLMIXTALÁB IN T’AJACHIK AN ATIKLAB XI PULIKÍTS.
KAL TALYANEL AXÉ XI TSALAP XI ULUWAT TI KONOWIXTALÁB ANI KAL AN TOLMIXTALÁB XI IN
BINA’CHIK AN ATIKLÁB KAL I DISCAPACIDAD, ANI T’AJADH TI KWENTA AN KÁW “YAB JANT’Ó ABAL
WAWÁ’, MÁX YAB U K’WAJAT WAWÁ’”, AXÉ XI K’AKNADH CONGRESO DEL ESTADO, IN ELAL ALWA’
KA TOLMIXÍN AN CONSEJO TECNICO ABAL AN ATIKLAB KAL I DISCAPACIDAD, EJTÍL XI AJIDH TI
SISTEMA ESTATAL DE ASISTENCIA SOCIAL, JAWA’ IN KWA’AL IN UCHBÍL ABAL KI IN PUNUW AN
POLITICAS, KI IN T’AJA’, KI IN TS’EJKA’, KI IN MET’A’ ANI KI IN LEJBAY AN TOLMIXTALÁB XI IN BINÁL
AN ASISTENCIA SOCIAL TI JURISDICCIÓN LOCAL ANI XI AJIDH KAL AN FEDERAL, JANT’IDHA’ TI ULUDH
TI LEY GENERAL DE SALUD, TI LEY SOBRE EL SISTEMA NACIONAL DE ASISTENCIA SOCIAL, TI LEY DE
SALUD DEL ESTADO DE SAN LUIS POTOSI, TI NORMAS OFICIALES MEXICANAS XI KA EYAN, XI
TS’EJKADH KAL AN EJECUTIVO DEL ESTADO, AN AT’AJ T’OJLÁB ANI AN ABATNADH EYAL XI IN AYNÁL
AN ASISTENCIA SOCIAL.
KA TOLMIXIN AN CONSEJO TECNICO ABAL AN ATIKLAB KAL I DISCAPACIDAD TI SISTEMA ESTATAL DE
ASISTENCIA SOCIAL, PEL ABAL KI IN AYNA´XI ULUDH TI LEY PARA LA INCLUSION DE LAS PERSONAS
CON DISCAPACIDAD EN EL ESTADO Y MUNICIPIOS DE SAN LUIS POTOSI, TI ARTÍCULO 46, XI IN ULÁL:
“ARTICULO 46 AN CONSEJO TECNICO DE LAS PERSONAL CON DISCAPACIDAD PEL IN TOLMIXTAL AN
OK’CHIX TI EJECUTIVO DEL ESTADO BA’ AN SISTEMA PARA EL DESARROLLO INTEGRAL DE LA FAMILIA
DEL ESTADO, ANI IN KWA’AL TI IN KWENTAJ AN COORDINACIÓN, KI IN EXOBNA’, KI IN TÁWNA’, KI
IN EJETNA’ ANI KI IN TS’EJKA’ I PROGRAMAS ANI I POLITICAS PUBLICAS TI PULIK BICHOW, KI IN
UCHA’ I T’OJLÁB XI KA EJTOWAT KA T’AJAN ABAL KA TOLMIYAT AN ATIKLAB KAL I DISCAPACIDAD;
TALYANEL AN ATIKLAB XI TE’ U T’OJNAL YAB IN BATSU’UWAL IN JALBÍL ANI MANI JUN I K’EAT
JALLBIXTALÁB, ANI U NE’ETS KA TAKWIAT BA’ I KANIXTALAB XI KI IN OLNA’ AN OK’CHIX”
(MAJUDHTALÁB ABAL KA TEJWA’ME’).
KI IN BINA´I T’ILOMTALÁB, TSALAB, ATS’ANA’ EJTÍL, I T’AJNÉL ABAL AN ATÁJ T’OJLÁB XI IN BINAL I
ASISTENCIA SOCIAL TALYANEL TI T’OJLÁB XI IN T’AJAL AN ADMISTRACION PUBLICA ESTATAL XI IN
TOLMIYAL AN ATIKLAB KAL I DISCAPACIDAD XI IN T’AJÁL I ASISTENCIA SOCIAL, AXÉ IN T’AJAL ABAL
TALYANEL KA TOLMIXIN JANT’IDHA’ TI YEJENTÁL, ABAL ANTS’ANA’ KI IN EJTOWCHIK KI IN ÁYNA’ IN
UCHBÍL AN ATIKLAB ANI IN JUNUNULTALÁB KAL TAL YANEL AN ATIKLABCHIK.
ÁYNADH AXÉ XI TSALAP, YEJENTAL KA OLNA’ JAYE’ ABAL AN INEGI IN TOLMIYAMAL AN EYAL TI SAN
LUIS POTOSI, ABAL KA EXLA’ AN ATIKLAB KAL I DISCAPACIDAD, I JÁTS XI TE´U OLNAB:
“ AN XE’ETSINTALÁB XI T’AJADH TI KWENTAJ KAL AN ATIKLAB KAL I DISCAPACIDAD, XI OLNADH BA
AN CENSO DE POBLACION Y VIVIENDA 2020, TI BICHOW LABTÓN WA’ATS 6.1 MILLONES I ATIKLAB
KAL JUN I DISCAPACIDAD, JAWA’ PEL 2.5 MILLONES XI IN KWA’AL 65 I TAMÚB ANI 981 MIL XI IN
KWA’AL 55 MA 64 I TAMÚB (XI JUNKUDH IN AJYIAL 57.4 % I ATIKLAB KAL I DISCPACIDAD), I YAB LEJ
YAN XI IN KWA’AL 45 MA 54 I TAMÚB, ANI YAB LEJ WA’ATS I ATIKLAB XI YAB IN KWA’AL YAN I
TAMÚB.
TI BICHOW SAN LUIS POTOSI WA’ATS 143 MIL 861 I ATIKLAB KAL I DISCAPACIDAD, JAWA’ I KWA’AL
JUN I AJUMTÁL 5.9% IN YANEL AN KWAJILÓM ANI IN K’WAJBÁL AN BICHOW TI IN AJUMTAL 18 XI IN
KWA’AL YANTOLÓM I KWAJILÓM KAL JUN I K’EAT I DISCAPACIDAD. XI ULUDH TI CENSO 2020, TANA’
JAYE’ IN OLNAL ABAL WA’ATS 335 MIL 739 I ATIKLAB XI YAB IN EJTOWAL KA KW’ET XE’ETSIN, XI IN
OLNAL ABAL PEL 11.9% IN YANEL AN KWAJILÓM ANI IN JILAL AN BICHOW TI AJUMTAL 22 TI IN
PUWEL AN TSABAL TI LABTÓM KAL I ATIKLAB XI YAB IN EJTOWAL A KWE’T XE’ETSIN.
JANT’ODHA’ IN OLNAL AN INSTITUTO NACIONAL DE ESTADISTICA Y GEOGRAFIA INEGI, AN
DISCAPACIDAD IN LE’ KI ULUW: ABAL PEL JUN I KÁW XI IN ULAL ABAL PEL IN YANEL IN PUWEL A
INIKTAL XI YAB KA EJTOW KA EYENDHA’ JANT’IDHA’ IN TOMNAL, XIYAB TI JILAL ABAL KA KWET LUBA’
A BA’ MANI A EJTOWAL KA TOLMIY A JAÚB KAL JITA’ I KWAJÍL.
KI BELÁTS, KI K’ADHIY O TI PA’IY.
I TSU’UXTÁL (A EYENDHAL I LAM TA WÁL)
KA WIWA’ O KA EYENDHA’ A OKÓB O A K’UBAK
KA T’ILA’ O KA T’AJA’ TI KWENTAJ.
OTSO’XÍN (A EYENDHAL I PAT’AL TA XUTSUN)
KA ACHÍN, KA LAKBÍN O KA K’APÚTS.
KA KAWÍN O KA T’ILMÁTS
AN KWAJILÓM XI IN KWA’AL I YA’ULÁTS TI IN K’ATSÍN.
AXÉ XI EJBAXTALÁB XI IN T’AJAL AN INEGI PEL KAL AN KÁW XI IN ULAL AN ATIKLAB XI U KONIÁB MÁX
JUN I ATIKLAB IN KWA’AL O YAB IN EJTOWÁL KI IN T’AJAL JUN JANT’O’ XI ULUDH EBAL.
KAL AN KÁW XI BATSU’UWAT KAL AN CENSO DE POBLACION Y VIVIENDA 2020 IN ALWA’ XI IN
KWA’AL AN KWAJILÓM KAL I DISCAPACIDAD O XI YAB IN EJTOWÁL KI IN T’AJA’ JUN JANT’O’ TI PULIK
BICHOW SAN LUIS POTOSI JÁTS SI TE’ U ULUÁB:
AN KWAJILÓM KAL I DISCAPACIDAD ANI XI YAB IN EJTOWÁL KI IN T’AJA’ JUN JANT’O’ XI LEJ WA’ATS
PEL I MIMLÁB ANI WE’KÁTS I INIK, IN AJUMTÁL PEL 51.9% ANI 48.1%.
JUN IN YANEL AN KWAJILÓM XI IN KWA’AL I DISCAPACIDAD IN KWA’ALÍTS YAN I TAMÚB; WAT’AH I
TS’EJEL IN YANEL, 53.3% XI PEL I KWAJILÓM KAL 60 I TAMÚB O WAT’ADH. AN KWAJILÓM XI YAN IN
EJTOWAL KI IN T’AJA’ JUN JANT’O’ PEL XI IN KWA’AL 40 MATI 74 I TAMÚB (57.9%); ANI AN ATIKLAB
KAL 50 0 54 I TAMÚB, JÁTS JU’TA’ LEJ WA’ATS AN ATIKLAB KAL XI YAB IN EJTOWÁL KI IN T’AJA’ JUN
JANT’O’ (9.8%).
JÁXTAM IN EJTOWÁL KA ULUWAT ABAL AN ATIKLAB IN T’UJCHÁL KI KO’OY JUN I YAJAL XI YAB U
JILAP ABAL KI IN T’AJA’ JUN JANT’O’ PEL TAM IN K’WALÍTS 40 I TAMÚB, ANI IN YANEL AN ATIKLAB
XI YAB IN JETOWÁL KI IN T’AJA’ JUN JANT’O’ ANI I DISCAPACIDAD IN KWA’AL JUN I K’ADHPIDH I
TAMÚB (60 I TAMÚB ANI WAT’ADH).
ABAL AN OMS (2011), AN DISCAPACIDAD PEL JUN IN ALWA’ XI IN KWA’AL AN ATIKLABCHIK, JAXTÁM
JUN I ATIKLAB IN KWA’AL KI EJTOW KI IN KO’OY JUN I DISCAPACIDAD TI IN EJATÁL. AXÉ XI ALWA’ U
YANEL TAM NE’ETS TI PUWÉL, JAXTÁM WA’ATS I ATIKLAB XI IN KWA’AL YAN I TAMÚB ANI IN KWA’AL
JUN I DISCAPACIDAD. ANTS’ANA’ JAYE’, KOM AN KWAJILÓM K’WAJAT TI PUWÉL AXÉ IN EJTOWAL KI
IN YANEDHA’ AN ATIKLAB KAL I DISCAPACIDAD.
AN INEGI IN OLNAL ABAL TI PULIK BICHOW SAN LUIS POTOSI AN KWAJILÓM XI IN KWA’AL JUN I
YAJAL TI IN INIKTÁL O TIN TSALAPÍL IN YANEL JÁTS XI U KWAJÍL TI: AQUISMÓN, TAMUÍN, XILITLA,
MEXQUITIC DE CARMONA, TAMAZUNCHALE, MATEHUALA, RIOVERDE, CIUDAD VALLES, SOLEDAD
DE GRACIANO SANCHEZ ANI SAN LUIS POTOSI, XI IN KWA’AL JUN I AJUMTÁL 1.9% MA 27.2 % (CENSO
2020 DE INEGI).
TI 2010 MA TI 2020 IN YANEL AN ATIKLAB XI YAB IN EJTOWAL KI IN T’AJA’ JUN JANT’O’ YANEYÉK TI
4.5% MA TI 11.9%. IN YANEL AN MIMLÁB XI YAB IN EJTOWÁL KI IN T’AJA’ JUN JANT’O ANI JAYE’
YANEYÉK TI 2010 MA TI 2020 XI IN KWA’LÁK JUN I AJUMTÁL TI 49.1% MA TI 53.5%, IN YANÉL AN
INIKCHIK WE’KATSNENÉK XI IN KWA’LÁK 50.1% MA TI 46.5%.
TI PULIK BICHOW, ABAL TI 2020 AN T’AJNÁL XI IN T’AJAL AN ATIKLAB KAL I DISCAPACIDAD IN OLNÁL
ABAL YAB IN EJTOWÁL KI IN T’AJA’ JUN JANT’O’ PEL:
1. KI IN EYENDHA’ IN AKÁN ABAL KA BELÁTS, KA K’ADHIY O KA PA’IY, 47.0%
2. KA TSU’UXÍN (IN EYENDHÁL I LÁM TI IN WÁL), 42.2%
3. KA OTS’OXÍN (IN EYENDHÁL I PAT’AL TI IN XUTSÚN), 23.6%
4. KI IN EYBONA’, KI IN T’ILA’ O KI IN T’AJA’ TI KWENTAJ, 19.3%
5. KA ACHÍN, KA LAKBÍN O KA K’APÚTS, 20.0%
6. KA KAWÍN O KA T’ILMÁTS, 15.7 %
IN WALAP ABAL KI IN KO’OY I DISCAPACIDAD TI PULIK BICHOW PEL: ABAL AN ATIKLAB IN KWA’ALÍTS
YAN I TAMÚB (28.8%), KAL I YA’ULÁTS 34.7%, ANTS’ANA’ WA’TSINENÉK (10.1%) ANI XI
TS’O’BINENÉK (10.6%).
XI IN KWA’LÍTS YAN I TAMÚB AN ATIKLAB IN EJTOWÁL KI IN KO’OY I IT’IXTALÁB ABAL KA EXOBLÁTS,
KI IN T’ILA’ JUN JANT’O’ O KI IN T’AJA’ TI KWENT’AJ (39.4%), KA OTS’OXIÍN (ABAL ANI XI IN EYENDHAL
I PAT’AL) (52.0%). AN YA’ULÁTS JÁTS XI IN EJTOWAL KI IN T’AJA’ ABAL YAB KI IN EJTOW KI IN
EYENDHA’ IN AKAN ABAL KA BELÁTS, KA K’ADHIY O KA PA’IY (37.2%); TI TSU’ÚX, ABAL ANI XI IN
EYENDHAL I LÁM (42.0%); ABAL KA ACHÍN, KA LAK’BÍN O KA K’APÚTS (32.1%). AN ATIKLAB XI YAB IN
EJTOWÁL KA KAWÍN ANTS’ANA’ TI WA’TSINENÉK (33.8%).
TI SAN LUIS POTOSI WA’ATS 14 MIL 514 I KWAJILÓM XI IN KAWNÁL I TÉNEK KAWINTALÁB ANI IN
KWA’AL I DISCAPACIDAD, ANI 31 MIL 841 XI YAB IN EJTOWÁL KI IN T’AJA’ JUN JANT’O’, IN AJUMTÁL
PEL 6.3% ANI 13.8% XI PEL I KWAJILÓM XI IN KAWINTÁL PEL AN TÉNEK; IN YANEL AN KWAJILÓM XI
YAN IN KAWNÁL JUN I TÉNEK KAWINTALÁB IN KWA’AL I AJUMTÁL 5.1% ANO 12.3%.
TAL YANEL AN KWAJILÓM KAL I DISCAPACIDAD TI PULIK BICHOW IN EJTOWÁL KI IN BATS’UW I ILAL
PEL (83.5%) XI U K’ALEL TI ILALNÁL TI INSABI (39.8%), TI IMSS (34.1%) ANI TI ISSSTE (6.2%). IN YANEL
AN ATIKLAB KAL I DISCAPACIDAD PEL 143 MIL 816, 23 MIL 619 XI YAB DHUCHADH TI JUN I ATÁJ
ILALIX TI 2020.
IN YANEL AN ATIKLAB XI IN KWA’AL I DISCAPACIDAD O YAN IN EJTOWAL KI IN T’AJA’ JUN JANT’O
YAB EXOBLAMADH PEL 23.5 % ANI 9.6%; AN KWAJILÓM XI YAB IN KWA’AL I DISCAPACIDAD O XI YAB
IN EJTOWAL KI IN T’AJA’ JUN JANT’O’ PEL 2.6%. AN 11.6% IN YANEL AN KWAJILÓM XI IN KWA’AL I
DISCAPACIDAD ANI YAB IN KWA’AL I EXOBINTALÁB, LEJ K’ADHPIDH IN YANEL ABAL AN ATIKLAB XI
YAB IN KWA’AL I DISCAPACIDAD ANI YAN IN EJTOWAL KI IN T’AJA’ JUN JANT’O’ XI EXPIDH IN
EXOBLAMÁL AN SECUNDARIA, T’AJADH TI KWENTÁJ KAL AN ATIKLAB XI IN KWA’AL I DISCAPACIDAD.
IN YANEL AN ATIKLAB KAL I DISCAPACIDAD ANI XI YAB I EJTOWÁL KI IN T’AJA’ JUN JANT’O’ YAB IN
TSO’OB TI AJUM O TI DHUCHUM PEL 24.5% ANI 10.7%; ANI AN ATIKLAB XI YAB IN KWA’AL I
DISCAPACIDAD PEL IN YANEL 6.1%. AN 87.8% I ATIKLAB XI YAB IN EJTOWÁL KI IN T’AJA’ JUN JANT’O’
ANI 93.2 KAL I DISCPACIDAD, XI YAB U K’ALEL TI ATÁJ EXOBINTALÁB. AN 23.0% AN KWAJILÓM XI IN
KWA’AL I DISCPACIDAD XI YAB IN KWA’AL I EXOBINTALÁB, ANI LEJ K’ADHPIDH KAL AN ATIKLAB XI
YAB IN KWA’AL I DISCAPACIDAD ANI YAB IN EJTOWÁL KI IN T’AJA’ JUN JANT’O’ IN KWA’AL I
EXOBINTALÁB TI SECUNDARIA, MEDIA SUPERIOR ANI SUPERIOR.
AN KWAJILÓM XI IN KWA’AL 12 I TAMÚB ANI YÁN IN KWA’AL I DISCAPACIDAD TI PULIK BICHOW
(132,847 I KWAJILOM), EXPIDH PEL 33.1% JÁTS XI PEL I POBLACION ECONOMICAMENTE ACTIVA
(P.E.A), XI U T’OJNÁL O IN ALIAY I T’OJLÁB. IN YANEL AN P.E.A ANI AN P.E.A XI EYADH (IN YANEL AN
KWAJILOM XI U T’OJNÁL) PEL I INIK (62.0% ANI 61.8% IN YANEL).
AN KWAJILOM KAL I DISCAPACIDAD XI YAB U T’OJNÁL MANI IN ALIAL I T’OJLÁN (POBLACION NO
ECONOMICAMENTE ACTIVA PNEA), XI IN T’AJAL I T’AJNÉL TI IN K’IMÁJ (30.7%), YAB U T’OJNÁL KOM
IN KWA’AL I DISCAPACIDAD (33.1%), IN BATSU’UWÁL I TOLMIXTALÁB O IN JILAMALÍTS TI T’OJNÁL
(14.0%), PEL I EXOBAL (4.9%) O IN KWA’AL PIL I IT’IXTALÁB (17.2%).
AN IT’IXTALÁB XI IN KWA’AK AN ATIKLAB KAL I DISCAPACIDAD U KWEK’NÁL TAM U T’IXKANCHÁB TI
IN XE’ECHINTÁL JU’TA’ ETS’EY U BELÁL, AN TOLMIXTALÁB XI IN BATSU’UWÁL, AN EYENDHANÉL XI
YEJENCHAL ANI U OLCHÁB AL KÁW XI KWA’AL KI TSO’OBNA´, ANIJAYE’ ABAL TALYANEL AN
KWAJILÓM. JÁXTAM YEJENTAL KA PUNUWAT I POLITICAS PUBLICAS ABAL KA JALK’WUYAL AN
XE’ETSINTALÁB ABAL KA ALWA’ BELÁTS ANI KA TOLMIXÍN AN KWAJILÓM.
AN CONSEJO ESTATAL DE LA POBLACION I ULAL ABAL “AN POLITICAS PUBLICAS KWA’AL KI IN T’AJA’
I T’AJNÉL ABAL KI IN TOLMÍY ANI KI IN ALWA’MEDHANCHIJ IN EJATAL AN KWAJILOM ANI KA
BATSU’UWAT KAL IN YANEL”.
TALYANEL XI OLNADH MA TE’ XI KALE’ KAL AN KONOWIXTALÁB XI IN T’AJA’ AN PODER LEGISLATIVO
ANI AN AJUMTALÁB XI OLNAME’, IN T’AJÁL ABAL AN ATIKLAB KAL I DISCAPACIDAD KA TOLMIXÍN
ANI IN KAWINTÁL KA T’AJCHÍN TI KWENTAJ; KAL AXÉ XI JALK’UXTALÁB I BINÁL I K’IJ ABAL KA
TS’EJKÁN ANI YA T’AJAN I POLITICAS PUBLICAS XI KA TOLMIYÁN AN ATIKLAB KAL I DISCAPACIDAD,
KA JALK’UYAT AN TSALAP ABAL JANT’ODHA’ KA TOLMIYAT, EJTIL I “MODELO MEDICO” ANI KAL AXÉ
XI LEY, KA WENK’OWAT TI “MODELO SOCIAL”, JU’TA’ AN ATIKLABCHIK KAL I DISCAPACIDAD KA
TOLMIXÍN ABAL KA T’AJAN AN JALK’UXTALÁB XI IN YEJENCHAL ABAL KA TOLMIYAT ANI ANTS’ANA’
KI IN BATSU’UWCHIK JUNINÍ AN ALWATALÁB EJTÍL IN JUNTAL KWAJILÓM. YAB KWA’AL KI UK’CHÍL
TALYANEL AN TSAPLÁB XI IN T’AJAMALCHIK AN ATIKLAB KAL I DISCAPACIDAD ABAL KA JALK’UYAT
JANT’IDHA’ U T’AJNÁL TI KWENTAJ, ABAL ANI’, IN K’IPCHALE’ YAN ABAL KA T’AJAN AN TOLMIXTALÁB
ANI KA T’AJAN ANT’IDHA’ IN TOMNÁL, JU’TA’ YAB KA T’AJAN TI KWENTAJ EJTÍL MÁX PIL IN ALWA’
ANI YAB POJKA’.
XI IN TOMNÁL KAL AN XE’ETSINTALÁB XI JOLATALÁB XI BICHOWCHIK XI ULUDH BA’ AN
KONOWIXTALÁB XI TE’ OLNAMADH, AN CONGRESO TI PULIK PICHOW IN TSALPAYÁL ABAL PEL IN
UCHNÍL AN DIF ESTATL, ABAL KI IN ABATNA’ ANI KI IN BELETNA’ AN EYALCHIK ANI AN ATÁJCHIK XI
IN T’AJAL I ADMINISTRACION PUBLICA TI PULIK BICHOW ANI BICHOWCHIK, ABAL KI IN T’AJA’ I
T’AJNÉL ABAL KA WA’ATSÍN I JOLATALÁB JU’TA’ KI IN EJTOW KA XE’ETSINCHIK AN ATIKLAB KAL I
DISCAPACIDAD ANI KA PIDHAN JAYE’ IN UCHBÍL EJTÍL I ATIKLAB.
LEJ YEJENTÁL KA ULUWAT JAYE’ ABAL AN SISTENCIA SOCIAL, YAB EXPIDH IN TOLMIYAL AN ATIKLAB
KAL I DISCAPACIDAD, ANI JAYE’ AN ATIKAB XI YAB IN KWA’AL I ALWA’TALÁB ANI XI U IN TOMNÁL,
JÁXTAM KAL AXÉ XI LEGISLACIO DE SISTENCIA SOCIAL, IN ALIAL ABAL KA ALWA’MEDHA’ ABAL
TLAYANÉL AN ABATNADH ÚW KI IN BINA’ AXÉ XI ALWA’TALÁB EJTÍL AN PROCURADURIAS DE
PROTECCIÓN DE NIÑOS, NIÑAS Y ADOLESCENTES ANI DEFENSA DE LAS PERSONAS ADULTAS
MAYORES.
TI PIL I TSALAP, AN EXOBINTALÁB XI IN T’AJA’ AN LEGISLATIVO IN T’AJA’ TI KWENTAJ ANI IN JALK’UY
AN KAWINTALÁB XI IN POJKALAK, ANI JAYE’ XI IN OLNAL IN ÉY ABAL YAB KA T’AJAN AN
POJKADHTALÁB KAL AN T’AJNÉL XI U T’AJÁB.
BA’ AXÉ XI TSALAP, AN SISTEMA ESTATAL DE ASISTENCIA SOCIAL IN ODHAL JAYE’ AN INSTITUTO
POTOSINO DE LA JUVENTUD JU’TA’ U T’AJAB TI KWENTAJ AN ÓK’CHIX, KOM AXÉ IN T’AJAL I T’OJLÁB
XI U T’AJAB TI IN PUWEL AN PULIK BICHOW BA’ AN TS’EJKALTALÁB I POLITICAS PUBLICAS ANI I
PROGRAMAS XI IN T’AJAL TI KWENTÁJ AN KWITOLCHIK ANI CHIDHANCHIK KAL AN TSALAP, EJTÍL, AN
BELETNADHTALÁB KAL AN YA’ULÁTS TI IN INIKTÁL, AN KWIYAXTALÁB, AN YA’ULÁTS KAL I ODHNACH
ILÁL, AN KWAJILOM XI U T’AJCHINÁL TSAPLÁB ABAL KA BELETNA’, PEL AN ELELPOK’ELCHIK.
ANIJAYE’, IN KWA’AL IN UCHBÍL KA PUWEDHA’ AN TOLMIXTALÁB XI IN BINAL AN SISTEMAS
MUNICIPALES ABAL AN DESARROLLO INTEGRAL DE LA FAMILIA BA’ AN CONSEJO ESTATAL DE
ASISTENCIA SOCIAL, JU’TA’ U ALIAB KI KO’OYCHIK I EXOBINTALÁB XI IN OLNAL AN CHUBAXTALÁB
KAL AN XE’ETSINTÁL AN KWAJILOM XI WA’ATS, T’AJADH TI KWENTAJ TI UN YANEL, JU’T’A KA
K’ADHBA’ TI JUN MATI ÓX I ATIKLAB, JIT’ACHIK KA K’WAJAY TI IN TSE’CHÍL AN PEJÁH AN PULIK
BOCHOW; JAWA’ KWA’AL KA BATSU’UWAT BA’ JUN I TAMKUMTALÁB, JU’TA’ KA KWAJAYCHIK AN
ÓK’CHIXCHIK REGIONALES DE ZONA DEL DIF ESTATAL, AXÉ KWA’AL KA T’AJAN TI IN TSABCHÍL A ÍTS’
TALBÉL TI IN BATSUMÁL IN ÁY AN EYAL TI BICHOW ANI KA OLNA’ TI CONSEJO ESTATAL DE
ASISTENCIA SOCIAL BA’ AN SECRETARIA EJECUTIVA, ABAL KA BATSU’UWATCHIK ÓXLOMCHIK AN
ATIKLAB XI TI SISTEMAS MUNICIPALES BAL AN DESARROLLO INTEGRAL DE LA FAMILIA, JUN ABAL
JUNCHIK IN PEJACH AN PULIK BICHOW.
KWA’AL JAYE’ KI OLNA’ ABAL AXÉ XI LEY, KWANCHAMEJ JAYE’ AN TSALAP ABAL AN COMITÉ TECNICO
DE ADOPCIÓN, KON AXÉ PEL JUN I JUNKUDH T’OJLÁB XI IN T’AJAL KA AN PROCURADURIA DE
PROTECCION DE NIÑAS, NIÑOS ANI ELELPOK’EL XI IN EXOBNÁL ANI IN T’AJAL TI KWENTAJ AN
ATIKLAB XI IN KONIAL ABAL KI IN K’O’OBINDHA’ JUN I TSAKAM, ANI MAX YEJENTÁL, KI IN ULUCHA’
AN PROCURADURIA ABAL KI IN BINA’ AN CERTIFICADO DE IDONEIDAD XI IN TOMNÁL, ANTS’ANA’
JAYE’ ABAL KI IN KUBDHA’ AN KONOWIXTALÁB ABAL AN K’OBINDHAPTALÁB. KWA’AL KI T’AJA’ TI
KWENTAJ ABAL AN PRODURADURIA DE PROTECCIÓN JÁTS XI IN TAMKUYÁL AN ÚW ABAL AN
K’OBIDHAMTALÁB XI IN KINIALCHIK AN ATIKLAB, JAWA’ IN T’AJAL JAYE’ I LEJBAXTALÁB KAL IN
TSALAPÍL ANI AN TUMINTALÁB XI KWA’AL AN ATIKLABCHIK XI K’WAJAT TI KONOX ABAL KI IN
K’O’OBIY I TSAKAM; ANI KI IN KONOY I JUCIOS DE PERDIDA DE PATRIA POTESTAD ABAL AN
TSIK’AXCHIK, KWITOLCHIK ANI AN ELELPOK’EL XI KA EJTOWAT KA K’O’OBIDHA’.
BA’ AXÉ XI TSALAP, AN PROCURADURIA U WENK’ONÁL TI JUEZ ANI IN AYNÁL AN T’AJNÁL ABAL AK
K’O’OBINDHAPTALÁB, JU’TA’ YAB WA’ATS I KWETEM T’AKUDHTALÁB, KOM AN COMITÉ PEL JUN I
JUNKUDH T’OJLÁB KAL AN PROCURADURIA DE PROTECCIÓN, PEL I SECRETARIA TECNICO JAYE’,
JU’T’A TI ULUDH ABAL AN SECRETARIO TECNICO PEL I DIRECTOR DE ASUNTOS JURIDICOS Y
DERECHOS HUMANOS TI DIF ESTATAL.
AN JUNKUDHTALÁB YAB IN T’AJAL TI KWENTAJ AN CENTRO DE ASISTENCIA SOCIAL PUBLICA JU’TA’
U JILÁB KA KWAJIYCHIK AN TSIK’ACHICK, KWITOLCHIK ANI AN ELEL POK’ELCHIK XI U EJTOWAB KA
K’O’OBIYAT (CENTRO DE ASISTENCIA SOCIAL MARGARITA MAZA DE JUAREZ, ROSARIO CASTELLANOS
ANI RAFAEL NIETO), JU’TA’CHIK IN KWA’ALCHIK AN EXOBINTALÁB XI U KONIAB, JAWA’ JÁTS AN:
EXOBINTALÁB KAL IN TSALAPÍL, IN ÉY ANI JANT’ODHA’ U XE’ETSINÁL JAWA’ YEJENTÁL ABAL KA
TAKWIAT KAL AN ATIKLAB XI IN LE’ TI K’O’BITS.
PÍL I TSALAP, PEL ABAL KA T’IXK’A’ AN ÁYLÁB XI BIJIDH TI PATRONATO DE LA CASA CUNA MARGARITA
MASA DE JUAREZ EJTÍL I SEGUNDA CONSEJERIA ANI KA JALK’UYAT KAL AN ÓK’CHIX DIRECTORA
GENERAL DEL CENTRO DE ASISTENCIA SOCIAL MARGARITA KOM TI 17 A SEPTIEMBRE TI TAMÚB
2019 TS’EJK’AN AN CENTRO EJTÍL JUN I ORGANISMO PUBLICO DESCENTRALIZADO DEL EJECUTIVO
DEL ESTADO.
KAL AXÉ XI TEJWAMEDHOMTALÁB, U JALK’UYÁB AN KÁW COMITÉ KAL AN CONSEJO KOM AXÉ JAYE’
NE’ETS KA AJYAT KAL AN ORGANISMOS PUBLICOS DESCENTRALIZADOS ANI AXÉ XI CONSEJO PEL I
JUNKUDH T’OJLÁB KAL AN DIF ESTATAL, YEJENTÁL ABAL AN SECRETARIA TECNICA YAB KA T’AJAN TI
KWENTAJ TAM KA TANKUYAT AN ÚW ABAL AN ATIKLAB XI KWAJAT TI KONIAL AN
K’O’OBIDHOMTALÁB ANTS’ANA’ EJTÍL AN TSIK’ACHIK, KWITOLCHIK ANI AN ELEL POK’EL XI KA
EJTOWAT KA K’O’BITAY; KAL AXÉ XI TSALAP YEJENTAL KA BINAN ICHUBAXTALÁB ANI I T’OKELTALÁB
KAL AN KONOWIXTALÁB.
ABAL IN TALTAL, KWA’AL KA K’WAJBA’ JAYE’ AN K’AKNADHAPTALÁB, EJETNADHTALÁB ANI
T’AJALTALÁB ABAL IN UCHBÍL AN ATIKLAB JAWA’ PEL IN T’UJTAL AN T’AJNÉL ABAL TAL YANEL AN
INSTITUCIONES ANI AN ORGANISMOS XI IN BINAL I ASISTENCIA SOCIAL ABAL TAL YANEL AN ATIKLAB
XI IN KWA’AL I IT’IXTALÁB ANI IN YEJENCHAL I TOLMIXTALÁB, JÁXTAM YEJENTÁL ABAL KA EXOBLÁTS
ANI KI IN T’AJA’ TI KWENTAJ AN ATIKLAB XI T’ANA’ U T’OJNÁL, MATI SISTEMA ESTATAL O MUNICIPAL
DIF ANI PILCHIK I ATÁJ T’OJLÁB XI KWA’AJAT TI T’OJNÁL TI GOBIERNO DEL ESTADO, ANI IN BINAL I
ASISTENCIA SOCIAL, JAWA’ IN TOLMIYÁL ABAL KA T’AJAN TI KWENTÁJ AN ATIKLAB XI IN YEJENCHÁL.
EXPIDH. U DHUCHAB AN LEY DE ASISTENCIA SOCIAL ABAL AN PULIK BICHOW ANI AN BICHOWCHIK
TI SAN LUIS POTOSI, ABAL KA JILK’ON DHUCHADH JANT’IDHA’ TE’ U T’EJWAMEDHAP:
K’A’AL BIJLÁB
AN ASISTENCIA SOCIAL
K’A’AL T’UJTÁL
KIDHAT T’AJNÉL
ARTICULO 1°. AXÉ XI LEY PEL I ALWA’TALÁB ABAL TALYANÉL AN BICHOW, ANI IN KWA’AL IN ÁY KI
IN TS’EJKA’ ANI KI IN T’AJA’ AN T’JLÁB ABAL AN SISTEMA ESTATAL DE ASISTENCIA SOCIAL, JAWA’ IN
ABATNÁL AN TOLMIXTALÁB KAL AN ASISTENCIA TI PULIK BICHOW.
AXÉ XI EYALTALÁB NE’ETS KA JUNKUWAT KAL AN EJECUTIVO TI PULIK BICHOW, AN ATÁJ T’OJLÁB
ANI XI U T’OJNALCHIK TI ADMINISTRACIÓN PUBLICA XI IN T’AJAL I ASISTENCIA SOCIAL, AN DIF TI
BICHOWCHIK ANI I AT’AJ T’OJLÁB XI IN BINAL I ASISTENCIA PRIVADA XI DHUCHADH TI DIRECTORIO
ESTATAL DE LAS INSTITUCIONES DE ASISTENCIA SOCIAL ANI BATSU’AME’ KAL AN DIF TI PULIK
BICHOW.
ARTICULO 2°. AN EJECUTIVO TI PULIK BCHOW, AN EYÁL TI BICHOW ANI AN ATÁJ T’OJLÁB XI IN
BINAL I ASISTENCIA PRIVADA, XI IN KWA’AL I TUMÍN ABAL KI IN BINA’ AN ASISTENCIA SOCIAL XI
TANA’ U EJTOWÁB KA TOLMIYAT, ABAL ANTS’ANA’ KA EJTINCHAT IN UCHBÍL TI ATIKLAB ANI JA
JUNKUNCHAT IN XE’ETSINTÁL EJTÍL XI K’EAT I KWAJILÓM.
ARTICULO 3°, ABAL KA AJYIAT AXÉ XI LEY NE’EST KA EJTIYAT KAL:
I. AN AGEB: ÁREAS GEOESTADISTICAS BASICAS
II. AN JALK’UDHTALÁB XI IN TOMNÁL: AN JALK’UXTALÁB ANI AN T’AJNÉL XI IN YEJENCHÁL
ANI XI JÁX IN TOMNÁL ANO YAB KI IN ODHNA’ AN TOLMIXTALÁB, JUT’A TI YEJENTÁL,
ABAL ANTS’ANA’ KA EJETNANCHAT IN UCHBÍL AN ATIKLAB KAL I DISPACIDAD, JA
UNKUNCHAT IN EX’ETSINTÁL KAL XI K’EAT I KWAJILÓM, ANI KI IN KO’OY I
WALK’ADHTALÁB ABAL KI IN T’AJA’ JAWA’ KI IN EJTOW.
III. AN ASISTENCIA SOCIAL: PEL I T’AJNÉL XI NE’ETS KA T’AJAN ABAL KA PUWENDHANCHAT
IN XE’ETSINTAL BIO-PSICO-SOCIALES ABAL AN ATIKLAB XI IN YEJENCHÁL.
IV. AN ATÁJCHIK JU’TA’ U BINÁB I ASISTENCIA SOCIAL: JÁTS AN ATÁJ, AN JOLATALÁB
JU’TA’ U BATSU’AWÁB KA JILK’ON O KA UT’EY AN TSIK’ACH, KWITÓL ANI AN ELELPOK’EL
XI YAB IN KWA’AL IN JA’UB O IN YANÉL ABAL KA K’O’BIYAT, XI BINADH KAL I ATÁJCHIK
XI ABATNADH KAL AN EYAL, PRIVADAS ANI/O I ORGANIZACIONDES DE LA SOCIEDAD
CIVIL.
V. AN DIF ESTATAL: AN SISTEMA ABAL AN DESARROLLO INTEGRAL DE LA FAMILIA DEL
ESTADO;
VI. AN DIF MUNICIPAL: AN SISTEMA MUNICIPAL ABAL AN DESARROLLO INTEGRAL DE LA
FAMILIA.
VII. AN DIRECTORIO NACIONAL: DIRECTORIO NACIONAL DE INSTITUCIONES DE ASISTENCIA
PUBLICA Y PRIVADA;
VIII. AN ATÁJCHIK XI IN BINÁL I ASISTENCIA SOCIAL XI ABATNADH KAL AN EYAL: XI IN
KWA’AL I UCHBÍL ABAL KI IN PUWEDHANCHI IN XE’ETSINTÁL BIO-PSICO-SOCIALES AN
ATIKLAB ABAL EJETNANCHAT IN UCHBÍL TI ATIKLAB ANI KI EJTOOW KI IN BATSU’UW I
ASISTENCIA SOCIAL, XI IN ABATNÁL AN EYAL TI PULIK BICHOW.
IX. AN ATÁJCHIK XI IN BINÁL I ASISTENCIA SOCIAL PRIVADA: XI IN JUNKUWAMÁL AN
SECTORES SOCIAL ANI PRIVADO, ANTS’ANA’ EJTÍL I ORGANIZACIONES DE LA SOCIEDAD
CIVIL XI YAB IN ALIAY I ATADH TUMÍN, ANI IN KWA’AL AN TSALAP ABAL KI IN AYNA’ I
T’AJNEL ABAL KI IN TOLMIY ABAL KI IN PUWEDAHNCHIJ IN XE’ETSINTÁL BIO-PSICO-
SOCIALES JAWA’ KI IN TOLMIY ABAL KI IN BATSU’UW ANI KI IN AYNA’ IN UCHBÍL AN
ATIKLAB AN KWAJILOM XI IN YEJENCHAL O IN BATSU’UWÁL I ASISTENCIA SOCIAL;
X. AN PROCURADURIA DE LA DEFENSA DE LAS PERSONAS ADULTOS MAYORES: AN
PROCURADURIA DE LA DEFENSA DE LAS PERSONAS ADULTAS MAYORES, ANI
XI. AN PROCURADURIA DE PROTECCION: AN PROCURADURIA DE PROTECCIÓN DE NIÑAS,
NIÑOS Y ADOLESCENTES.
ARTICULO 4°, IN EJTOWÁL KI IN BATSU’UW I ASISTENCIA SOCIAL AN ATIKLAB KAL I DISCAPACIDAD
XI KI IN KO’OY I ODHNADHTALÁB TI IN PUWELTÁL, TI IN TSALAPÍL, TI EXOBÁL O TI IN INIKTÁL ABAL
PATAL IN EJATÁL, ANI XI YAB U JILÁB ABAL KA KWET XE’ETSIN, KA TOLMIY IN K’EAT KWAJILOM, ABAL
ANTS’ANA’ JA JUNKUNCHAT IN XE’ETSINTÁL.
ARTICULO 5°. AN ASISTENCIA SOCIAL XI IN BINÁL AN EJECUTIVO TI PULIK BICHOW, AN BICHOWCHIK,
ANI XI IN T’AJAL AN ATÁJCHIK XI ABATNADH KAL AN EYAL ANI PRIVADAS, ANO/O I ORGANIZACIONES
DE LA SOCIEDAD CIVIL IN LUJBAYAL ABAL KA ÁYNA’ I T’AJNEL ABAL KA BUK’UAT, KA EJTIYAT, KA
BELETNA’ ANI KA TSÁB TS’EJKA’ XI NE’ETS KA AJYAT, KA WENK’OWAT ANI KA DHUCHAN ABAL KA
EXLÁN KAL AN ATIKLAB XI IN YEJENCHÁL O IN BATSU’UWÁL I ASISTENCIA SOCIAL ANI JÁTS XI TE’ U
OLNAB:
I. BUK’UDHTALÁB AN KÁW ABAL AN ALWA’ YEJELTALÁB BIO-PSICO-SOCIAL ABAL AN
ATIKLAB XI IN BATSU’WAL O IN YEJENCHÁL I ASISTENCIA, OK’OK’OL XI IN KWA’AL I
T’EPINTALÁB KOM OCHNAME’ KAL AN MIM TSÁBAL O T’AJCHINENÉK, I PEXTALÁB KAL
IN JA’UB O YANEL, KA EXOBCHAT KI IN BELETNA’ I PUWEL ANI TALYANEL AN TSALAP O
T’AJNEL XI KI IN EJTOW KI IN KANIY ABAL YAB KI K’O’OY KI IN BATSU’UW I ASISTENCIA
SOCIAL;
II. AN EXOBINTALAB ABAL AN JAÚBLÁB KA ALWA’ MET’AXÍN ABAL KA WA’TSIN I
JUNKUDHTALÁB ANI KA EJETNANCHAT IN ÉY, ABAL YAB KA W’ATSIN I PEXTALÁB MANI
KA JILAXINCHIK;
III. KI IN TIXK’A’ AN PEXTALÁB KAL AN JAÚBLÁB ABAL KA ALWA’ KWAJIYCHIK, KA
JUNKUWAT ANI KA EJETNANCHAT I ÉY ANI KAL XI K’EAT I ATIKLAB; KAL I EXOBINTALÁB
JU’TA’ KA EXOBCÍN JANT’ODHA’ KA JUNKUDH BELETNAXÍN, YAB KA KWIYAXÍN MANI KA
WATSIN I PEXTALÁB, ANI ANTS’ANA’ KA ALWA’ XE’ETSIN ANI KA KANODHAXÍN
IV. I T’AJNÉL ABAL KA TIXK’A’ AN YA’ULÁTS KAL AN ODHNACH ILAL;
V. BUK’UDHTALÁB I T’AJNÉL ABAL KA T’AJAN TI KWENTÁJ ANI KA K’AKNA’ AN ATIKLAB XI
IN KWA’ALÍTS YAN I TAMÚB, KAL AN T’EJWAMEDHOMTALÁB ABAL KA EXLA’ ANI KA
EXBEYÁT JANT’IDHA’ NE’ETS TI YEJTS’ELMÉL, ANTS’ANA’ EJTÍL JAYE’ DHUBAT KA T’AJAN
TI KWENTAN AN YA’ULÁTS, ABAL KI IN K’ANIY YAB KI ATS’PIY O KI IN BAJUW JUN I
DISCAPACIDAD ANI ANTS’ANA’ KI IN EJTOW KI IN KWET X’ETSÍN ANI KI IN BELETNA’ IN
BA’;
VI. BUK’UDHTALÁB ABAL KA BATSU’AWAT AN ATIKLAB XI IN YEJENCHAL I ASISTENCIA
SOCIAL;
VII. BUK’ULTALÁB ABAL AN K’AKNADHTALÁB AN EJATALÁB ANI AN ALWA’ KWAJILÓM;
VIII. OLCHIXTALÁB ANI EXOBINTALÁB ABAL AN ALWA’ K’APÚTS ABAL ANTIKLAB XI IN
BATSU’AWÁL I ASISTENCIA SOCIAL;
IX. EXOBINTALÁB ABAL AN BELETNADHATALÁB IN KWETEM INIKTÁL ABAL AN ATIKLAB XI
IN BATSU’UWÁL I ASISTENCIA SOCIAL JANT’ODHA’ IN K’WAJBAMÁL AN LEY DE SALUD
TI PULIK BICHOW SAN LUIS POTOSÍ;
X. T’AJADHTALÁB ABAL KA BINA’ AN KÁW, BELENADHTALÁB, ADHIK T’AJADH TI
KWENTALÁB ANI JUNKUDHTALÁB KAL PILCHIK I ATÁJ T’OJLÁB, ABAL KI IN JUNKUY AN
UNIDAD ESTATAL ANI AN UNIDADES MUNICIPALES DE PROTECCIÓN CIVIL;
XI. T’AJADHTALÁB ABAL KA ÁYNA’ AN JUNKUDH T’OJLÁB KAL AN COMISION ESTATA DE
DERECHOS HUMANOS, ABAL KA ÁYNA’ I T’OJLÁB INTERINSTITUCIONAL JU’TA’ KA
K’AKNANCHAT IN XE’ETSINTÁL AN ATIKLAB XI IN KWA’AL I T’EPINTALÁB ANI XI U
POJKAB;
XII. AN BELETNADHTALÁB ABAL AN ATÁJCHIK JU’TA’ I BINAB I ASISTENCIA ABAL AN
TSIK’ACHIK, KWITOLCHIK, AN ELEL POK’EL ANI AN ATIKLAB XI IN KWA’ALÍTS YAN I
TAMÚB ANI JILAME’;
XIII. AN ASISTENCIA JURIDICA KAL AN TSALAP AN JA’ÚBLÁB XI IN BATSU’UWÁL I ASISTENCIA
SOCIAL;
XIV. ILALIXTALÁB, JU’TA’ TI YEJENTÁL, ABAL AN ATIKLAB XI IN BATSU’AWÁL I ASISTENCIA
SOCIAL;
XV. EXOBINTALÁB ABAL AN JA’UBLÁB KI IN EJTOW KI IN BELETNA’ ANI KI IN ILALÍY AN
ATIKLAB XI U YA’ÚL;
XVI. K’IDHAT TOLMIXTALÁB ABAL AN ATIKLAB XI IN TSU’UMÁL I PEXTALÁB KAL IN JA’UB, TI
TEK’EDH ATÁJ;
XVII. AN TOLMIXTALÁB ABAL AN KONODHTALÁB KAL AN K’O’OBIDHTALÁB AN TSIK’ACHIK,
KWITOLCHIK ANI AN ELEL POK’EL XI YAB IN KWA’AL IN JA’UB ABAL KA ELETNA’ ABAL KA
T’AJAN JANT’IDHA’ IN ULAL AN LEGISLACION CIVIL;
XVIII. TOLMIDH WICHBADHATALÁB ABAL AN TSIK’ACH, KWITÓL ANI ELEL POK’EL XI IN
EJTOWÁL KA ODHNA’;
XIX. TAMKUDHTALÁB I T’AJNÉL ABAL KA BINAN I ALWA’ TOLMIXTALÁB ABAL AN KWAJILÓM;
XX. I T’AJNÉL ABAL AN TUTELA O CUSTODIA, JU’TA’ TI YEJENTAL, ABAL AN TSIK’ACH, KWITÓL
ANI ELEL POK’EL XI IN BATSU’AWÁLCHIK I ASISTENCIA SOCIAL SI ABATNADH KAL AN
EYAL ANI PRIVADOS, JANT’IDHA’ TI ULUDH KAL AN EYAL XI IN TOMNAL;
XXI. AN ASISTENCIA SOCIAL ABAL AN ALWA’ K’APNÉL, OLCHIXTALÁB ANI EXOBINTALÁB ABAL
AN K’APÚTS ANI AN TSALAP KAL AN UBAT’INTALÁB; ABAL AN KA PIDHAN AN ATIKLAB
XI IN BATSU’UWÁL I ASISTENCIA SOCIAL ABAL KA PIDHAN I TOLMIXTALÁB KAL AN
K’APÚTS; OLCHIXTALÁB ANI EXOBINTALÁB KAL AN K’APÚTS ANI JUNKUDH T’OJLÁB KAL
AN SERVICIOS DE SALUD TI PULIK BICHOW SAN LUIS POTOSI, AN SECRETARIA DE
EDUCACION DEL GOBIERNO DEL ESTADO, AN SISTEMA EDUCATIVO ESTATAL REGULAR
ANI AN CONSEJO NACIONAL DEL FOMENTO EDUCATIVO XI KWENTALOM TI
DELEGACION ESTATAL DE SAN LUIS POTOSI, ABAL KA T’AJCHIN TI KWENT’AJ I ALEM ANI
I PUWÉL;
XXII. AN BUK’UDHTALÁB ANI AN TOLMIXTALÁB ABAL AN PUWELTALÁB TI KWAJILÓM TI
BICHOWCHIK, KWENCHALÁB, ANI AGEB TI PEJÁCH KWENCHALÁB XI T’AJADH TI
KWENTÁJ ABAL TSEJWANTÁL JANT’IDHA’ TI ULUDH TI CONSEJO NACIONAL DE
POBLACION XI IT’ T’AJAMÉ OK’OKOL T’AJADH TI KWENTÁJ AN TÉNEK KWENCHALAB;
XXIII. PIDHOMÁTS ABAL AN ATIKLAB XI IN KWA’ALÍTS YAN I TAMÚB ANI I BATSU’UWÁL I
ASISTENCIA SOCIAL, I TOLMIXTALÁB EJTÍL ABAL TI KWAJÍL, KA K’APÚTS ANI KI IN UTS’A
I JA’ XI KA TOLMINCHAT ABAL KI IN KO’OY I ALWA’ TSAPLAB, KA LÁK’BIN, KI IN
BATSU’UW I ILÁL, TRABAJO SOCIAL, T’AJNÉL ABAL KA KULBEJIN, KA EYAN, ABAL IN
TSLAPÍL ANI I EXOBINTALÁB ABAL AN T’OJLÁB;
XXIV. PIDHOMÁTS I T’OLMIXTALÁB ABAL AN K’IBELTALÁB, ANI
XXV. PÍLCHIK I TSALAP XI KA YEJENCHAT ABAL KA ALWAMEDHA’ AN XE’ETSINTALÁB BIO-
PSIO-SOCIAL ABAL KA TOLMIYAT AN ATIKLAB XI IN BATSU’UWÁL I ASISTENCIA SOCIAL
KA PUWEY ANI KA WICHIY TI KWAJILÓM.
ARTICULO 6°. AN ATIKLAB XI IN BATSU’UWÁL I ASISTENCIA SOCIAL IN KWA’AL I UCHBÍL KI IN
BATSU’UW I ALWA’ EJATALÁB KAL AN ATIKLAB XI EXOBLAMADH; KA EJETNANCHAT IN BÍJ ANI
TALYANEL AN KÁW XI KA K’O’OCHAT ANTS’ANA’ EJTÍL IN INIKTÁL TI ATIKLAB ANI AN TOLMIXTALÁB
XI INBATSU’UWÁL; ANI KI IN BATSU’UW KAL I TEK’EDHTALÁB ANI YAB KA POJKA’ JU’TA’ TI K’WAJAT:
I. KAL JUN I DISCAPACIDAD TAM IN YEJENCHAL:
II. TAM IN EJTOWAL KI IN TSU’UW I ODHNADHTALÁB ABAL YAB KA ALWA’ PUWEY IN BIO-
PSICO-SOCIAL;
A) TSIK’ACH, KWITÓL ANI ELEL POKÉL XI PEL IN TSAKAMÍL I ATIKLAB XI BELAMADH;
B) AN KWAJILÓM XI TI TÉNEK KWENCHALÁB ANI PEJACH KWENCHALAB XI U KWAJILCHIK
JU’TA’ YAB IN KWA’AL I ALWA’ K’IMÁJ ANI I TUMÍN;
C) AN ATIKLAB XI IN TSU’UMÁL I ODHNADHTALÁB KAL AN MIM TSÁBAL O T’AJCHINENÉK;
D) TSIK’ACH, KWITÓL ANI ELEL POK’EL XI IN KWA’AL I PEXTALÁB KAL AN EYAL (LEY PENAL);
III. XI JILANME’ INI IN EJTOWÁL KA ODHNANCHAT IN EJATAL BIO-PSICO-SOCIAL:
A) TSIK’ACH, KWITÓL ANI ELEL POK’EL;
B) AN MIMLÁBCHIK;
C) AN ATIKLAB XI IN KWA’ALÍTS YAN I TAMÚB;
D) AN ATIKLAB XI IN KWA’AL I K’AK’ADH YA’ULÁTS ANI, MÁX WA’ATS, AN ATIKLAN XI IN
LELETNÁL;
IV. XI KWA’AJ KAL I T’EPINTALÁB TI KWAJILOM:
A) TSIK’ACH, KWITÓL ANI ELEL POK’EL.
1. ATIKLAB XI BELAMADH O WICHBAME’ TI IN BICHOWÍL
2. XI YABÁTS IN KWA’AL I TATÁCHIK O EXPIDHÍTS JUN
3. XI ODHNAME´TI IN INIKTÁL, TOJLABÍL, TI ÁY O PIL JUN JANT’O
4. AN ATIKLAB XI YAB IN KWA’AL JU’TA’ TI KWAJÍL
5. XI U T’OJNÁL JU’TA’ IN EJTOWAL KA ODHNANCHAT IN PUWELTAL ANI IN INIKTÁL
6. TS’IKACHÍL O KWITOLÍL AN ATIKLAB XI BELAMADH
7. IN TSAKAMIL AN MIMLÁB O TATALÁB XI MAPUDH ANI YAB IN KWA’AL KAL JIT’A KA
BELETNA’.
8. AN TSAKAMCHÍL XI YABAYE’ IN PUTUMAL 12 I TAMÚB ANI JOLBIYAME’ ABAL YAB T’EKEDH
U KWAJÍL, ANI U KUBDHAPCHAB IN UCHBÍL O U ODHNANCHAB.
9. ATIKLAB XI YAB IN KWA’AL ALWA’ IN ALÉM.
B) AN MIMLABCHIK:
1. XI KO’ODH, LEJKINENEKÍTS O IN CHUCHINDHÁL IN TSAKAMÍL, OK’OKOL AN CHIDHANCHIK
ANI AN MÍMLÁB XI KWETEM IN BELETNÁL IN TSAKAMÍL ANI YABAYE’ IN PUTUMÁL 18 I
TAMÚB O IN KWA’AL JUN I DISCAPACIDAD.
2. XI ODHNAME’
3. XI POJKAME’ KOM YAB ALWA’ IN PUWELTÁL BIO-PSICO-SOCIAL, O IN JA’ÚB.
4. XI ODHNAME’ KAL AN T’OJLÁB, ANI JAYE’ XI ODHNANCHAME’ IN ÉY.
C) AN ATIKLAB XI IN KWA’ALÍTS I TAMÚB ANO ODHNANCHAMÉ IN INIKTÁL O TSALAPÍL, KAL AN
TUMÍN, IN TSABALÍL, ANI/O IN ÉY, O PIL I T’AJNÉL XI KA ODHNANCHAT IN UCHBÍL, IN
PUWELTÁL O IN XE’ETSINTAL;
D) AN ATIKLAB XI YAN IN KWA’AL JU’TA’ TI KWAJÍL.
E) AN JA’ÚBLÁB XI YAB IN KWA’AL IN K’IMAJ, KOM LEJ TS’EJWANTÁL ANI KW’AJAT IN BELETNÁL
I TSIK’ACH, KWITÓL ANI ELEL POK’EL, I ATIKLAB KAL I DISCAPACIDAD O XI IN KWA’ALÍTS YAN
I TAMÚB.
V. AN ATIKLAB XI IN KWA’AL I YA’ULÁTS KOM IN JIKAL, UTSAL O IN XEKÁL AN ODHNACH
ILÁL, ANI U KO’OYAB TI JUN I CENTRO DE TRATAMIENTO Y REHABILITACION DE
ADICCIONES, ANI T’ANA’ K’WAJAT TI OCHNANCHAB IN UCHBÍL TI ATIKLAB KAL AN
ATIKLAB XI K’WAJAT TI BELÓM O IN JUNTAL YA’UL, ANI
VI. ANI XI IN BATSU’AWÁL I PEXTALÁB KAL IN YANÉL.
ARTICULO 7°. PEL IN UCHBÍL AN SISTEMA ESTATAL DE ASISTENCIA SOCIAL, BA’ AN DIF ESTATAL, KI
IN K’WAJBA’ AN POLITICAS, KI IN T’AJA’, KI IN ABATNA’, KI IN BELETNA’ ANI KI IN LEJBAY TALYANEL
AN TOLMIXTALÁB XI IN BINAL AN ASISTENCIA SOCIAL TI PUWELTÁL AN BICHOW ANI XI ABATNADH
KÁL AN PULIK EYAL TI LABTÓM, ANTS’ANA’ JATIDHA TI PUNUDH TI LEY GENERAL DE SALUD, TI LEY
SOBRE EL SISTEMA NACIONAL DE ASISTENCIAS SOCIAL, TI LEY DE SALUD TI PULIK BICHOW SAN LUI
POTOSI, TI NORMAS OFICIALES MEXICANAS ANI XI PILCHIK I ABATNADH KÁW XI KA EJTOWAT KA
EYAN.
ARTICULO 8°. AN ASISTENCIA SOCIAL ABAL AN BELETNADHTALÁB KAL AN ILÁL XI IN BINAL AN
SISTEMA ESTATYAL DE ASISTENCIA SOCIAL, KWA’AL KA T’AJAN JANT’IDHA’ TI OLNADH TI LEYES
ESTATALES ANI JANT’ODHA’ TI PUNUDH TI SERVICIOS DE SALUD TI PULIK BICHOW.
TSABCHÍL PEJACH
AN SISTEMA ESTATAL DE ASISTENCIA SOCIAL
ARTICULO 9°. AN SISTEMA ESTATAL DE ASISTENCIA SOCIAL NE’ETS KA K’WAJÍY KIDHBADH KAL AN
EJECUTIVO TI PULIK BICHOW, AN ATÁJCHIK ANI AN T’OJNALCHI TI ADMINISTRACIÓN PUBLICA XI IN
JUNCHUWÁL AN ASISTENCIA SOCIAL, AN DIF TI BICHOWCHIK, AN ATÁJ T’OJLÁB XI ABATNADH KAN
AN EYAL ANI PRIVADAS XI IN BINAL I ASISTENCIA ASOCIAL ANI BATSU’UMÉJ KAL AN DIF ESTATAL,
ANTS’ANA’ EJTÍL AN CENTRO DE ASISTENCIA SOCIAL XI IN ÁYNAL AN TS’ALAP JANT’IDHA’ TI IN ULAL
AN LEGISLACION XI IN TOMNÁL.
AN ATÁJJCHIK ANI AN T’OJNALCHI TI ADMINISTRACIÓN PUBLICA XI IN KIDHABAYÁL AN SISTEMA
BA´AN ÓK’CHIX O SECRETARIO TECNICO, JANT’IDHA’ TI YEJENTÁL, JÁTS:
I. AN SECRETARIA DE DESARROLLO SOCIAL Y REGIONAL;
II. AN SECRETARIA DE FINANZAS;
III. AN SECRETARIA DE EDUCACIÓN;
IV. AN SECRETARIA DE SALUD;
V. AN SERVICIOS DE SALUD;
VI. AN DIF ESTATAL;
VII. AN CONSEJO TECNICO DE ADOPCIONES;
VIII. AN CONSEJO TECNICO DE LAS PERSONAS CON DISCAPACIDAD;
IX. AN FISCALÍA GENERAL;
X. AN CENTRO DE JUSTICIA PARA MUJERES;
XI. AN COORDINACION ESTATAL DE PROTECCIÓN CIVIL;
XII. AN COMISION EJECUTIVA ESTATAL DE ATENCION A VICTIMAS;
XIII. AN DELEGACION ESTATAL DEL INSTITUTO NACIONAL DE LAS PERSONAS ADULTAS
MAYORES;
XIV. AN INSTITUO DE LAS MUJERES;
XV. AN INSTITUTO POTOSINO DE LA JUBENTUD;
XVI. AN INSTITUTO DE MIGRACION Y ENLACE INTERNACIONAL DEL ESTADO, ANI
XVII. AN INSTITUTO DE DESARROLLO HUMANO Y SOCIAL DE LOS PUEBLOS Y COMUNIDADES
INDIGENAS.
JITA’CHIK IN KIDHBAYÁN AXÉ XI ATÁJCHIK ANI T’OJLÁB TI ADMINISTRACION PUBLICA ETS’EY IN
T’AJALCHIK IN TSAP ABAL KI IN ÁYNA’ ANI KI IN BINA’ AN TOLMIXTALÁB JAT’IDHA’ IN OLNAMÁL AN
SISTEMA ESTATA DE ASISTENCIA SOCIAL.
AN SECRETARIA TECNICA DEL CONSEJO ESTATAL DE ASISTENCIA SOCIAL NE’ETS KI IN BELETNA’ ANI
KI IN LEJBAY TALYANEL AN T’AJNÉL XI IN T’AJALCHIK AXÉ XI ATÁJCHIK ANI T’OJNALCHIK TI
ADMINISTRACION PUBLICA XI BIJIDH TI DHUCHLÁB EBÁL.
ARTICULO 10° JITA’CHIK IN KIDHBAYAL AN SISTEMA KWA’AL KI IN PUTUW AXÉ XI TSALAP:
I. KI IN JUNKUW AN TOLMIXTALÁB KAL AN ASISTENCIA SOCIAL XI IN BINAL XI ABATNADH
KAL AN EYAL ANI PRIVADA;
II. KI ÓK’XIY AN T’AJNEL XI ABATNADH KAL AN EYAL TI LABTÓM ABAL KI IN BINA’CHIK AN
TOLMIXTALÁB TI SOCIAL:
III. KI IN BUK’UW AN TSALAP ABAL KA PUWEDHA’ ANI KA BINAN I ALWA’ TOLMIXTALÁB
KAL AN ASISTENCIA SOCIAL;
IV. KI IN BUK’UW JUN I T’EKEDH T’OJLÁB ABAL TALYANÉL AN PEJACH BICHOW ABAL KA
BINAN AN ASISTENCIA SOCIAL, ANI
V. KI IN BUK’UW AN TSALAP ABAL AN TOLMIXTALÁB ANI AN JUNKUDHTALÁB
INTERINSTITUCIONAL ABAL KA ALWA’ T’AJAN TI KWENTÁJ AN ATIKLABCHIK ANI AN
JA’ÚBLÁB XI IN KWA’AL IN UCHBÍL KA PIDHAN I ASISTENCIA SOCIAL.
ARTICULO 11. AN SISTEMA DE ASISTENCIA SOCIAL NE’ETS KI KO’OY, ABAL KA ALWA’ T’OJON ANI KI
IN JUNKUW, KAL JUN I CONSEJO ESTATAL DE ASISTENCIA SOCIAL, JIT’A NE’ETS KI IN BINA’ AN K´WA,
AN T’ILOMTALÁB ANI AN TSALAP JANT’ODH’ NE’ETS KA BINAN AN TOLMXTALÁB ABAL AN
ASISTENCIA SOCIAL.
ARTICULO 12. AN CONSEJO ESTATAL DE ASISTENCIA SOCIAL NE’ETS KA KIDHBAYAT KAL:
I. AN SECRETARIA EJECUTIVA, JITA’ JÁTS AN ATIKLAB XI NE’ETS KI IN ÓK’NA’ AN DIRECCION
GENERAL DEL DIF ESTATAL, ANI KWA’AL, JANT’ODHA’ JAJÁ’ IN TOMNÁL, KI IN TS’EJKA’
AN REGLAMENTO ABAL AN OPERACIÓN DEL CONSEJO ESTATAL;
II. ÓX I ATIKLAB XI NE’ETS TI KALCHIX KAL AN SISTEMA MUNICIPALES DEL TIF JUN ABAL AN
TS’ELÓM PEJACH AN TSÁBAL TI PULIK BICHOW; JITA’ NE’ETS KA BIJYAT TI
TAMKUMTALÁB, JU’T’A NE’ETS KA KANIATCHIK KAL AN DIF ESTATAL BA’ AN TSAPCHÍL
ÍTS’ TALBEL TI IN BATSU’UMÁL AN ÁYLAB AN EYAL TI BICHOWCHIK, JITA’CHIK NE’ETS KA
ABCHIN AN ÚW KAL AN COORDINADOR REGIONAL DEL DIF ESTATAL XI IN TOMNÁL, AN
SECRETARIA EJECUTIVA XI TI AXÉ XI CONSEJO INKWA’AL 5 I K’ICHÁJ ABAL KI IN
ALWA’MEDHA’ AN TSALAP;
III. JÚN I ATIKLAB XI NE’ETS KI IN ÓK’NA’ AN ATÁJCHIK XI IN BINAL I ASISTENCIA SOCIAL
PRIVADA, ANI DHUCHADHI BA’ AN DIF TI PULIK BICHOW, ANI
IV. JUN I ATIKLAB XI KI IN ÓK’NA’ JUNCHÍK AN ATÁJCHIK XI ABATNADH KAL AN PULIK
BICHOW ANI AJIDH BA’ AXÉ XI EYAL T’OJLÁB.
TAL YANEL AXÉ’ XI T’OJNALCHIK TI CONSEJO ESTATAL DE ASISTENCIA SOCIAL KWA’AL KI IN K’WAJBA’
JÚN I ATIKLAB JITA’ KI IN KALCHINCHIJ IN T’OJLABÍL.
ARTICULO 13. AN SISTEMA ABAL AN DESARROLLO INTEGRAL DE LA FAMILIA TI PULIK BICHOW, PEL
JUN I EYAL T’OJLÁB XI YAB ABATNADH KAL AN PODER EJECUTIVO DEL ESTADO, KAL IN KWET K’AL
ANI EYAL, AJIDH EJTIL I PÉJACH AN JUNKUDH ATÁJ T’OJLÁB AN TS’ALE’ TI PULIK BICHOW. AXÉ PEL I
EYAL T’OJLÁB XI NE’ETS KI IN ÓK’NA’ AN TOLMIXTALÁN XI NE’ETS KI IN BINA’ AN ASISTENCIA SOCIAL
TI PULIK BICHOW
ARTICULO 14. AN DIF TI PULIK BICHOW NE’ETS KI IN EJTOW KI IN AYNA’ AXÉ’ XI TSALÁP:
I. KI IN K’WAJBA’ AN TSALAP ABAL KA AYNA’ AN T’OJLÁB KAL AT’AJCHIK XI ABATNADH KAL AN
EYAL ANI PRIVADAS ABAL KI T’AJA’ AN TOLMIXTALÁB;
II. KI TS’EJKA’ JUN I DHUCHADH T’OJLÁB BIJIDH TI PROGRAMA ESTATAL DE ASISTENCIA SOCIAL
ANI XI TS’EJKADH KAL AN TSALAP XI ULUDH TI PLAN ESTATAL DE DESARROLLO ANI PILCHIK
I EYAL TSALAP, ANTS’ANA’ JAYE’ KA T’AJAN TI KWENTA’ AN TSALAP XI IN KWA’AL AN
CONSEJO ESTATAL DE ASISTENCIA SOCIAL;
III. KI IN JUNKUW AN T’OJLÁB KAL AN ATÁJ XI ABATNADH KAL AN EYAL ANI PRIVADAS ABAL KI
IN WICHBA’ TI KWAJILÓN AN ATIKALB XI IN BATSU’UWÁL I ASISTENCIA, ANTS’ANA’ EJTÍL KI
IN BATSU’UW ANI KI IN AYNA’A AN TSALAP T’OJLÁB XI ULUDH:
IV. KI ÓK’XIY AN T’OJLÁB ABAL AN ASISTENCIA SOCIAL ANI AN LEJBAXTALÁB ANI AN TSALAP
ABAL KA ÁYNA’;
V. KI IN TSU’ÚW ABAL KA AYNA’ AN TSALAP JANT’ODHA’ TI ULUDH BA’ AXÉ’ XI ABATNADH
KÁW ANI XI PÍLCHIK XI KA EYÁN;
VI. KI IN T’AJA’ ANI KI IN TOLMÍY AN EXOBINTALÁB ANI AN ALIMTALÁB ABAL AN EXOBINTALÁB
XI IN KWA’AL IN AÍY KAL AN ASISTENCIA SOCIAL;
VII. KI IN BUK’UW AN AXOBCHITALÁB, EXOBINTALÁB ANI EJBAXTALÁB ABAL TALYANEL AN
ATIKLAB XI TANA’ U T’OJNAL;
VIII. KI IN TS’EJKA’ I EXOBINTALÁB ABAL ALWA’MEDHA’ AN TOLMIXTALÁN KAL AN ASISTENCIA
XI IN T’AJAL TI KWENTÁJ AN ATIKLABCHIK;
IX. KI IN BUK’UW AN TSALAP ABAL KA TAMKUYAT AN TOLMIXTALAB ABAL AN ASISTENCIA
SOCIAL;
X. KI BINA’ AN TOLMIXTALÁB KAL AN TUMÍN ANI AN TOLMIXTALÁB KAL AN TSALAP ABAL AN
AT’AJCHIK XI KI IN KONOY, AXÉ LEJBADH KAL IN YANEL AN TUMÍN XI IN KWA’AL AN
ORGANISMO ESTATAL;
XI. KI IN ABATNA’ AN ATÁJCHIK XI IN BINAL I ASISTENCIA SOCIAL ANI IN TOLMIYAN AN
TS’IK’ACHIK, AN KWITOLCHIK ANI AN ELEL POK’ELCHIK, AN MIMLAB ANI AN ATIKLAB XI IN
KWA’ALÍTS YAN I TAMÚB XI IN YEJENCHAL AN ASISTENCIA SOCIAL;
XII. KI IN ÁYNA’ TI EYAL ABAL KA TOLMIXÍN KAL AN KONOWIXTALÁB ABAL TI K’O’BÍTS JÚN I
TSAKAM XI YAB WA’TSINENÉK TI LÁBTOM JANT’IDHA’ TI ULUDH TI CONVENCION SOBRE LA
PROTECCION DE MENORES Y LA COOPERACIÓN EN MATERIA DE ADOPCIÓN
INTERNACIONAL, ANTS’ANA’ EJTÍL TI CODIGO FAMILIAR ABAL AN PULIK BICHOW TI
TAMPOTS’OTS’; JU’TA’ KI IN T’AJA’ TI KWENTÁJ TAL YANEL AN EYALCHIK XI IN TOMNAL ANI
IN ÁYNAL AN BELETNADHTALÁB ABAL KI IN K’AKNA’ ANI KI IN BELETNA’ AN TSAKAMCHIK;
XIII. KI IN T’AJA’ I T’AJNEL ABAL KA K’ANIAT ANI KI IN TOLMIY AN ATIKLAB XI IN BATSU’UWÁL I
ASISTENCIA XI K’WAJATCHIK TI ATÁJ XI YAB PEL I ATÁJ ILALIX;
XIV. KI IN BINA’ JUNKUDH KAL AN ASECRETARIA DE SALUD AN ATIKLAB KAL I DISCAPACIDAD XI
KI IN KONOY, AN CREDENCIAL JU’TA’ KA ULWAT ABAL IN KWA’AL I DISCAPACIDAD KWA’AL
KI IN KO’OY AXÉ XI KÁW: IN BÍJ, IN ÉY, IN TAMUPÍL, IN BICHOWÍL, JU’TA’ U KWAJÍL, JAWA’
ANI JANEY I DISCAPACIDAD IN KWA’AL, ABAL KI IN EJTOW KI IN BATS’ÚW I TOLMIXTALÁB XI
AJIDH ANI ULUDH TI POLITICAS PUBLICAS XI WA’ATS ANI IN EYEJENCHÁL;
XV. KI IN TOLMÍY, KI IN EXOBCHIJ ANI KI IN OLCHIJ AN ATIKLABCHIK ANI AJ JUNKUDH ATIKLAB
JITA’CHIK KI IN KONOY AN T’AJNEL ABAL KA T’AJAN AN ASISTENCIA SOCIAL;
XVI. KI IN JUNKÚW ANI KI IN OLNA’ JANT’ODHA’ KA AYNA’ AN ABATNADH KÁW XI IN OLNAL TI
PILCHIK I BICHOW TI PULIK TSABÁL, TI LÁBTOM ANI TI PULIK BICHOW ANI XI IN AYNAL AN
T’AJNEL ABAL AN ASISTENCIA SOCIAL;
XVII. KI IN BELDHA’ AN T’OJLÁB XI ULUDH TI PROGRAMA ESTATAL DE ASISTENCIA SOCIAL ANI, TI
TAMÚB KAL TAMÚB, KWA’AL KA T’AJAN TI KWENTAJ ABAL MÁX IN LUBA’ AN T’OJLAB
JAT’ODHA’ IN KONIAL AN JUNTA DIRECTIVA;
XVIII. KI IN TS’EJKA’, KI IN BUKW’ÚW ANI KI IN ABATNA’ AN SISTEMA UNICO DE INFORMACION XI
NE’ETS KA EYAN ABAL AN ASISTENCIA SOCIAL;
XIX. KI IN BINA’ AN T’EJWAMEDHOMTALÁB, KI IN T’AJA’ ANI KI IN BUKW’ÚW AN TOLMIXTALÁB
ABAL KA AYNA’ AN T’OJLÁB ABAL AN ASISTENCIA;
XX. KI IN BATSU’UW, KI IN DHUCHA’ ANI KI IN T’AJA’ TI KWENTAJ ABAL AN ATÁJCHIK IN BINAL I
ASISTENCIA SOCIAL, JANT’ODHA’ TI DHUCHADH BA’ AXÉ’ XI ABATNADH KÁW, IN
REGLAMENTO ANI XI PILCHIK I ABATNADHTALÁB ABAL AXÉ’ XI T’AJNEL;
XXI. KI IN EXOBCHI’ JANT’ODHA’ KA EYAN AN TOLMIXTALÁB XI, PEL ABAL AN ASISTENCIA SOCIAL,
XI U PIDHNAL AN ATÁJCHIK ANI AN EYALCHIK TI LÁBTOM ANI TI PULIK BICHOW;
XXII. KI IN NEDHA’, KI IN JUNA’ ANI KI IN BELETNA’ AN REGISTRO Y CENSO ESTATAL DE PERSONAS
CON DISCAPACIDAD, ANTS’ANA’ EJTIL AN SISTEMA ESTATAL DE INFORMACION DE
PERSONAS CON DISCAPACIDAD JAWA’ KI IN TOLMIY ABAL KI IN EXOBCHI’ ANI KI IN LEJBAY
AN POLITICAS ASISTENCIALES XI KA KALE’ KAL AN KÁW XI KA TAMKUYAT;
XXIII. KI IN OLCHI’ AN SERVICIOS DE SALUD TI SAN LUIS POTOSI JANT’ODHA’ ÁY ABAL KI IN
BELETNA’ AN PATROMONIO DE LA BENEFICIENCIA PUBLICA TI PULIK BICHOW, AN T’AJNÉL
ABAL AN ASISTENCIA SOCIAL ABAL KI IN BATSU’UW AN TUMÍN, JANT’IDHA’ TI IN
YEJENCHÁL;
XXIV. KI IN BINA’ I K’A’AL EXOBCHIXTALÁB ANI I EXOBINTALÁB ABAL AN ATIKLAB XI U T’OJNAL TI
DIF TI BICHOWCHIK XI IN BINAL AN ASISTENCIA SOCIAL, ABAL AN PROGRAMAS
ASISTENCIALES XI U T’AJNAL TI BICHOWCHIK; ANTS’ANA’ EJTÍL XI IN BINAL I TOLMIXTALÁB,
AN JUNADH T’OJLÁB ANI AN BELETNADHTALÁB XI PÉL I ASISTENCIA SOCIAL;
XXV. KI IN T’AJA’ TI KWENTAJ ABAL AN AT’ACHIK XI IN ILALIAL O I TOLMIYAL ABAL KI IN JILA’ AN
ADICCIONES, ABAL KI IN LEJBAY MÁX IN BELETNANCHAN IN UCHBÍL AN ATIKLAB XI TANA’
K’WAJAT TI TOLMIYAB AY, ANI MÁX TOMNÁL, KI IN OLNA’ MÁX U ODHNANCHAB I UCHBÍL,
ABAL ANTS’ANA’ KI IN TÁWNA’ JANT’IDHA’ TI ULUDH TI AXÉ XI DHUCHLÁB;
XXVI. KI IN UTUNCHI’ AN MINISTERIO PUBLICO AN TSALAP XI KI IN TOLMIY ABAL KA
BELETNANCHAT IN UCHBIL AN JA’UBLÁBCHIK;
XXVII. KI IN BINA’ AN TOLMIXTALÁB ABAL KI KALCHINCHIJ ANI KI IN TOLMIY KAL ASISTENCIA
JURIDICA ANI I ORIENTACION SOCIAL ABAL AN ATIKLAB XI IN BATSU’UWÁL I ASISTENCIA
SOCIAL;
XXVIII. KI IN TOLMÍY ABAL KA T’AIAN AN TSALÁB JAT’ODHA’ TI ULUDH BA’ AN LEY DE LOS
DERECHOS DE LAS NIÑAS, NIÑOS Y ADOLESCENTE TI PULIK BICHOW SAN LUIS POTOSI ABAL
KI IN BELETNA’ ANI KI IN K’ANIY AN TSIK’ACHICK, KWITOLCHIK ANI AN ELEL POK’ELCHIK;
XXIX. KI IN TOLMÍY AN EYAL KAL AN EXOBINTALÁB ABAL KI IN BINA’ AN EXOBINTALÁB XI ULUDH
TI ESPECIAL JAT’IDHA’ TI DHUCHADH TI ARTICULO 45 BA’ AN LEY ESTATAL DE EDUCACIÓN;
XXX. KI IN TOLMIY ABAL KA IT’ME’ AN DIRECTORIO NACIONAL ABAL ATÁJCHIK XI IN BINAL I
ASITANCIA SOCIAL XI ABATNADH KAL AN EYAL ANI PRIVADAS, KAL I ABATNADH ÚW ABAL
KA DHUCHAN AN ATÁJCHIK XI IN BINAL I ASISTENCIA SOCIAL ABATNADH KA AN EYAL ANI
PRIVADAS JAWA’ NE’ETS KA KONIAT BA’ AN DIF NACIONAL;
XXXI. KI IN BUK’WUW AN DIRECTORIO NACIONAL, BA’ AN EYDHANÉL XI IN KWA’AL ANI PILCHIK I
EYENDHANÉL; ABAL ANTS’ANA’ TALYANEL AN KWAJILOM KI IN EXLA’ AN KÁW;
XXXII. KI IN BUK’WÚW AN TSALAB ABAL KA TS’EJKAN ANI KA PUWEDHA’ AN AT’AJCHIK XI
ABATNADH KAL AN EYAL ANI PRIVADAS XI IN BINAL I ASISTENCIA SOCIAL;
XXXIII. KI IN BUK’WUW TI AKAK A ÍTS’ BA’ AN BUK’WUDH KÁW, ANTS’ANA’ EJTÍL TI PAGINA DE
INTERNET DE LA SECRETARIA SOCIAL, TALYANEL AN TOLMIXTALÁB XI U BATSU’UWAB KAL
AN BICHOWCHIK XI TI IN PUWEL AN TSÁBAL, TI BICHOW LABTÓN ANI PULIK BICHOW ABAL
AN PROGRAMAS DE ASISTENCIA SOCIAL, ANTS’ANA’ XI PILCHIK I T’AJNÉL XI IN BINAL;
XXXIV. KI IN PUWEDHA’ AN TS’EJKADHTALÁB, AN YEJELTALÁB ANI KI IN TSAPNEDHA’ AN ATÁJCHIK
XI IN BINAL I ASISTENCIA PRIVADA, ANTS’ANA’ EJTÍL ABAL KA EXLA’ KAL AN KWAJILOM
JANEY JÁTS AN TOLMIXTALÁB XI IN BINAL, JANEY IN T’AJAL ABAL KI IN PUWEDHA’ ANI KI IN
TSAPNEDHA’;
XXXV. KI IN BELETNA’ AN AT’AJCHIK ANI AN T’OJLÁB XI TI ADMINISTRACION PUBLICA TI PULIK
BICHOW ANI BICHOWCHIK, ABAL KI IN T’AJA’ AN T’AJNÉL XI KA WALKAN ANI KA
ALWA’MEDHA’, ABAL ANTS’ANA’ TALYANÉL KI EJTOW KI ÁYNA’ IN UCHBÍL TI ATIKLAB JU’T’A
KA JUNKUWAT AN ATIKLAB KAL I DISCAPACIDAD;
XXXVI. KI IN DHUCHA’ AN AJUNTALÁB XI KI IN BINA’ AN SISTEMA UNICO DE INFORMACION EN
MATERIA DE ASISTENCIA SOCIAL, ABAL KA TOLMIYAT KI IN TS’EJKA’ I PROGRAMAS
PREVENTIVOS;
XXXVII. KI IN BUK’WUW AN KÁW ABAL I ALWA’ PUWEDHANCHAT IN BIO-PSICO-SOCIAL AN ATIKLAB
XI IN BATSU’UWÁL I ASISTENCIA SOCIAL, OK’OK’OL ABAL KA K’ANIAT TAM KA WA’TSIN I
T’EPINTALÁB KAL AN MIM TSÁBAL O XI T’AJADH, AN PEXTALÁB KAL AN JA’UBLÁB, AN
EXOBINTALÁB TI IN ÉY, ANI TALYANEL XI KI IN EJTOE KI K’ANIY ANI KI IN TOLMIY AN TÁJNÉL
ABAL AN ASISTENCIA SOCIAL, ANI
XXXVIII. XI PILCHIK I TSALAP XI YEJENTÁL ABAL KA BINAN AN TOLMIXTALÁB XI PEL ASISTENCIALES.
ARTICULO 15. AN TOLMIXTALÁB ANI AN T’OJLÁB XI NE’ETS KA T’AJAN, AN DIF TI PULIK BICHOW
NE’ETS KI IN ABATNA’ AN ATÁJCHIK ANI AN ATIKLAB XI U ÓK’XIYÁB KAL AN EYAL TI PULIK BICHOW
ANI AN BICHOWCHIK, JANT’IDHA’ TI DHUCHADH BA’ AN ABATNADH EYAL.
ARTICULO 16. KI IN TS’EJKA’ ANI KI IN LEJBAY AN POLITICAS PUBLICAS ABAL AN BELETNADHTALÁB
ANI AN ILALIXTALÁB ABAL AN ATIKLAB KAL I DISCAPACIDAD XI IN BATSU’UWÁL I ASISTENCIA SOCIAL
TI ATÁJCHIL XI YAB PEL I ILALIX, XI NE’ETS KA TÁBAJN BA AN CONSEJO TECNICO DE PERSONAS CON
DISCAPACIDAD, JAWA’ KWA’AL KA ÁYNA’ JANT’IDHA’ TI DHUCHADH BA’ AN LEY PARA LA INCLUSION
DE LAS PERSONAS CON DISCAPACIDAD TI PULIK BICHOW ANI TI BICHOWCHIK, BA’ AXÉ’ XI LEY, IN
KWET REGLAMENTO, AN NORMAS OFICIALES MEXICANAS ANI PILCHIK I ABATNADH T’OJLÁB.
ABAL KA T’AJAN TI KWENTÁJ ANI AN ILALIXTALÁB KAL AN ATIKLAB KAL I DISCAPACIDAD, XI NE’ETS
KI IN BINA’ AN DIF TI PULIK BICHOW, BA’ AN CENTRO DE REHABILITACIÓN U EDUCACION ESPECIAL.
ARTICULO 17. AN DIF TI PULIK BICHOW NE’ETS KI IN JUNKÚW AN TOLMIXTALÁB ABAL KI IN ILALÍY
ANI AN ASISTENCIA SOCIAL XI IN BINÁL, ANI JAWA’ IN BINAL AN SECTOR SALUD ANI AN ATÁJCHIK XI
PÉL I ASISTENCIA PRIVADA.
ARTICULO 18. ABAL KI IN BINA’ AN TOLMIXTALÁB ABAL AN ATIKLAB XI IN BATSU’UWÁL I ASISTENCIA
SOCIAL AN DIF TI PULIK BICHOW NE’ETS KI IN KO’OY I ATÁJ XI ABATNADH KAL AN EYAL ABAL KI IN
BINA’ I ASISTENCIA SOCIAL JAWA’ NE’ETS KI T’AJACHIK:
I. I ALBERGUE TEMPORAL ABAL AN TSIK’ACHIK, AN KWITOLCHIK ANI AN ELEL POKÉLCHIK, AN
MIMLÁB ANI ATIKLAB XI IN KWA’ALÍTS I TAMÚB ANI BATSU’UWÁLCHIK I ASISTENCIA SOCIAL
JU’TA’ KWA’AL KA BINA’ AXÉ XI TOLMIXTALÁB:
a) KA K’APUTS ANI KI IN UTS’A’ I JÁ’ XI U TOLMIYAB ABAL KA TSAPNE’.
b) KA EXOBCHAT ANI KI IN BELETNA’ IN EJATÁL
c) KI IN T’AJA’ TI KWENTAJ ABAL AN TS’IK’ACHIK, KWITOLCHIK ANI AN ELEL POK’ELCHIK IN
BATSU’UWAL I EXOBINTALÁB.
d) KI IN BUK’WÚW I T’AJNEL ABAL KA EXOBLÁTS ANI KA K’IJIDHBE’.
e) KA EXOBCHAT KI IN T’AJA’ JAWA’KÍTS I T’OJLAB ANI KA TOLMIYAT ABAL KA T’OJLÁTS.
f) KA T’AJAN TI KWENTÁJ KAL AN ILALIX ANI KAL IN TSALAPÍL.
g) TOLMIXTALÁB KAL AN JURIDICO;
II. I ALBERGUE ANI KA T’AJAN TI KWENTÁJ JANT’IDHA’ IN YEJENCHAL AN TSIK’ACHIK, AN
KWITOLCHIK, AN ELEL POK’ELCHIK ANI AN ATIKLAB XI IN KWA’ALÍTS YAN I TAMÚB KAL I
DISCAPACIDAD;
III. AN ALIXTALÁB, XI U T’AJAB BA’ AN TRABAJO SOCIAL, XI IN JUNKUWAB KAL AN CENTRO DE
INVESTIGACIÓN PUBLICOS O PRIVADOS, ANI
IV. AN ILALIXTALÁB KAL AN ATIKLAB KAL I DISCPACIDAD.
ARTICULO 19. AN DIF TI PULIK BICHOW NE’ETS KI IN ABATNA’ AN ATÁJCHIK XI IN BINAL I ASISTENCIA
SOCIAL JANT’IDHA’ TE’ ULÚDH, IN KWET REGLAMENTO, TI NORMAS OFICIALES MEXICANAS ANI TI
PILCHIK I ABATNADH KÁW XI KA KALE’ ABAL KA EYÁN.
ANTS’ANA’ JAYE´, KI IN BELETNA’ AN T’OJLÁB ANI AN TOLMIXTABAL KAL AN ASISTENCIA SOCIAL XI
IN ABATNAL AN EYAL ANI PRIVADAS, JANT’ODHA’ TI ULUW BÁ AN LEY GENERAL DE SALUD, AXÉ’ XI
ABATNADH KÁW ANI XI PILCHIK AN KÁW XI ULWAME’.
ARTICULO 20. KAL AN TSALAP ABAL KA EJETNA’ ANI KA K’ANIAT AN TSIK’ACHIK, KWITOLCHIK ANI
AN ELEL POK’EL XI U EJTOWAB KA K’O’BIYAT, ANI K’WAJAT TI BELETNAB TI CENTROS DE ASISTENCIA
SOCIAL XI ABATNADH KAL AN EYAL ANI PRIVADOS XI WALKAMEJ, AN DIF TI PULIK BICHOW, NE’ETS
KI TS’EJKA’ ANI KI IN KIDHBAY AN CONSEJO TECNICO DE ADOPCIONES JAT’IDH’A TI DHUCHADH TI
ABATNADH KÁW XI IN TOMNÁL.
ARTICULO 21 AN CONSEJO TECNICO DE ADOPCIONES PEL IN JUNTAL T’OJNAL KAL AN SISTEMA ABAL
AN DESARROLLO INTEGRAL DE LA FAMILIA TI PULIK BICHOW, ANI NE’ETS KA KWAJIY KIDHBADH KAL:
I. I ÓK’CHIX ABAL AN JUNTA DIRECTIVA TI DIF PULIK BICHOW: PRESIDENCIA HONORARIA
II. I ÓK’CHIX ABAL AN DIRECCION GENERAL TI DIF PULIK BICHOW: PRESIDENCIA EJECUTIVA;
III. I ÓK’CHIX ABAL DIRECCION DE ASUNTOS JURIDICOS Y DERECHOS HUMANOS TI PULIK
BICHOW, EJTIL I SECRETARÍA TÉCNICA;
IV. K’A’AL CONSEJSERÍA, I OK’CHIX TI PROCURADURIA DE PROTECCION DE NIÑAS, NIÑOS Y
ADOLESCENTES;
V. TSAPCHÍL CONSEJERÍA: AN DIRECCION GENERAL DEL CENTRO DE ASISTENCIA SOCIAL
MARGARIZA MAZA DE JUÁREZ;
VI. OXCHÍL CONSEJERÍA: AN DIRECCION GENRAL DE CENTRO DE ASISTENCIA ROSARIO
CASTELLANOS;
VII. TSE’CHÍL CONSEJERÍA: AN DIRECCIÓN GENERAL DEL CENTRO DE ASISTENCIA SOCIAL REFAEL
NIETO;
VIII. BO’CHÍL CONSEJERÍA: AN ÓK’CHIX TI ÁREA DE GESTION Y PARTICIPACION SOCIAL TI DIF
PULIK BICHOW, ANI
IX. AKAKCHÍL CONSEJERÍA: AN DIRECCION DE INTEGRACION SOCIAL DE PERSONAS CON
DISCPACIDAD TI DIF TI PULIK BICHOW.
AN ATIKLAB XI KA T’OJON TI CONSEJO TECNICO DE ADOPCIÓN PÉL ALK’IDH T’OJLÁB, YAB NE’ETS KI
IN BAS’U’ÚW MANI JÚN I JALBIXTALÁB NI PÍL I TOLMIXTALAB. AN ATIKLAB NE’ETS KI EJTOW KI IN
ULÚW ANI KI IN TAKUY ANI, MÁX KA JUNKUBE’ AN TSALAP, AN PRESIDENCIA HONORARIA NE’ETS KI
IN EJTOW KI IN T’AJA’ I ALWA’ TAKUXTALÁB.
ABAL KA T’AJAN I ALWA’ T’OJLÁB, AN ATIKLAB JIT’A KI IN ÓK’XIY AN CONSEJO TECNICO DE
ADOPCIONES, KAL IN TOLMIXTÁL AN SECRETARIA TECNICA, IN EJTOWAL KI IN KANIY AN
ATIKLABCHIK O AN ATÁJCHIK, ABAL IN T’OJLABÍL O EXOBITÁL, XI IN EXLÁL AXÉ XI TSALAP, ANTS’ANA’
JAYE’ EJTÍL AN CENTROS DE ASISTENCIA SOCIAL XI ABATNADH KAL AN EYAL ANI PRIVADAS JU’TA’ U
BELETNAB AN TSIK’ACHIK, AN KWITOLCHIK ANI AN ELEL POK’ELCHIK XI K’WAJAT TI TAKWIAB ABAL
KA K’O’OBIYAT, ANI NE’ETS KA KANIAT ABAL KA TOLMIXÍN BA’ AN TAMKUDHTALAB AN CONSEJO,
NE’ETS KA ATS’ANCHAT IN KAWÍNTAL, YAB NE’ETS KA AJCHAT IN TSALAPÍL TI TAKUXTALÁB.
ARTICULO 22. AN T’AJNEL XI IN EJTOWAL KI IN AYNA’ AN CONSEJO TECNICO DE ADOPCIONES JÁTS
XI TE’ NE’ETS KA ULWAT:
I. KI IN EXOBNA’ ABAL KA PUTUN TAL YANEL AN DHUCHADH T’AJNEL, AN TAMKUDH ÚW ABAL
KA KONODH K’O’OBIDHTALÁB AN CONSEJO TECNICO DE ADOPCIONES ABAL AN
SECRETARIA TECNICA ANI XI PILCHIK I YEJENTALÁB ABAL KA T’AJAN AN TRAMITES
ADMINISTRATIVO, JU’TA’ ETS’EY KA T’AJAN TI KWENTÁJ AN TSIK’ACHIK, KWITOLCHIK ANI
AN ELEL POK’EL XI U EJTOWAB KA K’O’OBIYAT;
II. KI IN OLNA’ JAWA’ JÁTS XI IN BAJWAL O IN EJTOWAL KI IN AYNA’ AN KONOWIXTALÁB ABAL
AN K’O’OBITALÁB XI MET’AME’ K’A’ALK’IJ ANI IN JUNKUWAMÁL AN ÚW XI IN BINAMAL AN
ATIKLABCHIK;
III. KI IN ULUW JITA’ JÁTS AN TSIK’ACH, KWITOL ANI ELEL POK’EL XI U EJTOWAB KA K’O’OBIYAT
ANI K’WAJAT TI KWAJIL TI JUN I ALBERQUE XI ABATNADH KAL AN EYAL ABAL AN ATIKLAB XI
BATSU’UWAME’;
IV. KI IN OLNA’ AN JOLATALÁB JU’TA’ IN TOMNAL ABAL KA PIDHAN AN TOLMIXTALÁB KAL AN
ATIKLAB XI EXOBLAMADH, ABAL KI IN T’AJA’ AN ALIXTALAB ANI AN EXOBINTALÁB JAWA’
YEJENTAL ABAL KI IN TOLMIY AN CONSEJO ABAL KA T’AJAN TI KWENTÁJ AN ATIKLAB XI IN
KONIAMAL O AN TSIK’ACHIK, KWITOLCHIK ANI AN ELEL POK’EL XI U EJTOWAB KA K’O’BIYAT;
V. KI IN KWAJBA’ I T’EKEDH TSALAP ABAL TAL YANEL AN KONOWIXTALÁB, OK’OX TAM KA JILAN
KI IN BELETNA’ ANI YABAYE’ PIDHAME’ KI KO’OBIY AN TSIK’ACH, KWITOL ANI AN ELELPOK’EL
AN ATIKLAB XI IN KONIAMAL;
VI. KA OTSI’ITS TI JOLATALÁB JU’TA’ IN TOMNÁL, ABAK KI IN AYNA’ AN BELETNADHTABAL SI
OK’OX ANI TLABÉL TAM TI BINADHÍTS AN KO’OBTALÁB;
VII. KI IN DHUCHA’ ANI KI IN BELETNA’ TALYANEL AN KONOWIXTALÁB KAL AN KO’OBIDHTALÁB
XI BATSU’UMEJÍTS;
VIII. KI IN KO’OY I TAMKUDH ÚW JU’TA’ KA PILCHAT IN BIJ AN TSIK’ACHM KWITOL ANI AN ELEL
POK’EL XI K’WAJTÍS TI KO’OBIYAB, ANI
IX. XI PILCHIK I AN TSALAP XI ULUDH KAL AXÉ XI LEGISLACIÓN ABAL KA T’AJAN AN ADOPCIONES.
ARTICULO 23. AN DIF TI PULIK BICHOW NE’ETS KI IN AYNA’ AN DHUCHADH T’OJLÁB ANI AN T’AJNEL
ABAL YAB KA WA’TSIN I IT’IXTALÁB KAL AN K’WAJILÓM, AN TIKLABCHIK ANI AN JA’UBLÁBCHIK XI
YAB IN KWA’ALCHIK IN K’IMÁJ, ANI KA EXOBCHAT ABAL KI IN EXLA’ JÚN I T’OJLÁB ANI TI IN TSALAPÍL
ABAL KI IN EJTOW KI KW’T ATA’ AN TUMÍN.
NE’ETS KI IN JUNA’ AN DHUCHADH T’OJLÁB ANI AN T’AJNEL XI ULUDH TI DHUCHLÁB ÓK’OX, ANI
JANT’ODHA’ TI ULUDH BA’ AN REGLAMENTO INTERNO XI TI DIF TI PULIK BICHOW.
ARTICULO 24. MÁX KA W’ATSIN I T’EPINTALÁB XI T’AJADH KAL AN MIM TSABÁL O I ATIKLAB, AN DIF
TI PULIK BICHOW, JANT’ODHA’ U WALKANCHAB KAL IN T’AJNEL ANI PILCHIK I ATÁJCHIK ANI I
ATIKLABCHIK, IN EJTOWAL KI IN TOLMÍY AN COORDINACION ESTATAL ANI XI TI BICHOWCHIK BA’ AN
PROTECCION CIVIL, KI IN T’AJACHIK AN TOLMIXTALÁB ABAL KI IN JEK’ACHIK AXÉ’ XI YAJCHIKTALÁB.
ARTICULO 25: ABAL AN EXOBINTALÁB, AN T’OJODHTALÁB ANI AN OLNADHATALÁB JAWA’ IN
EJTOWAL KI T’AJA’, AN DIF TI PULIK BICHOW NE’ETS KI IN KO’OY AN TOLMIXTALÁB XI TE’ NE’ETS KA
BIJYAT:
I. JUN I JUNTA DIRECTIVA, ANI
II. JUN I DIRECTOR GENERAL
ARTICULO 26. AN JUNTA DRECTIVA NE’ETS KA KIDHBAYAT KA AXÉ’ XI T’OJNÁL:
I. JUN I PRESIDENCIA, JITA’ JÁTS AN EYAL TI PULIK BICHOW O JITA’ KI IN T’AKUY ABAL KI T’AJA’
NIXÉ’ XI T’OJLÁB;
II. KAL JUN I SECRETARIA TÉCNICA, XI PÉL AN ÓK’CHIX TI DIRECCIÓN GENERAL TI DIF TI PULIK
BICHOW, ANI
III. KAL I VOCALES, XI JÁTSCHIK AN DIRECTORES XI TI PILCHIL PEJACH I NORMATIVAS ANI
OPERATIVAS TI DIF TI PULIK BICHOW.
IN YANEL XI NE’ETS KA T’OJON TI JUNTA DIRECTIVA EXPIDH NE’ETS HA BATSU’AT BÓ’ I ATIKLAB. IN
T’OJLABÍL ANI KA ALWA’ T’AJAN AXÉ’ NE’ETS KA JILAN DHUCHADH BA’ AN REGLAMENTO INTERIOR
DEL SISTEMA ESTATAL DIF.
ARTICULO 27. AN JUNTA DIRECTIVA NE’ETS KI IN AYNAY AXÉ’ XI T’OJLÁB:
I. KI IN BATSU’ÚW AN TSALAP XI OLNADH TI PLAN ANUAL DE ASISTENCIA SOCIAL, TI
PROGRAMA OPERATIVO, TI PRESUPUESTOS, TI INFORME DE ACTIVIDADES ANI TI ESTADOS
FINANCIEROS;
II. KI WALKA’ KA T’AJAN AN T’OJLAB XI DHUCHADH ANI TI K’IJ JANT’IDHA’ KA ULWAT ABAL
ANTS’ANA’ KA BINÁ’ AN ASISTENCIA SOCIAL TI DIF TI PULIK BICHOW, JANT’ODHA’ TI
YEJENTAL ANI BA’ AN TSALAP XI ULUDH TI PLANES NACIONAL ANI ESTATAL DE DESARROLLO,
ANI TI PROGRAMAS SECTORIALES;
III. NE’ETS KI IN EJTOW KI BATS’ÚW JUNIL AN T’OJLÁB XI KI IN BINA’ O KI IN JILA’ KI IN T’AJA’
AN DIF TI PULIK BICHOW AN DIF TI BICHOWCHIK O AYUNTAMIENTOS, ANI KI IN PIDHA’ IN
YANEL AN TUMÍN JAWA’ IN BAJWAL O AN JOLATALÁB XI KA WATBANCHAT;
IV. KI IN JILA’ KA BATSU’UWAT AN PIDHAPLÁB, ABCHIXTALÁB, ANI PILCHIK I WALKADH T’AJNEL
JAWA’ KA PIDHAN AN DIF TI PULIK BICHOW;
V. KI IN EXLA’ A K’ITSODHO’ ÚW ABAL KA ABATNA’ O KA JUNKUWAT AN TOLMIXTALÁB KAL
PILCHIK I ATÁJCHIK XI ABATNADH KAL AN EYAL, PRIVADAS ANI KAL I KWAJILÓM, ANTS’ANA’
JAYE’ KAL PILCHIK I ATÁJCHIK XI K’WAJATCHIK TI PUWÉL AN TSÁBAL;
VI. KI IN BATS’ÚW AN TSALAP XI DHUCHADH TI REGLAMENTO INTERNO, ANI KI IN ABNA’ ABAL
KI IN AJIY AN ÓK’XIX TI EJECUTIVO TI PULIK BICHOW ABAL KI IN BATS’ÚW ANI KI IN BUK’UW:
VII. KI IN BATS’ÚW AN DHUCHLÁB XI BIJIDH TI MANUAL DE ORGANIZACIÓN XI TI DIF TI PULIK
BICHOW, ANI XI PÉL AN PROCEDIMIENTOS, KAL IN EXOBCHIXTÁL AN TÉCNICA XI TI
OFICIALÍA MAYOR DE GOBIERNO DEL ESTADO;
VIII. KI EXLA’ JANEY T’AJAME, AN KÁWCHIK ANI AN OLCHIXTALÁB XI KI T’AJA’ AN CONTRALOR
INTERNO ANI, MÁX YEJENTAL, AN AUDITOR EXTERNO;
IX. KI IN EXOBNA’ ANI KI IN BATS’ÚW AN TSALAB XI NE’ETS KA ABNAN ABAL KA YANEDHA’ AN
TOLMIXTALÁB;
X. KI IN EXLA’ JANT’IDHA’ TI NE’ETS KA KIDHBAN AN COMITES INTERNOS ANI AN JUNKUDH
ATIKLAB ABAL AN T’OJLAB;
XI. KI IN PIDHA’ AN DIRECTOR GENERAL IN ÁIY ABAL KI IN ÓK’CHIY I T’AJNÉL ADMINISTRATIVO
ANI XI IN EJTOWÁL;
XII. KI IN PIDHA’ IN ÁIY ABAL JITA’ KI IN ÓK’CHIY ABAL KI T’AJA’ TI VOCAL ANI KI KIDHBAY AN
CONSEJO ESTATAL DE TRASPLANTES, ANI
XIII. PILCHIK I TSALAP XI KI IN YEJENCHI’ JAT’ODHA’ TI ULUDH TI ÓK’OX DHUCHLÁB.
ARTICULO 28. AN BELETNADHTALÁB ABAL KA EYAN AN TOLMIXTALÁB JANT’ODHA’ TI IN TOMNAL
XI IN ÓK’XIYAL AN ORGANO INTERNO DE CONTROL, JITA’ NE’ETS KI IN ULÚW JANT’ODHA’ KIA T’AJAN
EJTÍL DHUCHADH TI LEY ORGANICA DE LA ADMINISTRACIÓN PÚBLICA DEL ESTADO ANI XI PILCHIL I
ABATNADH TSALAP XI KA EYAN.
ARTICULO 29. ABAL KA BATSU’UWAT TI DIRECTOR O DIRECTORA GENERAL YEJENTAL:
I. I ATIKLAB XI W’ATSINENÉK TE’ TI TSABÁL LÁBTOM, ANI JANT’IDHA’ IN UCHBIL;
II. TI EXLA’ AN T’OJLÁB KAL AN TSALAP ADMINISTRATIVA, ÓK’OK’OL KAL AN ASISTENCIA
SOCIAL, ANI
III. KA ALWA’ MET’AN KAL AN K’WAJILÓNCHIK ANI YAB JOLBINENÉK ANI MAPIAME’ TI AJÍDH
JÚN TAMÚB; MÁX JOLBINENÉK KAL I PEXTALÁB I TSABÁL, KAL IN JA’ÚB O PIL I TSALAP XI YAB
U BATSU’UWAB KAL AN KWAJILÓN, IN EJTOWAL YAB KA JILÁ KA T’OJLÁTS.
AN ATIKLAB XI IN ÓK’XIYÁL AN PODER EJECUTIVO JANT’IDHA’ TI ULUDH TI LEY ORGANICA DE LA
ADMINISTRACION PUBLICA TI PULIK BICHOW SAN LUIS POTOSI, IN EJTOWAL KI IN TAKÚY ANI, MAY
YEJENTAL, KI IN WEK’DHA’ AN DIRECTOR O DIRECTORA GENERAL.
ARTICULO 30. AN DIRECTOR O DIRECTORA GENERAL KWA’AL KI IN PUTUW AXÉ XI T’AJNEL:
I. KI AYNA’ AN KÁW ANI AN TSALAP XI KI IN OLNA’ AN JUNTA DIRECTIVA;
II. KI IN OLNA’ ABAL KA TSO’OBNA’ ANI KA BATSU’UWAT KAL AN JUNTA DIRECTIVA, AN PLANES
LABORALES, AN PRESUPUESTOS, AN INFORME DE ACTIVIDADES ANI AN ESTADOS
FINANCIEROS TI IN OXCHÍL A ÍTS’ XI TI DIF TI PULIK BICHOW, JUNADH KAL AN KÁWCHIK ANI
AN ÚW XI YEJENTAL, ANI AN KÁW XI KI IN ULÚW AN CONTRALOR INTERNO;
III. KI IN BIJIY ANI KI IN T’IXK’A’, JANT’ODHA’ ULUDH TI ABATNADH KÁW, AN ATIKLAB XI IN
K’WALÍTS I TAMÚB TI T’OJNAL TANA’;
IV. KI IN OLCHI’ AN JUNTA DIRECTIVA JITA’ U KUBAP O U TIXK’AB, EJTIL AN DIRECTORES,
SUBDIRECTORES Y SUBPROCURADOR DE LA PROCURADURIA DE PROTECCION;
V. KI IN BINA’ O KI IN WALKA’ AN DHUCHLÁB ABAL AN ATIKLAB ANI KI IN ABNA’ EJTÍL AN
TSALAP T’ONAL JANT’ODHA’ TI ABATNADH;
VI. KI IN TSALPAY, KI IN ÓK’XIL ANI KI INE BELETNA’ AN T’OJLÁB XI IN T’AJAL AN DIF TI PULIK
BICHOW JANT’ODHA’ ULUDH TI PLANES NACIONAL ANI ESTATAL DE DESARROLLO, XI IN
OLNAL AN JUNTA DIRECTIVA ANI PILCHIK I ABATNADH KÁW XI KA EYAN;
VII. KI IN ‘OK’XIY LEGALMENTE AN DIF TI PULIK BICHOW, KAL TAL YANEL AN T’AJNEL XI ULUDH
TI ABATNADH KÁW, ABAL AN ADMINISTRACIÓN ANI AN K’ANLÁB; NE’ETS KI IN YEJENCH’ I
JUNADH KÁW XI KI IN BINA’ AN JUNTA DIRECTIVA. XI IN NEDHAL ANI IN UCHBÍL KAL AN
EYEXTALÁB ANI AN ATÁJCHIK XI KA JILK’ON ULUDH TI ABATNADH KÁW XI KA YEJENCHAT;
VIII. KI IN JUNKUW I T’OJLÁB, KITS’OXTALÁB ANI I T’AJNEL JURIDICO JAWA’ KA TOLMIYAT KI IN
BAJÚW AN TSALAP XI KI IN PUTUW AN DIF TI PULIK BICHOW, IN EJTOWAL KI IN PIDHA’ KI IN
T’AJA’ AXÉ’ XI TSALAP JÚN JITA’;
IX. KI IN PIDHA’, KI IN JALK’UY ANI KI IN TIXK’ANCHIJ AN T’AJNEL XI ULUDH TI PEJACH ÓK’OX,
JU’TA’ AN T’AJNEL KWENTALÓM KAL AN DIF TI PULIK BICHOW, KWA’AL KI IN OLCHI’ AN
JUNTA DIRECTIVA ABAL KI IN BINA’ AN KÁW KAL AN PIDHOPLÁB, AN JALK’UXTALÁB ANI AN
TIXK’ANTALÁB, MÁX YEJENTAL;
X. KI IN BINA’, KI IN K’ITSOY ANI KI IN DHUCHA’ I DHUCHLÁB ABAL I KONODHTALÁB MATÍDH
ANI KI IN T’AJA’ I MATIDHTALÁB, ETS’EY ANI EXPIDH TAM AXÉ’ XI DHUCHLÁB ANI I T’AJNEL
PEL IN AYLÁB AN T’OJLÁB XI IN T’AJÁL AN DIF TI PULIK BICHOW;
XI. KI IN T’AJA I JUNKUDHTALÁB, K’ITS’ODH ÚW T’OJLÁB, KAWCHIK ANI I ÚW ABAL I JUNKUDH
T’OJLÁB JAWA’ KI IN YEJENCHI’ AN DIF TI PULIK BICHOW, KWA’AL KI IN OLCHI’ AN JUNTA
DIRECTIVA AXÉ’ XI AYNADH KÁW;
XII. KI IN TS’EJKA’ AN DHUCHADH ÚW ABAL KI IN AYNA’ AN REGLAMENTO INTERIOR, AN
MANUALES DE ORGANIZACIÓN ANI AN PROCEDIMIENTOS TI DIF TI PULIK BICHOW, KWA’AL
KA ABNA’ ABAL KA BATSUUW’AT KAL AN JUNTA DIRECTIVA;
XIII. KI IN TS’EJKA AN PLAN ANUAL DE ASISTENCIA SOCIAL ANI KI IN BINA’ ABAL KA BATSU’UWAT
KAL AN JUNTA DIRECTIVA XI TI DIF TI PULIK BICHOW, ANTS’ANA’ EJTÍL, JANT’ODHA’ KWA’AL
KI IN AYNA’ AN T’AJNEL XI TANA’ KA KALE’;
XIV. KI IN K’WAJBA’ I JOLBINEL TAM YAB KA T’AJAN AN TSALAP JANT’ODHA’ TE’ ULUDH, JITA’ KA
JOLBIN AN ATÁJCHIK XI IN BINAL I ASISTENCIA SOCIAL PRIVADA, ANI AXÍ ABATNADH KAL AN
EYAL, KWA’AL KI IN OLNA’ KAL AN CONTROL INTERNO ABAL KA OLCHAT JANT’ODHA’ NE’ETS
KI PAKWAT AN JOLBINEL JANT’INI’ TI ULUDH TI LEY DE RESPONSABILIDADES DE LOS
SERVIDORES PUBLICOS TI PULIK BICHOW ANI TI BICHOWCHIK TI SAN LUIS POTOSI ANI XI
PILCHIK I TSALAP XI IN TOMNÁL;
XV. KI IN TOLMIY ABAL KA TS’EJKAN AN T’AJNEL ADMINISTRATIVO JANT’IDHA’ IN TOMNÁL;
XVI. KI IN OLNA’ AN TS’EJKANEL XI IN T’AJAMAL ANI AN T’OJLAB XI IN AYNAMAL AN ATIKLAB XI
T’ANA’ U T’OJNALCHIK, JANT’IDHA’ TI ULUDH TI REGLAMENTO INTERIOR;
XVII. KI IN BATSU’ÚW AN DHUCHLAB XI U TS’EJKAB TAM WA’ATS I JOLBINEL KAL AN
BELETNADHTALÁB ANI AN T’OJLÁB XI KI IN WALBA’ AN ATIKLAB PÉL I ÓK’CHIX ANI I T’OJNAL
TI DIF TI PULIK BICHOW, TAM IN T’AJAL IN T’OJLABÍL, KI K’WAJBA’ AN PAKUDH JOLBINÉ,
JANT’IDHA’ IN TOMNAL ANI ULUDH I ABATNADH KÁW;
XVIII. KI IN BATSU’ÚW ANI KI IN AYNA’ AN TÓJLÁB XI IN T’AJALCHIK AN AT’AJCHIK XI IN BINAL I
ASISTENCIA PRIVADA ANI IN KONIAMAL; XI ÓK’OX BATSU’UWAME’;
XIX. KI IN TS’EJKA’ ANI KI IN BINA’ ABAL AN JUNTA DIRECTIVA KI IN BATSU’ÚW AN T’OJLÁB XI
NE’ETS KI IN T’AJA’ AN CONSEJO ESTATAL;
XX. KI IN PUNUW JIT’A NE’ETS TI KALCHIX, ÓK’CHIX EYAL TI JUNKUNEL O T’AJNEL JUTA’ AN DIF
TI PULIK BICHOW U AJYAB, JANT’IDHA’ TI ULUDH TI ABATNADHA’ KÁW ANI TI T’AJNEL XI U
T’AJAB; ANI
XXI. XI PILCHIK I TSALAP XI ULUDH BA’ AXÉ’ XI ABATNADH KÁW ANI TI REGLAMENTO INTERIOR.
ARTICULO 31. IN K’AL AN DIF TI PULIK BICHOW NE’ETS KA K’WAJAY KIDHBADH KAL:
I. IN YANEL I TUMÍN XI KI IN BINA’ AN TS’ALE’ TI PULIK BICHOW;
II. IN UCHBIL ANI AN ATÁJ T’OJLAB ANI I EYENDHANEL ABAL TANA’ IN KWA’AL;
III. TAL YANEL AN TOLMIXTALAB, EYENDHANEL ANI XI PILCHIK I TOLMIXTALÁN XI AN ATÁJCHIK
ANI AN ATIKLAB XI TI LÁBTOM, PULIK BICHOW ANI AN BICHOW; JAWA’ KA BINAN KAL I
ATIKLAB XI PÉL I T’OJNAL O I ÓK’CHIX;
IV. TAL YANEL AN TOLMIXTALÁB, PIDHOPLÁB ANI PILCHIK I WALKADH T’AJNEL XI KA BINAN KAL
I ATIKLAN XI PÉL I T’OJNAL O I ÓK’XHIX:
V. AN ATADHLÁB, AN K’ALÁB, AN UCHBÍDHLÁB ANI PILCHIK I ATADHLÁB XI KA PIDHAN KAL AN
NUJNEL, AN K’ALÁB ANI AN T’OJLAB;
VI. AN PIDHOPLÁB ANI AN WALKADHTALÁB XI KA PIDHAN JANT’ODHA’ TI ULUDH BA AXÉ’ XI
ABATNADH KÁW, ANI
VII. XI PILCHIK I K’ALÁB, UCHBIL ANI ATADHLÁB XI KA WALKANCHAT KI IN T’AJA’ KAL IN
TALYANEL AN BÍJIDH ÚW.
ARTICULO 32. AN TS’ALE’ TI PULIK BICHOW ANI AN DIF TI PULIK BICHOW, JANT’IDHA’ IN TOMNAL,
NE’ETS KI IN BUK’ÚW ABAL AN ATÁJCHIK ANI AN PULIK BICHOW ANI AN BICHOWLÁBCHIK, KI IN
TOLMIY KAL I TUMÍN AN ABATNADH T’OJLÁB ANI KA T’AJAN AN ASISTENCIA SOCIAL.
ARTITULO 33. AN BINADH ÚW ABAL AN KONOWIXTALÁB ABAL KA PIDHAN AN TOLMIXTALÁB AN
ATÁJCHIK XI IN BINAL I ASISTENCIA SOCIAL PRIVADA KWA’AL KI IN BINA’ TI DIF PULIK BICHOW, ANI
KI IN PUTÚW AN TSALAP JAT’ODHA’ TI ULUDH TI LEY DE PRESUPUESTO Y RESPONSABILIDAD
HACENDARIA TI PULIK BICHOW ANI BICHOWCHIK TI SAN LUIS POTOSI, ANI PILCHIK I ABATNADH
T’AJNÉL, ABAL KA K’WAJBA’ TI PRESUPUESTO DE EGRESOS.
AN DIF TI PULIK BICHOW EJTÍL AN ÓK’CHIX KAL AN ASISTENCIA SOCIAL, IN EJTOWAL KI IN OLCHIK
AN SECRETARIA DE FINANZAS, JANT’ODHA’ IN UCHBÍL IN TOMNAL, ABAL KI IN PA’BANCHIJ, KI IN
T’IXKANCHIJ O KI IN T’APANCHIJ AN TOLMIXTAL´TUMÍN O AN PIDHOPLÁB AN ATÁJCHIK PRIVADAS
XI IN BINAL I ASISTENCIA SOCIAL JITA’ YAB KI IN EYENDHA’ AXÉ’ JUTA’ TI IN TOMNAL.
ARTICULO 34. TI INKIDHTÁL AN PRESUPUESTO DE EGRESOS TI PULIK BICHOW, JAWA’ KI IN ABNA’
AN ÓK’CHIX TI EJECUTIVO TI PULIK BICHOW AL AN PODER LEGISLATIVO, TI JUNCHIK AN EJERCICIO
FISCAL, TI IN PEJACH AN ATÁJCHIK XI IN BINAL I ASISTENCIA SOCIAL KAL IN TOLMIXTÁL AN EYALCHIK,
AN SISTEMA ABAL AN DESARROLLO INTEGRAL DE LA FAMILIA TI PULIK BICHOW IN EJTOWAL KI IN
OLCHI’ AN SECRETARIA DE FINANZAS DE GOBIERNO TI PULIK BICHOW, JANT’ODHA’ IN T’AJAL IN
T’OJLABÍL AN ATÁJCHIK KAL I ASISTENCIA PRIVADA XI KA PIDHAN I TOLMIXTALÁB, MÁX K’A’AL IN
BATSU’AL; IN EJTOWAL KI IN OLCHI’ AN PODER LEGISLATIVO ABAL KI IN EXOBNA’ ANI ABAL KI IN
TSALPAY.
ARTICULO 35. AN JUNKUDH T’OJLÁB KAL AN DIF TI PULIK BICHOW ANI AN T’OJNÁLCHIK NE’ETS KA
JILK’ON AJÍDH KAL AN LEGISLACION LABORAL XI IN TOMNAL.
AN T’OJNALCHIK TI DIF TI PULIK BICHOW NE’ETS KI IN BATSU’ÚW TOLMIXTALÁB ANI AN
BELETNAXTALÁB XI IN BINAL AN SEGURIDAD SOCIAL XI IN ULAL AN ABATNADH KÁW XI IN TOMNAL.
TSAPCHÍL BIJLÁB
AN PROCURADURIAS
K’A’AL PEJACH
AN PROCURADURIA DE PROTECCION DE NIÑAS, NIÑOS Y ADOLESCENTES
ARTICULO 36. AN PROCURADURIA DE PROTECCIÓN PÉL JUN I T’AJNEL XI EXLADH TI DIF TI PULIK
BICHOW KAL IN KWETEMTÁL TÓJLÁB, JITA’ IN KWENTANÁL ABAL KI IN BINA’ AN BELETNADHATALÁB
ANI AN WICHBADHTALÁB IN UCHBÍL AN TSIK’ACHIK, KWITOLCHIK ANI AN ELEL POK’ELCHIK TI
BICHOWCHIK TI PULIK BICHOW ANI AN PROCURADURIAS ESTATALES, PÉL JUN I ATÁJ T’OJLÁB ANI
IN ÁIY XI PUNÚDH TI REGLAMENTO INTERIOR TI SISTEMA ESTATAL DIF, JITA’ IN KWA’AL IN UCHBIL
ABAL KI IN OLCHI’ AN ATÁJCHIK ANI ATIKLABCHIK XI AN EYALCHIK KI IN T’AJA’ ANI YEJENTÁL ABAL
KA WICHBANACHAT IN UCHBÍL.
IN ÁY AN PROCURADURIA DE PROTECCIÓN DE NIÑAS, NIÑOS Y ADOLESCENTES XI K’WAJAT ULUDH
TI LEY DE NIÑAS, NIÑOS Y ADOLESCENTES ABAL AN PULIK BICHOW TI SAN LUIS POTOSI, ANI PILCHIK
I T’AJNÉL XI YEJENTÁL.
TSABCHÍL PEJACH
AN PROCURADURIA DE LA DEFENSA DE LAS PERSONAS EDULTAS MAYORES
ARTICULO 37. AN PROCURADURIA DE LA DEFENSA DE LAS PERSONAS ADULTAS MAYORES, PÉL JUN
I ATÁJ T’OJLÁB XI EXBADH TI DIF TI PULIK BICHOW AL IN KWETEM T’AJNÉL; IN UCHBÍL PEL KI IN
TOLMIY KAL AN TSALAP, EXOBCHIXTALÁB ANI GESTION JURIDICA ABAL AN ATIKLAB XI IN KWA’ALÍTS
YAN I MAÚB.
PÉL IN ÁY AN PROCURADURIA DE LA DEFENSA XI PUNUDH TI LEY DE LAS PERSONAS ADULTAS
MAYORES ABAL AN PULIK BICHOW SAN LUIS POTOSI, ANI PILCHIK I TSALAP XI KA EYAN.
ARTICULO 38. AN ATIKLAB XI IN ÓK’XIY’AL AN ATÁJ ILALÍX XI ABATNADH KAL AN EYAL O PRIVADOS,
ANI AN ILALIX PARTICULARES, AN EXOBCHIX O PÍL I ATIKLAN, JITA’ KI IN EXLA’ ABAL U ODHNAB AN
TSIK’ACH, KWITOL ANI ELEL POK’EL, O AN ATIKLAB XI IN KWA’ALÍTS YAN I TAMÚB MÁX YEJENTÁL,
IN KWA’AL I UCHBÍL KI IN OLAN’ KAL AN EYAL XI IN T’AJA’ TI KWENTAJ.
OXCHÍL BIJLÁB
AN COORDINACION DE LOS SERVICIOS DE ASISTENCIA SOCIAL EN LAS ENTIDADES Y
DEPENDENCIAS PÚBLICAS
JUNK’ATS I PEJACH
ARTICULO 39. AN ATÁJCHIK ANI AN ATIKLAB XI ABATNADH KAL I EYAL LÁBTOM, PULIK BICHOW ANI
BICHOWCHIK XI IN TOMNAL, NE’ETS KI IN JETOW KI IN BINA’ AN ASISTENCIA SOCIAL JANT’IDHA’ TI
ULUDH BA’ AXÉ’ XI ABATNADH KÁW ANI PILCHIK I ABATNADH T’AJNEL XI KA T’AJAN.
ARTICULO 40. TAM KA BINAN I SERVICIOS DE ASISTENCIA SOCIAL YEJENTAL KA T’AJAN KAL I
ATÁJCHIK O I ATIKLAB XI ABATNADH KAL AN EYAL TI LÁBTOM, PULIK BICHOW ANI I BICHOWCHIK,
AN DIF TI PULIK BICHOW IN EJTOWAL KA T’OJON JUNAT KAL AXÉ’CHIK XI BIJIDH ATÁJCHIK.
ARTICULO 41. AN ATIKLAB XI IN ÓK’CHIYÁL AN PODER EJECUTIVO TI PULIK BICHOW, BÁ AN DIF TI
PULIK BICHOW ANI, MÁX YEJENTAL, IN TOLMIXTÁL TI PILCHIK I ATÁJCHIK ANI ATIKLAB, IN EJTOWAL
KI IN K’ITSOY I JUNKUDH ÚW ABAL KA TOLMIXINCHIK JUNAT KAL AN EYAL LABTÓM, AN TS’ALÉ TI
PULIK BICHOW, ANI AN BICHOWCHIK, XI KA T’AJAN JANT’ODHA’ IN TOMBAL, ANI KWA’AL KI IN
KO’OY:
I. AN DHUCHLÁB ANI AN T’AJNEL ABAL KI IN PUTUW IN UCHBÍL;
II. JUNKUDH TOLMIXTALÁB: JANT’ODHA’ NE’ETS KA T’AJAN, ANTS’ANA’ EJTÍL JANT’ODHA’
NE’ETS KA ABATNA’, KA BELETNA’ ANI KA T’AJAN TI KWENTAJ;
III. JITA’ O JITA’CHIK NE’ETS KI IN T’AJA’ AN T’OJLAB XI KA ULWAT TI JUNKUDH TSALAP;
IV. AN K’IJ, AN TSALAP ANI JANT’IDHA’ TI NE’ETS KA T’APAN O KA AYNA’, MÁX YEJENTAL;
V. JAT’ODHA’ NE’ETS KA T’AJAN ABAL KA TIXK’A’ AN PEXTALÁB O IT’IXTALÁB, ANI
VI. PILCHIK I TSALAP XI AN JUNKUDH T’OJNALCHIK KI IN TSALPAY ABAL YEJENTAL ABAL KA
PUTÚN. AXÉ’ XI JUNKUDH DHUCHLÁB T’OJLÁB KWA’AL KA DHUCHAN TI PERIODICO OFICIAL
TI PULIK BICHOW BIJIDH TI “PLAN DE SAN LUIS”, TI JÚN CHUDHEL TAM TI DHUCHADH.
ARTICULO 42. AN JUKUDH DHUCHLÁB T’OJLÁB AXI ULUDH TI EBAL AN ARTÍCULO, KWA’AL KI IN
JUNKUW AN TSALAP XI DHUCHADH TI PLANES NACIONAL ANI ESTATAL DE DESARROLLO, ANTS’ANA’
JAYE’ EJTÍL TI ABATNADH KÁW ABAL AN ASISTENCIA SOCIAL TI LAPTÓM ANI TI PULIK BICHOW.
ARTICULO 43. AN EYAL TI BICHOWCHIK O AN DIF TI BICHOWCHIK IN EJTOWAL KI IN KWET
DHUCHACHIK, I JUNKUDH T’OJLÁB JUTÁ KA AYNA’ ANI KI IN BINA’ AN ASISTENCIA SOCIAL.
ARTICULO 44. AN EYAL TI BICHOW O AN DIF TI BICHOWCHIK XI AJIDH TI PULIK BICHOW IN EJTOWAL
KI IN JUNKÚW AN T’OJBAL ABAL AN ASISTENCIA SOCIAL, KAL PILCHIK I DIF TI PULIK BICHOW, EYAL
TI BICHOWCHIK O DIF TI BICHOWCHIK XI TI PILCHIK I PULIK BICHOWCHIK TI LAPTÓM, YEJENTAL KA
BATSU’UWAT KAL AN CONGRESO TI PULIK BICHOW.
ARTICULO 45. AN TS’ALE’ TI PULIK BICHOW ANI TI BICHOWCHIK, MA JUTA’ IN BAJWAL IN ÁY,
KWA’AL KI IN BUK’UW AN TSALAP ABAL KA BINAN AN TOLMIXTALÁB KAL AN KWAJILOM ABAL AN
TSALPAXTALÁB, T’AJADHTALÁB ANI AN LEJBAXTALÁB KAL AN POLITICAS TI PULIK BICHOW ABAL AN
ASISTENCIA SOCIAL. ABAL KA T’AJAN, NE’ETS KI IN TAMKUY AN T’AJNEL KAL AN ATÁJCHIK XI IN BINAL
I ASISTENCIA XI ABATNADH KAL AN EYAL, PRIVADA ANI/O AN ATÁJCHIK XI TI SOCIEDAD CIVIL KAL
AN ATÁJ EXOBINTALÁB, ANI KAL I ATIKLAB ANI I ÓK’CHIX ATIKLAB XI KI IN LE’NAL KI IN BINA’ I
ASISTENCIA SOCIAL.
TSE’CHÍL BIJLÁB
AN SISTEMA MUNICIPAL ABAL AN DESARROLLO INTEGRAL DE LA FAMILIA
K’A’AL PEJACH
IN UCHBÍL ANI IN BAJUDHTÁL AN EYAL TI BICHOWCHIK ABAL KI IN BINA’ I ASISTENCIA SOCIAL
MUNICIPAL
ARTICULO 46. AN EYAL TI BICHOWCHIK KWA’AL KI IN T’AJA’ TI KWENTAJ YAB KAL I POJKADHTALÁB
ANI XI IN EJTOWÁL KI IN T’AJA’ KAL TALYANEL AN TUMIN XI IN KWA’AL, AN YEJENCHIXTALÁB ABAL
AN ASISTENCIA SOCIAL XI IN YEJENCHAL AN ATIKLAB XI IN BATSU’UWÁL I ASISTENCIA SOCIAL TI IN
BICHOWÍL ABAL ANTS’ANA’ KI IN EJTOW KA PIDHAN ANI KI IN AYNA’ IN UCHBÍL TI ATIKLAB ANI JA
JUNKUNCHAT I XE’ETSINTÁL KAL XI K’EAT I KWAJILOM.
ARTICULO 47. PÉL IN UCHBÍL AN EYAL TI BICHOW KI IN T’AJA’ AN ASISTENCIA SOCIAL:
I. KI BELETNA’ ABAL ETS’EY KA T’AJAN TI KWENTAJ AN ATIKLAB XI BATSU’UWÁL I ASISTENCIA
SOCIAL BA’ AN TOLMIXTALÁB XI IN BINÁL AN PROGRAMAS TI DIF TI PULIK BICHOW, XI
DHUCHADH BA’ AN NORMAS TI LABTÓM ANI AN PULIK BICHOW;
II. KI IN BUK’´WU, BA AN DHUCHADH T’OJLÁB XI IN T’AJAL AN AT’AJCHIK, AN ALWA’TALÁB
ABAL AL XE’ETSINTALÁB AN ATIKLABCHIK XI IN BATSU’UWAL AN ASISTENCIA SOCIAL;
III. KI IN TS’EJKA’ I ATÁJCHIK ABAL I ASISTENCIA SOCIAL XI ABATNADH KAL AN EYAL ANI
PRIVADOS, ANTS’ANA’ EJTÍL I CENTROS DE ASISTENCIA SOCIAL ABAL KA TOLMIYAT AN
ATIKLAB XI IN YEJENCHÁL I ASISTENCIA SOCIAL;
IV. KI IN TSÁPNA’ TI IN BICHOWÍL, AN ALWA’ YEJEL ABAL AN TSIK’ACHIK ANI AN KWITOLCHIK,
BA’ AN T’AJNEL XI IN OLNÁL AN PROGRAMAS DE SALUD ANI AN K’APÚTS KAL I ALWA’
TSAPIK;
V. KI IN T’AJA’ TI KWENTAJ ANI KI IN BUK’ÚW AN WIK’ADHTALÁB IN TOMNAL ABAL IN UCHBÍL
TI ATIKLAB AN TSIK’ACHIK, AN KWITOLCHIK ANI AN ELEL POK’ELCHIK;
VI. KI IN AYNA’ I JUNKUDH T’OJLÁB KAL PILCHIK I EYAL TI PULIK BICHOW, KAL I ATÁJCHIK XI IN
BINALHICK I ASISTENCIA SOCIAL XI ABATNADH KAL AN EYAL ANI PRIVADA, KAL PILCHIK I
CENTROS DE ASISTENCIA SOCIAL ANI I CLUBES DE SERVICIO, KAL IN ÁY ABAL KI IN TSAPLÍY,
KI ABATNA’ ANI KI IN LEJBAY AN T’OJLAB XI IN T’AJALCHIK I INTERINSTITUCIONSL ABAL KI
IN TOLMIY AN ATIKLABCHIK XI IN BATSU’UWÁL I ASISTENCIA;
VII. KI IN BUK’UW AN EXOBINTALÁB ABAL AN BATSU’UWAT AN ATIKLAB KAL AN
KWAJILOMCHIK;
VIII. KI IN TSAPLIY TI IN BICHOWÍL, TALYANEL AN PEJACH T’OJLÁB TI BICHOWCHIK XI IN
TWENTANAL AN ASISTENCIA SOCIAL;
IX. KI IN T’AJA’ TI KWENTAJ JANEY YEJENTAL ABAL KA T’AJAN AN ASISTENCIA, ANTS’ANA’ EJTÍL
KI IN KONOY AN TOLMIXTALÁB;
X. KI IN K’WAJBA’, KAL AN TUMÍN XI IN KWA’AL, AN ATÁJCHIK ABAL I ASISTENCIA SOCIAL XI
ABATNADH KAL AN EYAL ANI I CENTROS DE ASISTENCIA SOCIAL TEMPORAL ABAL AN
ATIKLABCHIK XI IN YEJENCHÁL I ASISTENCIA SOCIAL TI IN BICHOWÍL;
XI. KI IN TS’EJKA’ ANI KI IN T’AJA’ I DHUCHADH T’OJLÁB ABAL KI IN TOLMIY ANI KI IN T’AJA’ TI
KWENTAJ XI YEJENCHIXTALÁB KAL AN ASISTENCIA SOCIAL;
XII. KI IN TSAPNA’ AN TOLMIXTALÁB KAL AN ATÁJCHIK XI ABATNADH KAL AN EYAL, PRIVADAS
ANI AN PARTICULARES TI IN BICHOWÍL, ABAL KA AYNA’ AN T’OJLAB KAL AN ASISTENCIA XI
IN TOLMIYAL AN ATIKLAB XI IN BATSU’UWÁL AN ASISTENCIA SOCIAL;
XIII. KI IN TSAPLIY AN TOLMIXTALÁB KAL I ATÁJCHIK XI IN BINAL I ASISTENCIA SOCIAL PRIVADA
ANI KAL I JOLATALÁB TI IN PEJACH T’OJLÁB XI ABATNADH KAL AN EYAL TI IN BICHOWÍL, AN
COMISIÓN MUNICIPAL ABAL AN BIENESTAR DE LA INFANCIA Y LA FAMILIA, ANI AN
XIV. TAL YANEL AN TSALAP XI IN OLNAL AXÉ’ XI ABATNADH KÁW ANI PILCHIK I T’AJNEL XI IN
ABATNAL.
TSAPCHÍL PEJACH
AN CONFORMACION Y FACULTADES DEL SISTEMA MUNICIPAL PARA EL DESARROLLO INTEGRAL
DE LA FAMILIA.
ARTICULO 48. ABAL KI IN LUBA’ IN UCHBIL KAL AN ASISTENCIA SOCIAL, AN BICHOWCHIK XI AJIDH TI
PULIK BICHOW KWA’AL KI IN KO’OY JÚN I SITEMA MUNICIPAL ABAL AN DESARROLLO INTEGRAL DE
LA FAMILIA, ANI U EJTOWAB KA TS’EKAN ANI KA T’OJON EJTÍL:
I. JÚN I PEJACH T’OJLÁB XI IN KWA’AL IN KWET ÓK’CHIXTALÁB BA’ AN EYAL, IN KWETEM K’AL,
KAL I TEKEDH T’OJLABÍL ANI WALKADH XI YAB AJIDH TI IN PEJACH ADMINISTRATIVA KAL AN
EYAL TI BICHOW.
AN DIF TI BOCHOWCHIK NE’ETS KI KO’OY JÚN I JUNKUDH ABATNOM T’OJNAL XI BIJIDH TI
CONTRALOR INTERNO; JITSA’ NE’ETS KI IN KO’OY IN UCHBIY ANI IN ÁYY EJTIL AN ÓK’CHIX TI
CONTRALORIA TI BICHOW; ANTS’ANA’ EJTIL AXÍ ULUDH BA’ AN ABATNADH KÁW TI FISCALIZACIÓN
ANI RENDICIÓN DE CUENTAS TI PULIK BICHOW TAMPOTS’OTS’, ABAL AN PEJACH ANI ABATNADH
KAL AN CONTROL INTERNO; AXÉ’ NE’ETS KA K’WAJBA’ AN ‘OK’CHIX TI JUNTA DE GOBIERNO TI DIF
TI BICHOW; AN ATIKLAB XI KA BIJYAT KWA’AL KI IN KO’OY I ÚW EXOBINTALÁB XI BIJIDH TI TITULO
PROFESIONAL DE CONTADOR PUBLICO O PÍL I EXOBINTALÁB XI JUNINI’ IN EXLOWAL, ANI YAB KI IN
KO’OY I JOLBINEL MANI MAPIAME’. AN JUNTA DE GOBIERNO TI DIF TI BICHOW TI IN K’A’AL
JUNKUDHTALÁB ABAL AN T’OJLÁB, T’ANA’ JÁTS JU’TA’ NE’ETS KA BIJYAT AN ATIKLAK XI NE’ETS KI IN
ÓK’CHIY AN CONTRALORIA INTERNO; JITA’ KI IN ÓK’CHIX AN JUNKUDHTALÁB NE’ETS KI IN
TEJWAME’DHA’ TSÁP I ATIKLAB ABAL KA TAKWIAT KAL AN ATIKLABCHIK ANI, MÁX YAB KA WA’TSIN
AN JUNKUDH TSALAP, TI AXÉ’ XI TAMKUNTALÁB IN EJTOWAL KI IN BINA’ AN ÚW JUTA’ KA ULWAT
JIT’A’ JÁTS ATIKLAB XI TAKWIAT;
II. JÚN I PEJACH ABATNADHTALÁB XI NE’ETS KA K’WAJIY AJIDH KAL AN ABATNADHTALÁB TI
BICHOW JU’TA’ AN EYAL NE’ETS KI IN PIDHA’ IN ÁY ABAL KI IN T’AJA’ AN ASISTENCIA SOCIAL,
O
III. JÚN I ATÁJ ABATNÓM XI NE’ETS KI IN KO’OY IN KWET ABATNEL, IN KWET T’OJLABIL ANI IN
BELETNADHTALÁB, JAWA’ NE’ETS KA JILK’ON EJTÍL IN PEJÁCH AN ABATNADHTALÁB TI EYAL
BICHOW, ANI NE’ETS KA ÓK’CHIYAT KAL JÚN I DIRECCION O I DEPARTAMENTO TI EYAL
BICHOW.
ARTICULO 49. AN EYALCHIK KWA’ALCHIK KI IN TS’EJKA’ AN DIF TI BICHOW ANI KAL TOLMITAY ANI
BATSU’UDH KAL AN CABILDO; ANI TAM KA KIDHBAN AXÉ’ XI PEJACH T’OJLÁB XI YAB AJIDH, AX’E
KWA’AL KA AYNA’ KAL AN ATIKLAB XI IN OK’CHIYÁL AN BICHOW ANI KA DHUCHAN TI PERIODICO
OFICIAL DEL GOBIERNO DEL ESTADO “PLAN DE SAN LUIS”, JANT’ODHA’ TI ULUDH TI ABATNADH
KÁW. AN DIF TI BICHOW KWA’AL KI KO’OY JÚN I REGLAMENTO INTERNO JU’TA’ KA ULWAT
JANT’ODHA’ TI NE’ETS KA T’OJON, YAB IN TOMNAL JANT’IDHA’ KA AJYAT AN ABATNADHTALÁB.
ARTICULO 50. AN DIF TI BICHOWCHIK NE’ETS KI IN AYNA’ AXÉ’ XI T’AJNEL:
I. KI AYNA’ AN DHUCHADH T’OJLÁB ABAL AN ASISTENCIA SOCIAL TI BICHOW; TAM KI IN
YEJENCHIJ AN DIF TI PULIK BICHOW
II. KI IN TSAPLIY AN ALWA’ YEJELTALÁB TI IN INIKTÁL ANI TI IN TSALAPÍL AN TSIK’ACH, KWITÓL
ANO ELEL POK’EL; KWA’AL KI KO’OY I ATIKLAB XI IN EXLAL AN ALWA’ K’APÚTS, ABAL KI IN
AYNA’ ANI KI IN BELETNA’ KA T’AJAN PROGRAMAS DE ASISTENCIA ALIMENTARIA XI KA
DHUCHAN, KI IN BINA’ AN ALWA’ K’APNÉL JANT’ODHA’ TI ULUDH XI PULIK BICHOW ANI TI
LABTÓM, KI IN TSU’ÚW MÁX PEL I CHUBAX ALWA’ K’APNÉL ANI YAB U ODHNAX;
III. KI IN TOLMIY AN ATIKLAB XI IN BATSU’UWÁL I SISTENCIA SOCIAL ABAL KA WICHBÁJ JUNÍL
TI KWAJILOM KAL I BELETNADHTALÁB ABAL YAB KA TIXK’ANCHAT IN UCHBÍL TI ATIKLAB ANI
KA JUNKUNCHAT IN XE’ETSINTÁL KAL XI K’EAT I KWAJILOM;
IV. KI IN BINA’ AN TOLMIXTALÁB KAL AN ASESORIA JURIDICA, PSICOLOGICA ANI SOCIAL TI JUN
KALAT, JAWA’ NEÉTS KA AJYAT, KA WENK’OWAT ANI KA DHUCHAN ABAL KA EXLA’ KAL TAL
YANEL AN ATIKLAB XI IN BATSU’UWÁL I ASISTENCIA SOCIAL KAL AN TSALAP ABAL KA
TSAPLINCHAT IN UCHBÍL TI ATIKLAB ANI KA JUNKUNCHAT I XE’ETSINTÁL KAL IN K’EAT
KWAJILOM;
V. KI IN ALÍY ANI, MÁX YEJENTAL, KI IN ULUDH JU’T’A WA’ATS I ODHNADHTALÁB KAL AN
TSIK’ACHIK, AN KWITOLCHIK ANI AN ELEL POK’ELCHIK, AN MIMLÁB, AN ATIKLABCHIK KAL I
DISCAPACIDAD ANI ATIKLAB XI IN KWA’ALÍTS I TAMÚB, KI IN OLNA’ ABAL KA TSO’OBNA’ KAL
AN MINISTERIO PUBLICO.
VI. KI IN TOLMIY ABAL KA ALWA’ K’APÚTS AN JA’UBLÁB:
VII. KI IN KONOY ABAL KA BATUS’UWAT AN TSIK’ACHIK, AN KWITOLCHIK ANI AN ELEL
POK’ELCHIK XI YAB IN KWA’AL KAL JITA’ KA BELETNA’, TI ATÁJCHIK JUTA’ U BINAB I
ASISTENCIA SOCIAL XI ABATNADH KAL AN EYAL O PRIVADAS XI IN BINAL I TOLMIXTALÁB KAL
AL BELETNADHTALÁB;
VIII. KI IN TSAPLÍY AN ALWA’ XE’ETSINTALÁB TI KWENCHALÁB, KA ALWA’ EYAN AN JOLATALÁB
KAL AN JA’UBLÁB ANI KI IN TSAPLIY AN K’ANIDHALTALÁB, AN TOLMIXTALÁB ANI AN
UCHBIDHLÁB KAL AN JA’UBLÁB;
IX. KI IN TOLMIY, ABAL KA T’AJAN AL ALWA’ KO’OBIDHTALÁB, AN ÓK’CHIX XI TI ALBERGUES
ABAL KI IN BATSU’ÚWCHIK AN TSIK’ACHIK, AN KWITOLCHIK ANI AN ELEL POK’ELCHIK XI
JILAME’;
X. KI IN BUK’UW AN TOLMIXTALÁB ABAL AN SECTOR PUBLICO ANI AN ATÁJCHIK JU’TA’ U
BINAP AN ASISTENCIA PRIVADA TI IN BICHOWÍL, BA’ AN T’AJNEL ASISTENCIALES JU’TA’ KA
TOLMIYAT AN KWAJILOM XI IN YEJENCHAL I ASISTENCIA SOCIAL;
XI. KI IN T’AJA’ I T’AJNEL JU’TA’ KI IN K’ANIY ANI YAB KI IN WALKA’ KA T’AJAN AN
ODHNADHTALÁB KAL AN JA’UBLÁB;
XII. KI IN ABATNA’ AN T’AJNEL KAL AN ASISTENCIA SOCIAL ABAL KI IN T’AJA’CHIK PILCHIK I
ATÁJCHIK TI IN BICHOWÍL;
XIII. KI IN ABATNA’ AN ATÁJCHIK XI IN BINAL I ASISTENCIA ANI I ALBERGUE ABAL AN ATIKLAB XI
IN BATSU’UWÁL I ASISTENCIA SOCIAL;
XIV. KI IN PIDHA’ AN DIF TI PULIK BICHOW AN KÁW XI IN K’A’AL AN ATIKLAB KAL I DISCAPACIDAD
XI IN BELETNÁL, ABAL KI IN PUWEDHA’ AN CENSO NOMINAL DE PERSONAS CON
DISCAPACIDAD ABAL KA TOLMIYAT KI IN EXOBCHI’ ANI KI IN LEJBAY AN ALWA’TALÁB KAL
AN POLITICAS ASISTENCIALES ABAL ATIKLAB KAL I DISCAPACIDAD;
XV. PILCHIK I T’AJNEL XI KI IN ULÚW AN EYAL TI BICHOW, TI REGLAMENTO INTERIOR, ANI I
PILCHIK I I ABATNADH KÁW XI KA EYAN.
ARTICULO 51. KI IN TS’EJKA’ I T’AJNÉL ABAL KI IN KO’OY I KÁW XI AJIDH ANI IN ÉY JAWA’ KA EYAN
ABAL KA TS’EJKA’ AN CENSO ESTATAL DE PERSONAS CON DISCAPACIDAD.
ARTICULO 52. ABAL AN PROGRAMAS DE ASISTENCIA SOCIAL KA T’AJAN ANI KA TS’EJKA’ TI DIF TI
BICHOW, KWA’AL KA T’AJAN JANT’IDHA’ IN YEJENCHAL AN KWAJILOM ANI KEUAL KI IN ÁYNA’ AN
DHUCHADH K’AW XI IN BINÁL AN EYAL TI LABTÓM ANI TI PULIK BICHOW.
ARTICULO 53. ABAL KA PUTUNDHA’ AN T’OJLÁB ABAL AN T’AJNEL KAL AN ASISTENCIA SOCIAL TI DIF
TI BICHOW NEÉTS KI IN KO’OY AN TOLMIXTALÁB XI TE’ NE’ETS KA OLNA’:
I. XI BINADH KAL AN ÓK’CHIX TI BICHOW;
II. XI KA ABNA’ KAL AN PULIK BICHOW ANI TI LABTÓM ABAL KA T’AJAN AN PROGRAMAS
ASISTENCIALES;
III. XI BINADH KAL PILCHIK I PULIK BICHOW, ANI AN ATÁJCHIK XI IN T’AJAL I ASISTENCIA
PRIVADA TI LABTÓM ANI TI PÍLCHIK I BICHOWCHIK TI IN PUWEL AN TSABÁL;
IV. TAL YANEL AN TOLMIXTALÁB XI ATÁME’ KAL IN KWET TÓJLABÍL, ANI
V. TAL YANEL, XI IN K’ALNAL, IN UCHBÍL ANI XI KI IN ATA’ KAL JAWAKÍTS I BIJIDH EYAL KÁW.
ARTICULO 54. AN ATIKLAB XI IN ÓK’CHIYÁL AN EYAL TI BICHOW O AN ÓK’CHIX TI DIF TI BICHOW
NE’ETS KA BIJYAT KAL AN EYAL TI BICHOW, JANT’ODHA’ TI ULUDH TI LEY ORGANICA DEL MUNICIPIO
LIBRE TI PULIK BICHOW SAN LUIS POTOSI.
ARTICULO 55. ABAL KA T’AJAN ALWA’ AN T’OJLÁB, AN ÓKCHIX TI DIF TI BICHOW IN EJTOWAL KI IN
T’AJA AXÉ’CHIK XI T’AJNEL:
I. KI IN UCHA’ JANT’ODHA’ KA T’AJAN AN ASISTENCIA SOCIAL JANT’IDHA’ TI ULUDH BA’ AN
ABATNADH KÁW TI LABTÓM, TI PULIK BICHOW ANI TI BICHOWCHIK KI IN OLNA’;
II. KI IN ULUDH ANI KI IN TS’EJA AN PRESUPUESTO ANUAL JANT’IDHA’ TI DHUCHADH TI
ABATNADH KÁW ANI TI REGLAMENTOS XI U EYENDHAB:
III. KI IN OLNA’ KAL AN EYAL BICHOW AN PROGRAMA ANUAL DE TRABAJO ABAL KA
BATS’UWAT;
IV. KA K’ALE’ KAL AN TAMKUDHTALÁB ABAL AN T’OJLAB XI IN KANIAL AN DIF TI PULIK BICHOW;
V. KI IN OLNA’, ABAL KA T’AJAN I ALWA’ T’OJLAB ABAL KI IN ALWA’ JUNKU’UW, JANT’IDHA’ IN
TOMAL; ABAL JAWA’ JÁTS XI BAJWAME’ KAL AN PROGRAMAS INSTITUCIONALES TI DIF TI
PULIK BICHOW;
VI. KI IN BUK’UW AN TSALAP ABAL AN TOLMIXTALÁB TI DIF TI BICHOW KAL XI IN ÓK’CHIXYÁL
AN AT’AJCHIK XI ABATNADH KA AN EYAL, LAPTÓM ANI TI PULIK BICHOW TI IN BICHOWÍL;
ANI JAYE’ KAL AN AT’AJCHIK PRIVADAS XI IN T’AJAL I ASISTENCIA ANI IN TOLMIYÁN AN
ATIKLABCHIK XI IN KWA’AL I IT’IXTALÁB;
VII. KI IN KONOY I TOLMIXTALÁB BA’ AN ATÁJCHIK XI ABATNADH KAL AN EYAL ANI PRIVADAS;
VIII. KI IN K’WAJBA’ JUNKUDH KAL AN DIF TI PULIK BICHOW, AN DHUCHADH T’OJLÁB TI IN
BICHOWÍL;
IX. KI IN BIJIY JITA’ NE’ETS KI IN KALCHINCHIJ, KI IN ÓK’XÍY BA’ AN ABATNADH EYAL O I EYAL TI
JUICIOS ANI TI PIL I T’AJNEL JUTA’ KA KANIAY TI TOLMIX, JANT’IDHA’ TI ULUDH TI ABATNADH
KÁW JUTA’ KA KWAJAY, YAB NE’ETS KI IN AYNA’ MÁX AN REGLAMENTO INTERNO KI IN
KUBA’ PIL I T’OJNAL KI IN T’AJA’ AXÉ’ XI TOJLÁB, ANI
X. AN PILCHIK I TSALAP XI AN EYAL TI BICHOW ANI AN EYAL TI BICHOWCHIK KI IN KUBA’,
ANTS’ANA’ EJETÍL JAWA’ K’WAJAT DHUCHADH TI REGLAMENTO INTERIOR.
BO’CHÍL BIJLÁB
AN INSTITUCIONS DE ASISTENCIA SOCIAL PÚBLICA Y PRIVADA
K’A’AL PEJÁCH
TALYANÉL AN TSALAP
ARTICULO 56. AN ATÁJCHIK XI IN BINAL AN ASISTENCIA SOCIAL XI ABATNADH KAL AN EYAL ANI
PRIVADAS, ANTS’ANA’ EJTÍL AN CENTROS DE SISTENCIA SOCIAL, NE’ETS KA T’AJACHIK TI KWENTAJ
KAL AN EYALCHIK.
ABAL KI IN BINA’CHIK I ASISTENCIA SOCIAL TI PULIK BICHOW, AN ATÁJCHIK XI IN BINAL I ASISTENCIA
SOCIAL XI ABATNADH KAL I EYAL ANI PRIVADAS KWA’ALCHIK KI IN PUTÚW AXÉ’ XI KONOWIXTALÁB:
I. KA KIDHBAYAT JANT’IDHA’ TI ULUDH TI ABATNADH KÁW KAL AXÉ’ XI T’AJNEL;
II. KA DHUCHAN TI DIRECTORIO ESTATAL DE INSTITUCIONES DE ASISTENCIA SOCIAL;
III. KI IN KONOY ANI KI IN BATS’ÚW BA’ AN DIF TI PULIK BICHOW AN DHUCHADH ÚW XI IN
YEJENCHAL;
IV. KI IN T’AJA’ AN T’OJLÁB ABAL JALE’ TI TS’EJKA’;
V. KI IN BINA’ I T’OJLÁB XI PÉL I ASISTENCIALES JANT’IDHA’ TU ULUDH TI ABATNADH KÁW XI
IN TOMNAL, AN ORDENAMIENTOS INTERNOS ANI TIPÍLCHIK I DISPOSICIONES JURIDICAS XI
KA EYAN, ANI
VI. KI IN BINA’ I JOLATALÁB ABAL AN ATIKLAB XI U T’ONAL TI DIF TI PULIK BICHOW ABAL KI IN
T’AJA’ I TS’ABIXTALÁB; ANI ANTS’ANA’ KI IN OLNA’ AN KÁW JU’TA’ KI IN TSU’ÚWCHIK MÁX
ALWA’ AN T’AJNEL XI IN BINAL AN SERVICIOS ASISTENCIALES.
ARTICULO 57. AN JOLATALÁB XI NE’ETS KA EYAN ABAL AN ATÁJCHIK XI NE’ETS KI IN BINACHIK I
ASISTENCIA SOCIAL XI ABATNADH KAL AN EYAL ANI PRIVADA KWA’AL KI IN PUTÚWCHIK, JXI
DHUCHADH TI LEY GENERAL DE SALUD ANI PÍLCHIK I ABATNADH T’ANÉL, XI TE’ U KONIAB:
I. KWA’AL KA BELETNA’ KAL JÚN I ATÁJ T’OJLÁB XI ABATNADH KAL I EYAL O PRIVADA JITA’CHIK
IN BINAL I ASISTENCIA SOCIAL JANT’IDHA’ TI ULUDH BA’ AXÉ’ XI ABATNADH KÁW;
II. AN ATÁJ JU’TA’ NE’ETS KA BINAN AN TOLMIXTALÁB IN KWA’AK KI IN KO’OY IN PUWÉL
JANT’IDHA’ IN YEJENCHAL AN T’OJLÁB XI NE’ETS TANA’ KA T’AJAN; ANI KAL AN
BELETNADHTALÁB ANI AN K’ANTALÁN XI ULUDH BA’ AN ABATNADH KÁW XI NE’ETS KA
EYAN;
III. KA K’WAJAY TS’EJKADH JANT’ODHA’ AN DISEÑO PUNUDH ANI KI IN KO’OY AN OTSELTALÁB
XI IN ULAL AN LEGISLACIÓN XI IN ABATNÁL;
IV. KI IN KO’OY AN T’AJNEL XI NE’ETS KA EYAN ABAL AN K’ANBÉL, BELETNADHTALÁB ANI AN
MET’ADHTALÁB ABAL KA ALWA’ K’WAJIYCHIK, KA T’OKOBEDHA’, ANI AN JOLATALÁB
JANT’IDHA’ AN TAMÚN, IN INIKTÁL, IN PUWEL ANI IN TSALAPÍL AN ATIKLAB XI IN
BATS’UWAL I ASISTENCIA SOCIAL ANI U JILK’ONÁL TANA’, ABAL KA K’WAJIY TI JUN I
JOLATALÁB KAL I K’ANBELTALÁB ANI YAB KI IN KO’OY I PEXTALÁB, JANT’IDHA’ TI ULUDH TI
ABATNADH KÁW XI KA EYAN:
V. KI IN KO’OY I JOLATALÁB ABAL KA EYAN ABAL AN T’EKEDH T’AJA’NEL XI NE’ETS KI IN
T’AJACHIK AN ATIKLAB XI IN BATS’UWAL I ASISTENCIA SOCIAL, ANI
VI. KI IN T’AJA’ TI KWENTAJ AN KONOWIXTALÁB ABAL AN ATÁJCHIK XI IN ULAL AN EYALCHIK XI
TI PROTECCIÓN CIVIL, SALUBRIDAD ANI ASISTENCIA SOCIAL.
ARTICULO 58. TAL YANEL AN ATÁJCHIK XI IN BINAL I ASISTENCIA SOCIAL XI ABATNADH KAL AN EYAL
O PRIVADA, PÉL IN UCHBÍL KI IN T’AJA’ TI KWENTAJ ABAL AN ATIKLAB XI U PIDHNAL I ASISTENCIA
SOCIAL KI IN KO’OY I ALWA’TALÁB TI IN INIKTÁL ANI TI IN TSALAPÍL.
AN TOLMIXTALÁB XI KI IN BINA’CHIK KWA’AL KA ABATNA’ ABAL KI IN PUTÚW AN UCHBINTALÁB TI
ATIKLAB ANI KA JUNKUNCHAT IN XE’ETSINTÁL KAL XI K’EAT I ATIKLAB, AXI XI PILCHIK XI TE’ ULUDH:
I. I JOLATALÁB ABAL KA K’WAJAY ALWA’, KA K’ANIDHA’ ANI YAB KA ODHNA’;
II. BELETNADHTALÁB ANI I K’ANIAT ABAL YAB KA ODHNANCHAT IN INIKTÁL O IN TSALAPÍL;
III. I ALWA’ K’APNÉL ABAL KA BELETNANCHAT IN INIKTÁL ANI WILK’IDH KA T’AJAN TI KWENTÁJ
ABAL U BINAB JANT’IDHA’ IN ULAL AN EYAL SANITARIA;
IV. KA T’AJAN TI KWENTAJ TI IN JÚN KALAT ANI TI PILCHIK I ILAL, KA ADHIK T’AJAN TI KWENTÁN
KAL I YA’ULÁTS, KA AYNANCHAT AN ILAL TI IN TSALAPÍL, KAL AN KWAJILOMTALÁB,
JURIDICOSL, ANI PÍLCHIK I TOLMIXTALÁB;
V. KA TÁWNA’ ANI KA EXOBCHAT JANT’INI’ IN TAMÚB XI IN KWA’AL, ABAL KA YEJEY JANT’IDHA’
IN TOMNAL TI IN INIKTÁL, TSALAPIL, ICHICH ANI TI K’WAJILÓM MA JUTA’ KI IN EJTOWCHIK,
ANI EJTÍL KA EJTINCHAT ANI KA AYNANCHAT IN UCHBÍL;
VI. KI IN BATSU’ÚW I CHUDHEL XE’ETSINTALÁB, KA KOYÓTS, KA K’IJIDHBE’ ANI PÍLCHIJ I T’AJNEL
KAL JAWA’ KA TOLMIYAT ABAL KA ALWA’ YEJEY;
VII. KA ALWA’ BELETNA’, KAL AN ATIKLAB XI IN EXOBNAMAL, IN EXLAL, IN LUBAL ANI IN TSO’ÓB,
KAL I EXOBINTALÁB XI IN AYNAL AN TSALPAL KAL IN UCHBÍL AN ATIKLABCHIK;
VIII. AN ATIKLAN XI IN ÓK’NAL ANI AL ATIKLAB XI U T’OJNAL TI ATÁJCHIK XI IN BINAL I ASISTENCIA
SOCIAL YAB KWA’AL KI IN T’AJA I T’OJLÁB XI KA ODHNANCHAT IN INIKTÁL ANI IN TSALAPÍL
AN ATIKLABCHIK XI IN BATS’UWAL I ASISTENCIA SOCIAL;
IX. I JOLATALÁB ABAL KA TOLMIXIN ABAL KI IN ULÚW KAL I WALKADHTALÁB IN TSALAPÍL ANI
IN KAWINTÁL KAL AN T’AJNEL XI IN BATS’UWAL ANI KWA’AL KA TÁJCHIN TI KWENTAJ IN
KAWINTÁL, ANI
X. KA PIDHAN I K’IJ ABAL KI IN T’AJA’ I T’AJNEL ELÉP JU’TA’ KI IN EJTÓW KI IN TÁWNA’ ANI KI
IN TS’ABÍL IN KWENCHALÍL.
ARTICULO 59. KAL AN TSALAP ABAL KA PIDHAN I ALWA’ BELETNADHTALÁB ABAL KA
PUTUNDHANCHAT IN UCHBÍL, AN ATÁJCHIK XI IN BINAL I ASISTENCIA KAL I ABATNADH KAL AN EYAL
ANI PRIVADA KWA’AL KI IN T’AJA’ WILK’IDH I MET’ADHTALÁB ABAL AN ATIKLAB XI U PIDHNAL I
ASISTENCIA SOCIAL ANI K’WAJAT TI BELETNAB ANI IN JA’ÚB JAYE’, ABAL KI IN EJTÓW KI IN TS’ABIY
AN ATIKLAB XI IN K’ANIDHAL, ETS’EY TAM KI IN EJTÓW.
ARTICULO 60. AN ATIKLAB XI IN BATS’UWAL I ASISTENCIA SOCIAL KWA’AL KI IN KO’OY I DHUCHADH
ÚW JU’TA’ TSU’UTAT ANI KA T’AJAN TI KWENTAJ TI IN KWE’TEMTAL, ANTS’ANA’ EJTÍL AN T’AJNEL
XI T’AJAN ABAL KA ODHA’ ANI KA JILAN KA PIDHAN AN TOLMIXTALÁB KAL AN EYAL XI IN TOMNAL,
ANI KA WALKAN KA DHUBAT WICHIY KAL IN JA’ÚB O TI KWAJILÓM.
ANTS’ANA’ JAYE’, KA BELETNANCHAT TAL YANEL IN BÍJ ANI AN KÁW XI U KO’OCHAB JANT’IDHA’ TI
ULUDH BA’ AN ABATNADH KÁW XI U T’AJNAL, ANI KA UCHAN, WILKÍDH, KAL AN ABATNADH EYAL:
ARTICULO 61. PÉL IN UCHBÍL AN ÓK’CHIX O AN T’OJNAL KAL AN ABATNADH EYAL TI ATÁJCHIK XI IN
BINAL I ASISTENCIA SOCIAL XI U ABATNAB KAL AN EYAL ANI PRIVADA:
I. KA PUTUNCHAT TAL YANEL AN KONOWIXTALÁB XI ULUDH BA’ AXÉ’ XI ABATNADH KÁW ANI
XI PILCHIK ABAL KA T’AJAN TI KWENTAJ TI DIRECTORIO NACIONAL DE INSTITUCIONES DE
ASISTENCIA SOCIAL PUBLICAS Y PRIVADAS;
II. KI IN KO’OY I DHUCHLÁB IN BIJ AN ATIKLAB XI IN BATS’UWAL I ASISTENCIA SOCIAL ANI U
BELETNAB, JU’TA’ ULUDH JANTIDHA’ K’WAJAT IN XE’ETSINTAL KAL AN ABATNADH EYAL, ANI
KI IN ABNA’ WAT’ENEK AKAK A ITS’ TI DIF TI PULIK BICHOW;
III. KI IN T’AJA’ TI KWENTAJ ABAL AN JOLATALÁB KA K’WAJIY JU’TA’ KA TEJWA’ME, I ÚW JU’TA’
KA ULWAT ABAL DHUCHADH TI DIRECTORIO NACIONAL DE INSTITUCIONES DE ASISTENCIA
SOCIAL PUBLICAS Y PRIVADAS;
IV. KI IN KO’OY I REGLAMENTO INTERNO, XI BATS’UDH KAL AN DIF TI PULIK BICHOW;
V. KI IN KO’OY I PROGAMA INTERNO DE PROTECCIÓN CIVIL JANT’IDHA’ TI ULUDH TI
ABATNADH KÁW XI U EYNAL;
VI. KI IN PIDHA’ I K’IJ AN EYAL XI IN TOMAL TI DIF TI PULIK BICHOW ABAL KI IN T’AJA’ WILKÍDH
I MET’ADHTALÁB JANT’ODHA’ TI ULUDH TI ABATNADH KÁW XI KA EYAN; ANI, MÁX
ANTS’ANA’ KI IN YEJENCHI’, KI IN T’AJA’ TI KWENT’A AN OLNADHTALÁB; AXÉ’ XI
MET’ADHTALÁB KWA’AL KA AYNA’ EJTÍL TI PUNUDH TI SITUACION JURIDICA Y SOCIAL;
ANTS’ANA’ EJTÍL AN BELETNADHTALÁB KAL AN ILAL ANI IN TSALAPIL KAL AN ATIKLAB XI IN
BATSU’UWAL I ASISTENCIA SOCIAL, ANI AN T’AJNEL ABAL KA WICHIY KAL IN JA’ÚB O TI IN
KWENCHALÍL, TAM YENEJTÁL;
VII. KI IN PIDHA’ AN ATIKLAB XI IN YEJENCHÁL I ASISTENCIA SOCIAL, BA’ I T’OJNAL XI
EXOBLAMADH, ANI I BELETNADHTALÁB KAL AN ILAL;
VIII. KI IN AYNA’ JANT’IDHA’ TI ULUDH AN TSALAP XI IN BINAL AN EYAL AXI IN TOMNÁL;
IX. KI IN T’AJA’ AN T’OJLÁB XI IN YEJENCHAL ABAL KA TSAPIKME’ AN T’OJLÁB XI IN T’AJAL AN
ATIKLAB TI ATÁJCHIK XI IN BINAL I ASISTENCIA SOCIAL, ANI
X. PÍLCHIK I UCHBILÁB XI ULUDH BA AXÉ’ XI ABATNADH KÁW ANI XI PÍLCHIK I T’AJNEL XI KA
T’AJAN.
ARTICULO 62. AN AT’AJCHIK XI IN BINAL I ASISTENCIA SOCIAL XI ABATNADH KAL AN EYAL ANI
PRIVADA ANI/O AN ORGANIZACIONES DE LA SOCIEDAD CIVIL XI IN AYNAL AN KONOWIXTALÁB XI IN
ULAL AXÉ’ XI ABATNADH KÁW, IN EJTOWAL KI IN BATSU’ÚW AXÉ’ XI ALWA’TALÁB:
I. KI IN PUTÚW KAL I TOLMIXTALÁB XI BINADH KAL AN EYAL ABAL KI IN AYNA’ AN ASISTENCIA
SOCIAL, JANT’IDHA’ TI ULUDH ANI T’AJADH JANT’ODHA’ IN KONIAL AN EYAL XI IN TOMNÁL
ANI TI PUNUDH TI PROGRAMA ESTATAL DE ASISTENCIA SOCIAL;
II. KI IN BATSU’ÚW I TOLMIXTALÁB, JUNKUDH T’OJLÁB ANI I BELETNADHTALÁB JAWA’ KA
PIDHAN KAL AN EYALCHIK;
III. KI IN EJTOW KA OTSI’ITS TI SISTEMA ÚNICO DE INFORMACIÓN EN MATERIAL DE ASISTENCIA
SOCIAL, ANTS’ANA’ EJTÍL TI CENSO ESTATAL DE PERSONAS CON DISCAPACIDAD DEL
ESTADO;
IV. KI IN BATSU’ÚW I PIDHOPLÁB XI IN T’AJAL I ATIKLAB TI IN KWETEMTÁL ANI MORALES, TI
LABTÓM O TI BICHOWCHIK TI IN PUWEL AN TSABÁL, ANI
V. KI IN KO’OY I ÓK’CHIX O I ÓK’CHIXCHIK BA’ AN SISTEMA ESTATAL DE ASISTENCIA SOCIAL.
ARTICULO 63. AN ATÁJCHIK XI IN BINAL AN ASISTENCIA SOCIAL PRIVADA YAB NE’ETS KI IN K’IBA’ IN
ÁIY MÁX KI IN BATSU’ÚW I TOLMIXTALÁB KAL AN EYAL, ETS’EY MÁX KA T’AJAN KAL IN KWETEMTÁL
ANI YAB IN YEJENCHAL.
ARTIUCULO 64. AN T’OJLÁB XI IN T’AJAL AN ORGANIZACIÓN DE LOS PARTICULARES, MÁX PÉL I ATÁJ
XI IN BINAL I ASISTENCIA SOCIAL PRIVADA O PÍL I TOLMIXTALÁB XI IN T’AJAL AN SERVICIOS
ASISTENCIALES, NE’ETS KA AYNA’ JANT’IDHA’ TI ULUDH BA’ AN ABATNADH KÁW XI IN TOMNÁL.
ARTICULO 65. AN ATÁJCHIK XI IN BINAL I ASISTENCIA SOCIAL PRIVADA NE’ETS KA T’AJAN TI
KWENTAJ KAL AN PULIK BICHOW EJTÍL I TOLMÍX KAL AN ABATNADHTALÁB KAL AN EYAL XI IN
TOMNAL, TAM KI IN BATSU’ÚW AN DUCHLÁB XI IN BINAL AN DIF TI PULIK BICHOW JANT’ODHA’ IN
ULAL AN ORDENAMIENTOS LEGALES XI U EYNAL.
ARTICULO 66. AN DIF TI PULIK BICHOW NE’ETS KI IN BUK’ÚW AN T’OJLÁB ABAL KA W’ATSIN I
BANCOS DE ALIMENTOS, EJTIDH AXÉ’, TAL YANEL AN ATÁJCHIK XI IN BINAL I ASISTENCIA PRIVADA
IN T’OJLABÍL PÉL KI IN BATSU’ÚW I K’APNÉL ABAL KI IN K’APÚW AN ATIKLAB, KI IN PILA´, KI IN
JUNKÚW ANI KI IN BUK’UW, ABAL KI IN BINA’ JU’TA’ YEJENTAL AN K’ALPÉL ABAL AN KWAJILÓN XI
TS’EJWANTÁL KAL AN K’APÚTS, IN EJTOWÁL KI IN BATSU’ÚW I TOLMIXTALÁB KAL AN ATIKLABCHIK
XI U PIDHNÁL AN K’APNÉL, AXÉ’ YAB KWA’AL KA KONIAY LÉJ YAN IN JALBÍL; JÁXTAM KWA’AL KI IN
JUNKÚW I T’OJALÁB KAL XI ABATNADH KA AN EYAL ANI PRIVADAS ABAL KA T’AJAN AXÉ’ XI TSALAP,
ANI KWA’AL KI IN AYNA’ AXÉ’ XI T’AJNÉL
I. KI IN BUK’ÚW AN TSALAP ABAL KA EYAN TAL YANEL AL K’APNÉL ANI YAB KA WAKLA’, KI IN
BINA’ ABAL KA K’APAT TAM KWA’ATS YAN I K’APNÉL, TAM YAB NUJNENÉK, O ABAL YAB KA
K’ATS’EY, KI IN NEDHA’ JU’TA’ TI YEJENTAL;
II. AN SISTEMAS PARA EL DESARROLLO INTEGRAL DE LA FAMILIA TI BICHOWCHIK, NE’ETS KI IN
T’AJA’ I TSALPADH T’OJLÁB ABAL KI IN ABATNA’ AN KWENCHALÁB JU’TA’ KA AJYIAT XI
ABATNADH KAL AN EYAL, PRIVADO ANI K’WAJILÓM, ABAL KA TS’EJKA’ KWA’AL KA T’AJAN
TI KWENTAJ AN TOLMIXTÁL AN BANCO DE ALIMENTOS;
III. KI IN OLCHIJ AN PAK’DHA’ NUJNÉL ABAL KI IN BINA’ I TOLMIXTALÁB KAL AN K’APNÉL XI MÁX
YAB KA NUJWAT, IN KWA’AL KA WAKLÁ’;
IV. KI KO’OY I DHUCHLÁB BIJLÁB TI PULIK BICHOW ABAL TAL YANÉL XI IN BINAL I TOLMIXTALÁB
ANI XI PÉL I BANCOS DE ALIMENTOS, KAL AN TSALAP ABAL KI IN EJTOW KI IN ABATNA’ ANI
KI IN ODHA’ TI PROGRAMAS DE APOYOS;
V. KI IN T’AJA’ I PROGRAMAS DE APOYO, ANTS’ANA’ EJTÍL KI IN BUK’ÚW AN TSALAP ABAL KA
BINA’ AN K’APNÉL;
VI. AN ATIKLAB XI IN BINAL AN K’APNÉL KWA’AL KI IN T’AJA’ TI KWENTAJ ABAL AXÉ’CHIK KA
KWAJAY ALWA’, YAB KI IN YA’UNDHA’ TAM KA K’APAT ANI KI IN KO’OY I T’OKADHTALÁB XI
YEJENTÁL;
VII. AN ATIKLAB XI IN BINAL AN TOLMIXTALÁB IN EJTOWAL KI TIXK’ANCHIJ AN WÁLEK ANI IN BIJ
AN K’APNEL XI IN TSALPAYÁL YAB KWA’AL KI IN NEDHA’, EXPIDH KWA’AL KI IN JILCHIJ JU’TA’
OLNADH JAYK’IJ TI TS’EJKADH ANI MA JAYK’IJ U EJTOWAB KA K’APAT;
VIII. AN ATIKLAB XI IN TOLMIYÁL XI IN BINAL I K’APNEL O BANCOS DE ALIMENTOS, IN EJTOWAL
KI IN KONOY ABAL KA T’AJCHIN TI KWENTAJ TAM KI IN EYENDHA’ IN BIJ RAZÓN SOCIAL, ANI
IX. AN DIF TI PULIK BICHOW, BA’ AN JUNKUDH T’AJNÉL XI IN T’AJAL, ANI JANT’ODHA’ TI
KONODH KAL AN TOLMIX ANI AN BANCOS DE ALIMENTOS, KWA’AL KI IN BUK’ÚW AN
TSALAP ABAL KA T’AJCHIN TI KWENTAJ AN ATIKLAB ABAL IN BINAL AN TOLMIXTALÁB,
ÓK’OK’OL TAM AXÉ’ IN T’AJAMÁL I K’ADHPIDH TOLMIXTALÁB.
TSAPCHÍL PEJÁCH
AN RELACIONES DE LAS AUTORIDADES CON LAS INSTITUCIONES DE ASISTENCIA SOCIAL PÚBILCA
Y PRIVADA.
ARTICULO 67. ABAL KI IN PUWEDHA’ AN TOLMIXTALAB XI IN BINAL AN ASISTENCIA SOCIAL XI
T’AJADH ABAL AN TOLMIXTALÁB KAL AN K’WAJILÓM, AN ÓK’CHIX TI PULIK BICHOW NE’ETS KI IN
BUK’ÚW TI PULIK BICHOW, KAL AN TOLMIXTÁL AN DIF TI PULIK BICHOW, ABAL KA T’SEJKA’ AN
ATÁJCHIK XI IN BINAL I ASISTENCIA SOCIAL PRIVADA ANI XI PÍLCHIK JUNKUDH T’AJNEL, XI KAL IN
KWETEMTÁL TUMINAL O PIL I ATADHTALÁB ANI IN BINAL I TOLMIXTALÁB TI IN PUWÉL AN
KWENCHALÁB, KI IN BINA’ I ASISTENCIA SOCIAL JANT’IDHA’ TI ULUDH TI ABATNADH EYAL XI IN
TOMNÁL.
ARTICULO 68. JANT’ODHA’ I ULAL AN DIF TI PULIK BICHOW, AN TS’ALE’ TI PULIK BICHOW, NE’ETS KI
PIDHA’ I K’IJ ABAL KI IN BINA I TOLMIXTALÁB FISCAL AN AT’AJCHIK PRIVADAS XI IN BINAL I
ASISTENCIA SOCIAL ANI IN T’AJAL AXÉ’ XI TOLMIXTALÁB, ANI AN T’AJNÉL XI IN TOMNÁL.
ARTICULO 69. AN ÓK’CHIX TI PULIK BICHOW, BA’ AN ATÁJCHIK ANI AN ATIKLAB XI IN TOMNÁL,
NE’ETS KI IN BINA’ AN T’AJANÉL ABAL KA AYNA’ AN ASISTENCIA SOCIAL KAL AN ATÁJCHIK XI IN BINAL
I ASISTENCIA SOCIAL PRIVADA, ABAL KI IN JUNKÚW AN TOLMIXTALÁB XI NE’ETS KA T’AJAN KAL AN
PROGRAMAS ASISTENCIALES ABAL KI IN TOLMIY ABAL KA BAJWAT AN TSALAP XI ULUDH BA’ AXÉ’ XI
ABATNADH KÁW.
ARTICULO 70. AN JUNKUDHTALÁB ABAL AN T’AJNÉL XI AYNADH ABAL AN ASISTENCIA SOCIAL
JANT’IDHA’ TI ULUDH ARTICULO XI K’WAJAT EBAL, NE’ETS KA T’AJAN BA’ I K’ITS’ODH DHUCHLÁB,
ANI KWA’AL KI KO’OY AXÉ’ XI TSALAP:
I. KI IN DHUCHA’ IN UCHBÍL XI KWA’AL KI IN T’AJACHIK TAL YANEL AN ATIKLAB XI U T’OJNAL
TI ATÁJCHIK XI IN BINAL I ASISTENCIA SOCIAL PRIVADA ANI IN KITS’OY I ÚW ABAL KA
T’OJONCHIK JUNKUDH;
II. KI IN PUNÚW AN T’AJNEL ABAL AN EXOBINTALÁB ANI AN TOLMIIXTALÁB XI NE’ETS KI IN
T’AJA’ AN EYAL TI PULIK BICHOW, BA’ AN DIF TI PULIK BICHOW;
III. KI IN TSAPLÍY AN TSALAP, AN T’AJNEL ANI AN BAJUDHTALÁB JURÍDICO XI KA T’AJAN KAL AN
JUNKUDH T’OJLÁB, KAL AN T’AJNÉL XI IN OLNAL AN EYAL ANI IN TOMNÁL AN EYAL TI PULIK
BICHOW, ANI
IV. TAL YANEL AN TSALAP XI BATS’UWAME’, ANI XI KA ULUWAT, XI NE’ETS KA AYNA’ T’OKOT
MAX YAB KA ODHNA’ AN TSALAP ANI IN UCHBÍL XI TE’ ULWAME.
OXCHÍL PEJÁCH
AN DIRECTORIO ESTATAL DE INSTITUCIONES DE ASISTENCIA SOCIAL PÚBLICA Y PRIVADA
ARTICULO 71. K DHUCHAN AN ATÁJCHIK XI IN BINAL I ASISTENCIA SOCIAL XI ABATNADH KAL AN
EYAL ANI PRIVADAS TI DIRECTORIO NACIONAL, ABAL KA T’AJAN BA’ AN DIF TI PULIK BICHOW ABAL
KI IN BUK’UW AN T’AJNÉL ANI AN TOLMIXTALÁB ASISTENCIALES XI IN T’AJALCHIK AN ATÁJCHIK XI
IN BINAL I ASISTENCIA XI ABATNADH KAL AN EYAL ANI PRIVADA, ANTS’ANA’ EJTÍL JU’TA’ KA ELÁN TI
PULIK BICHOW.
ANTS’ANA’ JAYE’ AN DHUCHLÁB ABAL AN ATÁJCHIK XI IN BINAL Y ASISTENCIA SOCIAL XI ABATNADH
KAL AN EYAL ANI PRIVADA TI DIRECTORIO NACIONAL, ABAL KI IN T’AJA’ BA AN DIF TI BICHOW, JAWA’
KWA’AL KA ABNA’ DHUBATK’IJ TI DIF TI PULIK BICHOW.
ARTICULO 72. ABAL KA DHUCHAN TI DIRECTORIO NACIONAL AN AT’AJCHIK XI IN BINAL I ASISTENCIA
SOCIAL XI ABATNADH KAL AN EYAL ANI PRIVADAS KWA’AL KI IN PUTUW AN TSALAP XI IN ULAL AXÉ
XI ORDENAMIENTO, ANI KWA’AL KI IN OLNA’:
I. K’OTBIDH ÚW XI PÉL I ACTA CONSTITUTIVA XI ITMENEK, ANTS’ANA’ EJTÍL AN JALK’UWTALÁB
KAL AN ESTATUTOS SOCIALES;
II. I COMPROBANTE JU’TA’ KA OLNA’ JU’TA’ TI K’WAJAT;
III. I K’OTBIDH ACTA NOTARIADA JU’TA’ KA OLNA’ JITA’ JÁTS AN ÓKCHIX;
IV. KI IN KO’OY I PROYECTO PLAN ANUAL DE TRABAJO, ANI
V. MÁS YEJENTÁL, KA ULUWAT JANT’IDHA’ K’WAJAT AN JOLATALÁB ANI AN EYDHANÉL ANI AN
ATIKLAB XI IN KWA’AL.
AN JALKUDHTALÁB XI ULUDH KWA’AL KA K’WAJIY DHUCHADH ANI KA DHUCHAN TI DIRECTORIA,
WAT’ENEK LAJÚW I K’ICHAJ TAM TI TÁJADH AN DHUCHUMTALÁB.
ARTICULO 73. AN ATÁJCHIK XI IN BINAL I ASISTENCIA SOCIAL XI ABATNANDH KAL AN EYAL ANI
PRIVADA NE’ETS KI IN BATSU’ÚW I DHUCHLÁB JU’TA’ KA OLNA’ ABAL DHUCHADH TI DIRECTORIO
NACIONAL ANI IN AJUMTÁL XI IN BAJÚW.
KA DHUCHAN AN ATÁJCHIK YEJENTAL ABAL KA BATSU’UWAT ABAL JILAN KI IN T’AJA’ AN ASISTENCIA
SOCIAL ANI NE’ETS KA KONCHAT KAL AN EYAL XI IN YEJENCHI’.
TSE’CHÍL PEJÁCH
ABAL AN CERTIFICACIONES DE LAS INSTITUCIONES DE ASISTENCIA SOCIAL PRIVADA
ARTICULO 74. ABAL KA AIYNA’ AN TSALAP XI ULUDH BA’ AXÉ’ XI ABATNADH KÁW EJTIDH AN KÁW
CERTIFICACIÓN (BATSU’ULTALÁB), AXI U T’AJNAL KAL AN PROCURADURÍAS DE, PROTECCIÓN DE
NIÑAS Y NIÑOS, ANI I DEFENSA DE LAS PERSONAS ADULTAS MAYORES ANI AN ÁREA DE GESTION Y
PARTICIPACIÓN SOCIAL, JANT’IDHA’ I AY, JU’TA’ AN DIF TI PULIK BICHOW IN EXLÁL AN T’AJÉL XI IN
BINALCHIK ABAL AN TOLMIXTALÁB AN ATÁJCHIK XI IN BINAL I ASISTENCIA PRIVADA.
AN BATSU’ULTALÁB KWA’AL KA T’AJAN KAL AN ATÁJCHIK XI IN BINAL I ASISTENCIA SOCIAL PRIVADA
BA’ AN DIF ESTATAL ANI AN EYAL XI IN TOMNAL, ANI NE’ETS KA EYAN ABAL KI IN BATSU’ÚW AN
TOLMIXTALÁB ANI AN SUBCIDIOS XI ULUDH BA’ AXÉ’ XI ABATNADH KÁW, TI REGLAMENTO ANI
PÍLCHIK I ABATNADHATALÁB LEGAL XI KA EYAN.
ARTICULO 75. AN BATSU’ULTALÁB XI BINADH KAL AN DIF TI PULIK BICHOW ABAL AN ATÁJCHIK XI IN
BINAL I ASISTENCIA SOCIAL XI ABATNADH KAL AN EYAL ANI PRIVADA, NE’ETS KA T’AJAN BA’ AN:
I. AN PROCURADURÍA DE PROTECCIÓN TAM PÉL I CENTROS DE ASISTENCIA SOCIAL, ANI
II. AN PROCURADURÍA DE LA DEFENSA DE LAS PERSONAS ADULTAS MAYORES, GESTIÓN Y
PARTICIPACION SOCIAL, TAM YAB AJIDH TI PEJACH XI EBAL PUNUDH.
ABAL KA AYNA’ AN TSALAP XI ULUDH TI AXÉ’ XI ARTICULO IN EJTIYAL ABAL AN BATSU’ULTALÁB,
T’AJNEL XI NE’ETS KA T’AJAN BA’ AN DIF TI PULIK BICHOW IN EXLAL AN ALWA’ T’AJNEL KAL AN
ASISTENCIA XI U T’AJAB ANI IN TOLMIXTALÁB XI IN AIYNAL AN AT’AJCHIK XI IN BINAL I ASISTENCIA
SOCIAL XI ABATNADH KAL AN EYAL ANI PRIVADA.
ARTICULO 76. AN BATSU’ULTALÁB ANI AN TSÁP BATSU’UDHTALÁB NE’ETS KA BINAN EJTIL XI
BATSU’UDH KAL:
I. AN TSALAP XI PUNUDH TI LEY DE PRESUPUESTO Y RESPONSABILIDAD HACENDARIA TI PULIK
BICHOW ANI TI BICHOWCHIK TI TAMPOTS’OTS’;
II. AN NORMAS OFICIALES MEXICANAS ABAL AN T’AJNEL ASISTENCIALES, ANI
III. AN T’OJLAB ANI AN TSALAB XI KA ULUWAT KAL AN DIF TI PULIK BICHOW.
ARTICULO 77. AN DIF TI PULIK BICHOW KAL AN TSALAP ABAL KA AYNA’ AN ALWA’ T’AJNEL XI NI
BINAL AN ATÁJCHIK XI IN T’AJALCHIK I ASISTENCIA SOCIAL XI ABATNADH KAL AN EYAL ANI PRIVADA,
ANTS’ANA’ EJTIL IN BELETNADHTALÁB TI IN INIKTÁL ANI IN TSALAPÍL AN ATIKLABCHIK XI PIDHNÁL I
ASISTENCIA SOCIAL AXI K’WAJAT TI KO’OBIYÁB, NE’ETS KA T’AJANCHIK I BATSU’ULTALÁB TAM KI IN
BAJÚW JÚN TAMÚB TI PIDHNENÉK, JANT’ODHA’ TI ULUDH BA AXÉ’ XI ORDENAMIENTO, ANTS’ANA’
EJTÍL TI REGAMENTO XI IN TOMNAL.
ARTICULO 78. AN BATSU’ULTALÁB ANI AN TSÁP BATSU’ULTALÁB PÉL JÚN I TSALAB XI NE’ETS KI IN
TOLMIY AN T’AJNEL ABAL AN TOLMIXTALÁB XI NE’ETS KI IN BINA’ AN EYAL TI PULIK BICHOW, AN
ATÁJCHIK XI IN BINAL I ASISTENCIA SOCIAL PRIVADA.
ARTICULO 79. AN ATÁJCHIK XI IN BINAL I ASISTENCIA SOCIAL PRIVADA ANI DHUCHADH TI
DIRECTORIO NACIONAL DE INSTITUCIONES DE ASISTENCIA SOCIAL, ANI BATSU’ÚLTALÁB KAL AN DIF
TI PULIK BICHOW ABAL KI IN BINA’ I ALWA´T’AJNEL, NE’ETS KA PIDHAN I ÚW JU’TA’ U T’AJAB TI
KWENTAJ TI TAMÚB KAL AN ÓK’CHIX TI PULIK BICHOW.
AXÉ’ XI ÚW ABAL KA T’AJAN TI KWENTAJ PÉL JÚN I EYENDHANÉL ANI I PIDHOPLÁB I TUMÍN XI IN
EJTOWAL KI BATSU’ÚW AN ATÁJCHIK ABAL KI IN T’AJACHIK AXÉ’ XI T’AJNÉL, ANI NE’ETS KA ABATNA’
KAL AN JUNTA DIRECTIVA TI DIF TI PULIK BICHOW.
ARTICULO 80. AN JUNTA DIRECTIVA TI DIF TI PULIK BICHOW NE’ETS KI IN OLNA JANT’ODH’A NE’ETS
KA AYNA’ ABAL KA BINAN AXÉ’ XI ÚW T’AJADH TI KWENTAJ XI NE’ETS KA BINA’ KAL AN ÓK’CHIX TI
PULIK BICHOW.
AXÉ XI TEJWAMEDHOMTALÁB NE’ETS KA T’AJAN KAL AN BINADHTALÁB JUN I PRESEA ANI JUN I
PIDHOPLÁB I RECURSOS PUBLICOS XI NE’ETS KA BATSU’UWAT TI ATÁJCHIK KAL AN T’AJNÉL XI IN
AYNÁL, ANI NE’ETS KA BIJYAT KAL AN JUNTA DIRECTIVA TI DIF TI PULIK BICHOW.
ARTICULO 81. AN KONOWIXTALÁB ABAL AN ÚW T’AJADH TI KWENTAJ NE’ETS KA KWET KONIAT,
ABAL KA EYAN, AN ATÁJCHIK XI IN BINAL I ASISTENCIA SOCIAL XI ABATNANDH KAL AN EYAL ANI
PRIVADA JITA’ KI IN KONOY, NE’ETS KA TS’ABIYAT KA AL DIF TI PULIK BICHOW ANI NE’ETS KI IN
PIDHA’ AN ATIKLAB XI KA ABNA’, TAL YANEL AN KÁW ANI AN DHUCHLÁB XI KA YEJENCHAT.
ARTICULO 82. AN DIF TI PULIK BICHOW NE’ETS KI IN BUK’ÚW BA’ AN EYALCHIK XI IN TOMNAL ANI
AN ATÁJCHIK TI LABTÓM ANI TI PÍLCHIK I BICHOW TI PULIK AN TSABÁL, AN TS’EJKANEL ABAL AXÉ’
XI TOLMIXTALÁB XI NE’ETS KA BINAN ABAL AN ATÁJCHIK XI IN T’AJAL I ASISTENCIA SOCIAL XI
ABATNADH KAL AN EYAL ANI PRIVADA.
AKACHÍL BIJLÁB
ABAL AN INSPECCION, SANCIONES Y RECURSOS
JUNKÁTS PEJÁCH
ARTICULO 83. ABAL AN MET’ADHTALÁB ANI AN BELETNADHTALÁB ABAL KA PUTÚN AXÉ’ XI
ABATNADH KÁW, AN REGLAMENTO ANI XI PÍLCHIK I T’AJNEL XI T’ANA’ KA KALE’, XI PÉL IN AY AN DIF
TI PULIK BICHOW ANI TI DIF TI BICHOWCHIK, JANT’ODHA’ IN BAJWÁL KI IN T’AJACHIK.
ARTICULO 84. MÁX YAB KA PUTUWAT AXÉ’ TSALAP XI ULUDH TI ABATNADH KÁW, TI REGLAMENTO
ANI TI PÍLCHIK I T’AJNEL XI T’ANA’ KA KALE’, NE’ETS KA K’WANCHAL JUN I SANCIÓN
ADMINISTRATIVO KAL AN DIF TI PULIK BICHOW JANT’IDHA’ WALKADH KI IN T’AJA’.
ARTICULO 85. AN SANCIONES NE’ETS KA K’WAJBA’ TAM:
I. KA TÁWNA’ KAL I DHUCHLÁB;
II. I SANCIÓN KAL I TUMIN XI NE’ETS KA KONIAY MÁX LEJ K’ADHPIDH IN JOLBINÉL; XI IN
EJTOWÁL KI IN BINA’ IN JALBÍL TI JÚN MATI CIENTO CINCUENTA I UNIDADES DE MEDIDA DE
ACTUALIZACIÓN;
III. KA KOYDHANCHAT AN CERTIFICACIÓN;
IV. KA TIXKANCHAT AN TOLMIXTALÁB JUN I K’IJ, ANI
V. KA TIXKANCHAT AN CERTIFICACIÓN ANI AN TOLMIXTALÁB.
XI NE’ETS KA JOLBIYAT JANT’IDHA’ TI AYNADH TI CODIGO PROCESAL ADMINISTRATIVO ABAL AN
PULIK BICHOW SAN LUIS POTOSI.
TAM AN ATIKLAB KI IN T’AJA’ JUN PULIK JOLBINÉL XI AN ABATNADH KÁW KI IN ULÚW ABAL KWA’AL
KA MAPIAT, JAWAKÍTX TAN SANCIÓN KONCHAME’, NE’ETS KI IN OLCHI’ AN MINISTERIO PUBILCO.
ARTICULO 86. AN ATIKLAB XI KA IT’IXBEDHA’ KAL AXÉ’ XI PAKLUWADH JOLBINÉL XI ULUDH TI
ABATNADH KÁW, TI REGLAMENTO ANI TI PILCHIK I ABATNADHTALÁB XI KA KALE’, NE’ETS KA
EJTOWAT KA KONIAT AN PAKLUAWNCHAT JANT’IDHA’ TI OLNADH BA’ AXÉ’ XI ABATNADH T’OJLAB,
ANI JANT’ODHA’ KI IN ULÚW AXÉ’ XI ORDENAMIENTO.
AN TRANSITORIOS
K’A’AL. AXÉ’ XI ABATNADH KÁW XI U BINAB BA’ AXÉ’ XI DHUCHLÁB NE’ETS KA EYANÍTS TI CHUDHEL
TAM KA DHUCHANÍTS TI PERIODICO OFICIAL TI PULIK BICHOW “PLAN DE SAN LUIS”.
TSAPCHÍL. TAM KA EYANÍTS AXÉ XI ABANTNADH DUCHLÁB, NE’ETS KA TIXK’A’ AN PILCHIK
ABATNADH KÁW XI WEKÁTS IN TSÁP.
OXCHÍL. AN ÓK’CHIX TI PULIK BICHOW IN KWA’AL KI IN BINA’ AN NORMATIVIDAD REGLAMENTARIA
XI U KALEL BA’ AXÉ XI ABATNADH KÁW, KWA’AL KA T’AJAN ANI YAB KA WAT’EY CIENTO OCHENTA I
K’ICHAJ TALBEL TI DHUCHADH.
TSE’CHÍL. AN SISTEMA ESTATAL DE ASISTENCIA SOCIAL, BA’ ÓX INIK I K’ICHAJ TAM KA T’UJCHATÍS
KA EYAN AXÉ XI ABATNADH KÁW, KWA’AL KA TS’EJKA’ ANI KA KIDHBAYAT.
BO’CHÍL. K’WAJBADHÍTS AN CONSEJO ESTATAL DE ASISTENCIA SOCIAL, AN ÓK’CHIX TI SECRETARIA
EJECITIVA, BA I JUN INIK LAJÚ’ I K’ICHAJ, ANI NE’ETS KA JILCHIN AN JUNTA DIRECTIVA, AN
REGLAMENTO XI IN TOMNAL, ABAL KI IN ABATNA’
AKAKCHÍL. AN CONSEJO TECNICO DE ADOPCIONES BA’ AN TSÉ’ INIK LAJÚ’ I K’ICHAJ TAM KA EYANÍTS
AXÉ XI ABATNADH KÁW, KWA’AL KA TS’EJKÁN ANI KA KIDHBÁN.
KIDHBADHÍTS AN CONSEJO TECNICO DE ADOPCIONES, BA´AN TSÉ’ INIK LAJÚ’ I K’ICHAJ NE’ETS KA
JILCHIN AN JUNTA DIRECTIVA, AN REGLAMENTO XI IN TOMNAL, ABAL KI IN ABATNA’.
NE’ETS KI IN KO’OY EXBADH AN EJECUTIVO TI PULIK BICHOW, NE’ETS KI IN DHUCHA’, KIN BUKU’UW
ANI KI IN BELA’.
BINADH TI JOLTALÁB “PONCIANO ARRIAGA LEIJA” XI IN K’AL AN HONORABLE CONGRESO DEL
ESTADO, TI SESION EXTRAORDINARIA, TI KAJÚ’ WAXIK A DICIEMBRE TI TAMÚB JUN INIK JUN INIK
JUN.
AN HONORABLE CONGRESO DEL ESTADO, KAL AN DIRECTIVA. AN PRESIDENTA: LEGISLADORA
YOLANDA JOSEFINA CEPEDA ECHAVARRIA; AN K’A’AL SECRETARIO: AN LEGISLADOR CUAUHTLI
FERNANDO BADILLO MORENO; TSAPCHÍL SECRETARIO: AN LEGISLADOR JOSE LUI FERNANDEZ
MARTINEZ. (RUBRICAS)
ABAL TAM, ABATNADH KA PUTUWAT ANI KA T’AJAN AXÉ XI DECRETO ANI ABAL TALYANEL AN
EYALCHIK KI IN T’AJACHIK KA PUTUN ANI KA PILAN ANI KA TSA’ATAN TI ÚW, KA DHUCHAN ANI LA
BUKUÚWAT KAL JITA’ IN TOMNAL.
BINADH TI PALACIO DE GOBIERNO, JU’TA’ U T’OJNÁL AN PODER EJECUTIVO TI PULIK BICHOW LIBRE
Y SOBERANO DE SAN LUIS POTOSI, TI K’ICHAJ LAJÚ’ WAXÍK TI LAJÚ’ TSÁP A ÍTS’ TI TAMÚB JUN INIK
JUN INIK JUN.
JOSÉ RICARDO GALLARDO CARDONA
TS’ALE’ EYAL CONSTITUCIONAL DEL ESTADO
(RÚBRICA)
J. GUADALUPE TORRES SÁNCHEZ
AN SECRETARIO GENERAL DE GOBIERNO
(RÚBRICA)
TRADUCCION: MTRA. SITLALXOCHITL RUBIO SOTERO
]]>
© 2025 Justia